1 Eachdraidh 12:32

Am Bìoball Gàidhlig 1992

Agus de mhic Isachair, aig an robh aithne air na h‑aimsirean, a thuigsinn ciod a bu chòir do Israel a dhèanamh, bu dà cheud an ceannardan; agus am bràithrean uile aig an òrdagh-san.

Iomraidhean Croise

Genesis 49:14

Is asal làidir Isachar, a’ crùbadh sìos eadar dà eallaich:

1 Eachdraidh 12:31

Agus de leth-threubh Mhanaseh, ochd-mìle-deug, a dh’ainmicheadh air an ainmean, gu teachd a dhèanamh Dhaibhidh na rìgh.

1 Eachdraidh 7:4

Agus acasan, a rèir an ginealaichean, a rèir taigh an athraichean, bha buidhnean shaighdear gu cogadh, sia-mìle-deug ar fhichead fear: oir bha iomadh bean agus mac aca.

Esteir 1:13

An sin thubhairt an rìgh ris na daoine glice dom b’aithne na h‑aimsirean (oir b’e sin gnàth an rìgh dan taobhsan uile a bha eòlach air lagh agus breitheanas:

Gnàth-fhacal 14:8

Is e gliocas an duine chiallaich a shlighe a thuigsinn; ach is cealg amaideachd nan amadan.

Gnàth-fhacal 24:5

Tha an duine glic na dhuine làidir; agus tha fear an eòlais treun ann an neart.

Eclesiastes 7:19

Neartaichidh gliocas duine glic nas mò na deichnear dhaoine cumhachdach a tha anns a’ chathair.

Eclesiastes 9:18

Is fheàrr gliocas na innealan-cogaidh: ach millidh aon pheacach mòran maith.

Isaiah 33:6

Agus bidh slàinte làidir, gliocas, agus eòlas, nan daingneachadh dod linn; tha eagal an Tighearna na ionmhas dha.

Micah 6:9

Tha guth an Tighearna a’ glaodhaich ris a’ bhaile, agus bheir an duine glic fa‑near d’ainm: èisdibh-se an t‑slat, agus an Tì a dh’òrdaich i.

Mata 16:3

Agus air madainn, Bidh droch aimsir ann an‑diugh, oir tha an t‑adhar dearg agus dorcha. A chealgairean, is aithne dhuibh breith a thoirt air gnùis an adhair, agus nach eil e an comas dhuibh comharraidhean nan aimsir a thuigsinn?

Ephèsianach 5:17

Air an adhbhar sin na bithibh-se neo-ghlic, ach a’ tuigsinn ciod e toil an Tighearna.

Deuteronomi 33:17

Mar chiad-ghin a thairbh tha a sgèimh, agus mar adhaircean nan aon-adharcach tha a adhaircean-san: leo seo purraidh e an sluagh le chèile, gu iomallan na talmhainn: agus is iad seo deich mìltean Ephraim, agus is iad seo mìltean Mhanaseh.