1 Eachdraidh 16:22

Am Bìoball Gàidhlig 1992

Ag ràdh, Na beanaibh rim dhaoine ungte, agus air m’fhàidhean na dèanaibh cron sam bith.

Iomraidhean Croise

Genesis 20:7

A‑nis, matà, thoir air a h‑ais don duine a bhean; oir is fàidh e, agus nì e ùrnaigh air do shon, agus bidh tu beò: ach mura toir thu air a h‑ais i, biodh fhios agad gum faigh thu bàs gu cinnteach, thu fhèin agus gach uile as leat.

1 Rìgh 19:16

Agus Iehu mac Nimsi ungaidh tu na rìgh air Israel: agus Elisa mac Shaphait o Abel-meholah ungaidh tu na fhàidh ad àite fhèin.

1 Eachdraidh 16:23

Seinnibh don Tighearna, gach uile thìr; foillsichibh o là gu là a shlàinte.

Salm 105:15

Ag ràdh, Na beanaibh rim dhaoine ungte, agus air m’fhàidhean na dèanaibh cron.

1 Eòin 2:27

Ach tha an t‑ungadh a fhuair sibh uaithesan a’ fantainn annaibh: agus chan eil feum agaibh gun teagaisgeadh aon neach air bith sibh: ach, mar a tha an t‑ungadh seo fhèin gur teagasg mu thimcheall nan uile nithean, agus a tha e fìor, agus nach breug e, eadhon mar a theagaisg e sibh, fanaibh ann.