MATHAI 6:3 - Biahrai Tha Zyphe rei

³ Canghrasala a phahlahpaw cawngsaw cawh naa pehlai tih he tah naa cacang lang kih tei a tuapaw cawh naa cavui lang kih khah hnisah khe la,

MATHAI 6:3 Iomraidhean Croise

MATHAI 12:19

Ama cawh a hrychae be, a cang ly leh ysang be. Langpui sahlo letah a o cawh ahotahmai thui a bei he.

MATHAI 6:2

Macawtaco a phahlahpaw cawngsaw naa pehlai tih he tah cungmai raipha sahlo tei cawngsaw tah ma cizaw naa he seh tatei synagog sahlo le langpui sahlo letah aa tualaipaw hratah naa tuapaw cawh hmoka tung tah y khui lai khe lo. Biahmuisui ka ca ching he, aaning sahlo cawh aa longmai khah a tling teitah aa hmuh thah kho.

MATHAI 6:4

ma pawsui co naa pehlainah cawh aparuh a cang a. Mataico naa Paw, a paruh teitah tuapaw a hmuhpaw taco longmai a ca pae he a.

MATHAI 8:4

Taico Zisu tah, “Ahohmai ching khe lo. Ma duitei cawh va sei la, tlangbui a va ming sá la, Moses phungbia hrakhei thuihlainah va tua, ma paw suico dangsah na cangpaw khah ming maikaw tah aa ca hni a,” tatah a tah.

MATHAI 9:30

aa mehcawh khua a hmuh khy kaw. Zisu taco aaning cawh, “Ahohmai hnisah khe lo,” tatah cyky tah bia a patai he.

MARKA 1:44

Zisu tah, “Ahohmai ching khe lo, ma duitei cawh tlangbui a va mingsah la, na dang my ca cawtah khei Moses phungbia hrakhei thuihlainah va tua la, ma pawsui co dangsah na cangpaw khah ming maikaw tah aa ca hni a,” tatah bia a patai.

JOHAN 7:4

Cawngsaw tah pa hnih he seh tah a dupaw taco aparuh teitah zehmai tua bang bei he. Ma hming sahlo na tuapaw hei khazaw cawh a hnisah ca,” tatah aa tah.