1 Eachdraidh 2:16

Am Bìoball Gàidhlig 1992

Agus b’iad am peathraichean-san Seruiah agus Abigail. Agus mic Sheruiah: Abisai, agus Ioab, agus Asahel, triùir.

Iomraidhean Croise

2 Samuel 14:1

Agus thuig Ioab, mac Sheruiah, gu robh cridhe an rìgh air Absalom.

2 Samuel 17:25

Agus rinn Absalom Amasa na cheannard air an t‑sluagh an àite Ioaib: agus b’e Amasa mac duine dom b’ainm Itra Israeleach, a chaidh a‑steach gu Abigail nighean Nahais, piuthar Sheruiah, màthair Ioaib.

2 Samuel 19:22

Agus thubhairt Daibhidh, Ciod e mo ghnothach-sa ribhse, a mhaca Sheruiah, gum biodh sibh an‑diugh nur n‑eascairdean dhomh? An cuirear an‑diugh duine sam bith gu bàs ann an Israel? Oir nach eil fhios agam gu bheil mi an‑diugh am rìgh os cionn Israeil?

2 Samuel 2:13

Agus chaidh Ioab mac Sheruiah agus seirbhisich Dhaibhidh a‑mach, agus choinnich iad a chèile aig lochan Ghibeoin: agus shuidh iad sìos, iad seo air aon taobh den lochan, agus iad siud air an taobh eile den lochan.

2 Samuel 3:39

Agus tha mise an‑diugh anfhann ged tha mi ungte am rìgh; agus tha na daoine sin, mic Sheruiah, ro chruaidh air mo shon: dìolaidh an Tighearna do fhear-dèanaimh an uilc a rèir a aingidheachd.

1 Eachdraidh 11:20

Agus bha Abisai, bràthair Ioaib, na cheann air triùir: agus thog e a shleagh an aghaidh trì cheud, a mharbh e; agus bha ainm aige am measg thriùir.

1 Eachdraidh 2:15

Osem an siathamh, Daibhidh an seachdamh:

1 Eachdraidh 2:17

Agus rug Abigail Amasa: agus b’e athair Amasa Ieter an t‑Ismeeleach.

1 Samuel 26:6

An sin fhreagair Daibhidh, agus thubhairt e ri Ahimelech an Hiteach, agus ri Abisai mac Sheruiah, bràthair Ioaib, ag ràdh, Cò a thèid sìos maille riumsa a dh’ionnsaigh Shauil don champ? Agus thubhairt Abisai, Thèid mise sìos maille riut.