1 Eachdraidh 1:32

Am Bìoball Gàidhlig 1992

Agus mic Cheturah, coileabach Abrahàim: rug ise Simran, agus Iocsan, agus Medan, agus Midian, agus Isbac, agus Suah. Agus mic Iocsain; Sèba, agus Dedan.

Iomraidhean Croise

Genesis 37:28

An sin chaidh Midianaich seachad, ceannaichean; agus tharraing iad agus thog iad suas Iòseph as an t‑sloc, agus reic iad Iòseph ris na h‑Ismaelich air fichead bonn airgid. Agus thug iadsan Iòseph don Eiphit.

1 Rìgh 10:1

Agus nuair a chuala bànrighinn Shèba cliù Sholaimh ann an ainm an Tighearna, thàinig i ga dhearbhadh le ceistean cruaidhe.

1 Eachdraidh 1:31

Ietur, Naphis, agus Cedemah. Is iad sin mic Ismaeil.

1 Eachdraidh 1:33

Agus mic Mhidiain: Ephah, agus Epher, agus Henoch, agus Abida, agus Eldaah. Is iad sin uile mic Cheturah.

Iob 6:19

Dh’amhairc buidhnean Thema, dh’fheith cuideachdan Shèba orra.

Salm 72:10

Bheir rìghrean Tharsis agus nan eilean tìodhlacan uapa; bheir rìghrean Shèba agus Shaba tabhartasan dha.

Salm 72:15

Agus bidh e beò, agus bheirear dha de òr Shèba, agus nìthear ùrnaigh air a shon a‑ghnàth; gach là beannaichear e.

Isaiah 21:13

An fhàistneachd mu thimcheall Aràbia. Anns an fhrìth ann an Aràbia gabhaidh sibh tàmh, a chuideachdan-siubhail Dhedanim.

Isaiah 60:6

Còmhdaichear thu le lìonmhorachd nan càmhal, le dromadairean Mhidiain agus Ephah; thig iad uile o Shèba; òr agus tùis giùlainidh iad, agus cliù an Tighearna cuiridh iad an cèill.

Ieremiah 25:23

Do Dhedan, agus do Thema, agus do Bhus, agus do na h‑uile a tha anns na ceàrnan iomallach;

Ieremiah 49:8

Teichibh, tillibh air ur n‑ais, rachaibh domhain a ghabhail còmhnaidh, O luchd-àiteachaidh Dhedain; oir bheir mise dòrainn Esau air, nuair a smachdaicheas mi e.

Eseciel 25:13

Uime sin, mar seo tha an Tighearna Dia ag ràdh, Sìnidh mise fòs a‑mach mo làmh air Edom, agus gearraidh mi as duine agus ainmhidh uaithe, agus nì mi fàs e o Theman, agus tuitidh muinntir Dhedain leis a’ chlaidheamh.

Eseciel 27:20

B’e Dedan do cheannaiche ann an aodaichean luachmhor airson charbad.

Àireamh 25:6

Agus, feuch, thàinig fear de chloinn Israeil, agus thug e a‑chum a bhràithrean ban-Mhidianach, ann an sealladh Mhaois, agus ann an sealladh coitheanal chloinn Israeil uile, agus iad a’ gul aig doras pàillean a’ choitheanail.

Àireamh 31:2

Dìol clann Israeil air na Midianaich; na dhèidh sin cruinnichear a‑chum do dhaoine thu.