1 Eachdraidh 12:40

Am Bìoball Gàidhlig 1992

A bhàrr air sin, thug iadsan a bha fagas dhaibh, gu ruig Isachar, agus Sebulun, agus Naphtali, aran leo air asail, agus air càmhail, agus air muileidean, agus air daimh, biadh, min, mill fhìgean, agus bagaidean de fhìondhearcan tiormaichte, agus fìon, agus ola, agus daimh, agus caoraich ann am pailteas; oir bha aoibhneas ann an Israel.

Iomraidhean Croise

2 Samuel 16:1

Agus nuair a chaidh Daibhidh beagan thar mullach an t‑slèibh, feuch, thàinig Siba, òglach Mhephiboset, na choinneamh le dà asail air an dìollaideachadh, agus dà cheud buileann arain orra, agus ceud bagaid de fhìondhearcan tiormaichte, agus ceud de mheas samhraidh, agus searrag fhìona.

1 Rìgh 1:40

Agus thàinig an sluagh uile a‑nìos na dhèidh, agus bha an sluagh a’ pìobaireachd le pìoban, agus a’ dèanamh gàirdeachais le mòr-ghàirdeachas, air chor is gun do reubadh an talamh lem fuaim.

2 Rìgh 11:20

Agus rinn sluagh na tìre uile gàirdeachas, agus bha am baile sàmhach: agus mharbh iad Ataliah leis a’ chlaidheamh làimh ri taigh an rìgh.

1 Eachdraidh 12:39

Agus bha iad an sin maille ri Daibhidh trì làithean, ag ithe agus ag òl: oir dh’ullaich am bràithrean air an son.

1 Eachdraidh 13:1

Agus chuir Daibhidh a chomhairle riùsan a bha os cionn mhìltean agus cheud, ris gach uile cheannard.

1 Eachdraidh 29:22

Agus dh’ith agus dh’òl iad an làthair an Tighearna air an là sin le mòr shubhachas; agus rinn iad Solamh mac Dhaibhidh na rìgh an dara uair, agus dh’ung iad e don Tighearna na àrd-uachdaran, agus Sadoc na shagart.

Gnàth-fhacal 11:10

Nuair a dh’èireas gu math do na fìreanan, nì am baile gàirdeachas; agus nuair a sgriosar na h‑aingidh, bidh luathghaire ann.

Gnàth-fhacal 29:2

Nuair a bhios na fìreanan cumhachdach, nì an sluagh gàirdeachas; ach nuair a riaghlas na h‑aingidh, nì an sluagh osnaich.

Hosèa 3:1

Os bàrr thubhairt an Tighearna rium, Imich a‑rìs, gràdhaich bean (ionmhainn le a caraid, ged tha i na ban-adhaltranaich) a rèir gràdh an Tighearna do chloinn Israeil, ged tha iadsan ag amharc ri diathan eile, agus a’ gràdhachadh cupanan fìona.

1 Samuel 25:18

An sin rinn Abigail cabhag, agus ghabh i dà cheud buileann arain, agus dà shearraig fhìona, agus còig caoraich air an deasachadh, agus còig tomhaisean de shìol cruadhaichte, agus ceud bagaid de fhìondhearcan tiormaichte, agus dà cheud meall de fhìgean; agus chuir i air asail iad.