1 Eachdraidh 19:4

Am Bìoball Gàidhlig 1992

Uime sin ghlac Hanun seirbhisich Dhaibhidh, agus bheàrr e iad, agus gheàrr e an aodach anns a’ mheadhon, gu ruig am màsan; agus chuir e air falbh iad.

Iomraidhean Croise

1 Eachdraidh 19:3

Ach thubhairt ceannardan chloinn Amoin ri Hanun, An saoil thusa gur ann a‑chum urram a thabhairt dod athair a chuir Daibhidh ad ionnsaigh luchd-comhfhurtachd? Nach ann a rannsachadh, agus a ghabhail beachd air an fhearann, agus ga sgrios, a thàinig a sheirbhisich ad ionnsaigh?

1 Eachdraidh 19:5

Agus chaidh daoine, agus dh’innis iad do Dhaibhidh mar a bhuineadh ris na fir; agus chuir esan teachdairean nan coinneamh, a chionn gu robh nàire mhòr air na daoine: agus thubhairt an rìgh, Fanaibh ann an Iericho gus am fàs ur feusag, agus an sin tillibh.

2 Eachdraidh 36:16

Ach rinn iadsan fanaid air teachdairean Dhè, agus rinn iad dìmeas air a bhriathran, agus rinn iad tarcais air a fhàidhean, gus an d’èirich fearg an Tighearna an aghaidh a shluaigh air chor is nach robh leigheas ann.

Salm 35:12

Dhìol iad dhomh olc an èirig maith, a’ cur romhpa mo bheatha a thoirt uam.

Isaiah 15:2

Chaidh e suas gu Bait agus gu Dibon, na h‑ionadan àrda, a ghul. Nì Mòab caoineadh airson Nebo agus airson Mhedeba; air gach ceann dhiubh bidh maoile; bidh gach feusag air a gearradh dheth.

Isaiah 20:4

Mar sin bheir rìgh Asiria air falbh braighdean na h‑Eiphit, agus fògarraich Etiopia, òigridh agus seann daoine, len taobh-cùil air a leigeadh ris, a‑chum nàire na h‑Eiphit.

Ieremiah 41:5

Gun tàinig daoine àraidh, o Shechem, o Shiloh, agus o Shamaria, ceithir-fichead fear, aig an robh am feusagan air am bearradh, an aodaichean air an reubadh, agus iad fhèin geàrrte, le tabhartasan agus tùis nan làimh gu an toirt gu taigh an Tighearna.

Ieremiah 48:37

Seadh, bidh gach ceann maol, agus gach feusag beàrrte: air na h‑uile làmhan bidh gearraidhean, agus air na h‑uile leasraidh sac-èideadh.

Lebhiticus 19:27

Cha bheàrr sibh mun cuairt oisnean ur ceann, cha mhò a mhilleas tu oisnean d’fheusaig.

Marcus 12:4

Agus a‑rìs chuir e seirbhiseach eile dan ionnsaigh: agus chlach iad e, agus reub iad a cheann, agus chuir iad uapa e le eas-urram.