MATHAI 4:7 - Biahrai Tha Zyphe rei

⁷ Zisu tah, “Ma hrahei ciapaw a cang, ‘Abuipaw na Khazing cawh hnehsah kheh,’ tah a cang,” tatah a chai.

MATHAI 4:7 Iomraidhean Croise

MATHAI 21:16

Aaning taco, “Ma nyheh sahlo tei aa reipaw cawh na thui maw?” tatah Zisu cawh aa hae. Zisu taco, “Ka thui thlang. ‘Nyheh sahlo le hasaitei sahlo hmokaw taitah, Nama reithainah khah palang chua pawtah na cawngpah thah he,’ tahpaw khah rei bang bei he ceh maw,” tatah a palei he.

MATHAI 21:42

Zisu taco, “Capathai letah rei bang bei he ceh maw? ‘Ing a sahtu sahlo tei aa hlawhpaw alung cawh a biapui caipaw alung tah a cang. Abuipaw tah ma heh tua ka, kaa mehmuh letah khuarawha a chuipaw a cang,’ tahpaw heh.

MATHAI 4:10

Zisu taco, “Setan, seihly myca! Zecawtamaw tatah Capathai letah ma hrahei cia a cang, ‘Abuipaw na Khazing khah beh la, Ama a rai suipaw hre my lo,’ tahpaw a cang,” tatah a palei.

MATHAI 4:4

Zisu taco, “Khazing bia letah ma hrahei ciapaw a cang, ‘Cawngsaw heh very suipaw tah a hring tlung be, Khazing hmokaw taitah a chuhpaw bia maikaw tah a hring hri,’ tah a cang,” tatah a chai.

LUKA 4:12

Zisu tah, “Abuipaw na Khazing cawh hnehsah kheh, tahpaw a cang,” tatah a chai.

APOSTOL 15:10

Taico, atoheh zecawtamaw kaaning le kaa mapaw sahlo tei kaa pho khy lypaw Moses phungbia suihnang khah hningzuitu sahlo aa hirong letah khing tah Khazing khah hnehsah na pachia he ceh?

APOSTOL 5:9

Piter taco a hai letah, “Abuipaw Thlawpaw hnehsá pawtah zekhatah zia tamaw na naw a tlah lalei? Mingtua! Na pasae rawh a phungpaw cawngsaw sahlo cawh ingkaw letah ung thlang he ka, nama zong aa ca seikhui hra a,” tatah a tah.

1 KORIN 10:9

Aaning sahlo letei thaikhehpaw sahlo tah Abuipaw khah hnehsah he ka, pari tah a cuh sehpaw he hratah Abuipaw cawh kaa hnehsápaw cang be.

HEBRU 3:9

Ma lekhei naa mapaw sahlo tah kung songli chung aa cawtah ka tuapaw aa hmuh thlang naná teitah pa dy he ka, aa pa pase.