MATHAI 17:5 - Biahrai Tha Zyphe rei

⁵ Bia a rei leimei chung taco meding a khaipaw takhei aaning cawh pahlong he ka, meding chung taico, “Ma heh ka dopaw ka Sawcapaw a cang, a cung lehei ka lung a lawng ngetei. A bia nge my lo!” tatah o a za ring.

MATHAI 17:5 Iomraidhean Croise

MATHAI 12:18

“Ma heh ka thingpaw ka sae, ka do ngeteipaw, ka lungtlingnah khah a cang. A cung letah ka Thlawpaw cawh chia neh ka, Ama tahei dingnah cawh mingphing sahlo hai letah a y khui a.

MATHAI 17:6

A hningzuitu tah ma bia cawh aa thui tihtah ci tu he ka, aa hme cawh alui lang a khuh he.

MATHAI 3:17

Taico avai taitah o za ring ka, “Ma heh ka dopaw ka Sawcapaw cawh a cang. Ama letah ka lung a lawng ngetei,” tatah a tah.

MARKA 1:11

Taico, avai taitah, “Nama cawh ka dopaw ka Sawcapaw na cang. Na cung letah ka lung a lawng ngetei,” tatah o a za ring.

MARKA 9:7

Taico aa cung letah meding cawh va thang ka, aaning cawh pahlong he ka, meding chung taico, “Ma heh ka dopaw ka Sawcapaw a cang, a bia nge my lo!” tatah o a za ring.

LUKA 3:22

Thlawpaw Pathai cawh thury hratah a cung letah a za cung. Taico avai taitah o za ring ka, “Nama cawh ka dopaw Ka Sawcapaw na cang, na cung letah ka lung a lawng ngetei,” tatah a tah.

JOHAN 3:16

Khazing tah khazaw heh a do ngeteinah cawtah a Sawcapaw hnuitlakangpaw khah a peh. Ahohmai a zingpaw maikaw cawh lyde lytah chaizaw hringnah aa hnui a.

JOHAN 3:35

Paw tah Sawcapaw khah a do, zezong vytei khah a kih letah a chia.

JOHAN 5:37

Taico a pa tawtupaw Paw ceingei tah ka cangnah konglang cawh a langsah. Naaning taco a o thui bang be ca he ceh ka, a hmui zong hmuh bang bei he ceh.

APOSTOL 1:9

Ma bia heh a rei khy taitah aa ming thlang chung tah vaicung lang lah chy cang ka, mehding tah bakhu ka hmuh khawh bei he.

APOSTOL 7:37

Israel cawngsaw sahlo khah, ‘Khazing tah kama hapaw Khazing khuavang heh naaning naa cawngsaw chung lilaw taitah a ca thlawpah he,’ tatei a tahpaw he khah Moses heh a cang.

EFESA 1:6

Macawtaco, a dopaw a Sawcapaw letah amai lytah a ma pehpaw, arungnawpaw a ningdonah rawng tahei Khazing cawh reithai he peh.

KOLOSA 1:13

Ma Khazing taco Setan painah a muinah chung taitah ma thochua ka, a dopaw a Sawtei painah raang chung lang a ma naesah.

HEBRU 5:9

Mataico, mehtling tah tua a cang tihtah Ama a rei a ngepaw vytei cawtah chaizaw pachahnah a hrangpui tah a va cang.

APALYNAH 1:7

Ngetua, Ama cawh meding cung lekhei a vong leimei, meh vytei tah aa hmuh tae a, a kang letei a dongpaw zong takhei aa hmuh a, Ama rawng tah aluicung pungpaluh letei ming vytei tah mangchia hratah aa sá a. Ma hraco cang ky seh! Amen.

APALYNAH 14:14

A hui neh ka, ka hme letei a ungpaw meding araangpaw cung leco Cawngsaw Sawcapaw a lopaw cawh a ty thlang ka, abui suilukhu a khu ka, a kih letah sahaw a te ngeteipaw a tle thlangpaw khah ka hmuh.