MATHAI 8:13 - Biahrai Tha Zyphe rei

¹³ Mataico Zisu tah raekeh zakheh buipaw cawh, “Va sei thlang! A cang a, tatah na zingpaw hratah tua a cang thlang a,” tatah a tah. Taico ma suimehlang cai lalei leco a saecapaw cawh a dang palang.

MATHAI 8:13 Iomraidhean Croise

MATHAI 15:28

Mataico Zisu tah, “Cawngsawno, nama cawh zingnah a pacypaw a hnuipaw na cang! Na dupaw khah peh na cang a,” tatah a chai. Taico a sawcanu cawh ma suimehlang cai lalei leco a dang kaw.

MATHAI 17:20

Zisu taco, “Naa zingnah a cawng tu cawtah a cang. Biahmuisui ka ca ching he, aihrang hmu tia tei chang zingnah naa hnui caco, ma tlaang heh, ‘Ma taihei pawlang kheh a hnei,’ tah la, a hnei thlang a. Naa cawtah a cang khy lypaw ung be.

MATHAI 8:4

Taico Zisu tah, “Ahohmai ching khe lo. Ma duitei cawh va sei la, tlangbui a va ming sá la, Moses phungbia hrakhei thuihlainah va tua, ma paw suico dangsah na cangpaw khah ming maikaw tah aa ca hni a,” tatah a tah.

MATHAI 9:22

Zisu cawh a va paleh ka, ma canuno cawh a hmuh. “Ka sawcanu na thlawlung seh. Na zingnah tah a ca dangsah,” tatah a tah. Taico sungkheh teitah ma canuno cawh a dang.

MARKA 7:29

Mataico Zisu tah, “Ma hratei na pachainah cawtah hei, ing lang na dih khy. Khachia tah na sawcanu cawh a piasai thah,” tatah a tah.

MARKA 9:23

Zisu taco, “Na tua khy caco na tah maw? Zingnah a hnuipaw caw taco zezong tua khy a cang,” tatah a tah.

JOHAN 4:50

Zisu taco, “Va sei thlang, na sawcapaw cawh a hring a,” tatah a palei. Ma cawngsaw taco Zisu tei a hai letah bia a reipaw cawh zing ka, a sei hly.