MATHAI 13:23 - Biahrai Tha Zyphe rei

²³ Canghrasala alui a chahnah letei a tlahpaw thleci cawh Khazing bia thui katei, a hnih thaipaw cawngsaw khah a cang. Thui hnui ka, a leh songthung, a leh songruh, a leh zakheh tah a vui,” tatah a palei he.

MATHAI 13:23 Iomraidhean Croise

MATHAI 12:33

Thingkungpaw cawh a kung a chah caco, a thui cawh a chah thlang a, a cang ly leh a kung a chah ly caco, a thui cawh a chia thlang a, zecawtamaw tatah thingkungpaw cawh a thui tah hni khy a cang.

MATHAI 13:8

A chy cawh alui a chahnah letah tlah he ka, a leh songthung, a leh songruh, a leh zakheh tah a vui he.

MATHAI 3:10

Thingkung hrang maikaw letah ahrui aa chia thlu thah. Thui chaw a thui lypaw thingkung maikaw cawh hyhly tah me lang bo a cang he a.

MATHAI 3:8

Na ngepachihnah he ceh cawh a thuipa tah palang my lo!

MARKA 10:15

Biahmuisui ka ca ching he, Khazing painah raang cawh nyheh hratei a cyhlang lypaw taco a chung lang a nae by a be,” tatah a tah.

MARKA 4:20

Canghrasala ahringpaw cawngsaw thaikheh cawh alui a chahnah letei a tlahpaw thleci khatah a lo he. Khazing bia cawh thui he ka, cyhlang he ka, thuisu cawh a leh songthung, a leh songruh a leh zakheh tai hmai a vui he,” tatah a tah.

LUKA 13:9

Hangkung lang a thui caco chah thlang ka, ma hratah cang ly tei a thui ly caco, hyhly thlang lepui ceh,’ a tah,” tatah a tah.

LUKA 8:15

Canghrasala, alui a chahnah letei a tlahpaw sahlo cawh lung hmuisui teitah Khazing bia cawh thui he ka, a tle he ka, a thuisu a tuanah tai teria teitah aa zuipaw cawngsaw sahlo khah a cang he,” a tah.

LUKA 8:8

A chy cawh alui chahnah letah tlah ka, ka cy ka, a thuisu tua ka, a vapaw navy tah a leh zakheh tah a hlu vy a chuh.” Ma bia heh a thangpui tah rei ka, “Thuinah nawkho a hnuipaw taco ma bia heh thui he seh,” tatah a tah.

JOHAN 15:16

Naaning tah pa thing bei ceh, va sei tah a thui thui pawtah le a paruipaw thui thui rua pawtah kama tah ka ca thing he. Mataico ka ming tei naa haepaw maikaw khah Paw tah a ca pae he a.

JOHAN 8:47

Khazing tei a cangpaw cawngsaw taco Khazing rei khah a nge. Khazing a rei naa nge lynah chang cawh Khazing tei naa cang lynah cawtah a cang hi,” tatah a tah he.

APOSTOL 16:14

Bia a ngepaw hrong leco Thiatira khuapui taitah pai saipaw a va zuapaw canu pakheh ung ka, a ming Lidia a cang. Ama cawh Khazing a behpaw cang ka Paul tei a reipaw bia khah nge pawtah Khazing tah a lungthing khah a hongpah.

APOSTOL 17:11

Beria khua cawngsaw sahlo cawh Thesalonika khua cawngsaw sahlo navy tah aa hringzia chah vy ka, bia cawh lungtho teitah nge he ka, Paul tei a reipaw khah ahmang maw hmang ly tah khah hni du tah Khazing Capathai khah a ning tating tah aa mingpase.

2 KORIN 9:10

Thleci a vatu khah thleci le e rua batui a peipaw Khazing taco naa hnuipaw vytei khah papungsah ka, taico naa dingnah a thuipa khah a kasah hrá a.

FILIPI 1:11

Zisu Khri thongtah a va chuhpaw dingnah thuipa khei chih a he ceh ka, ma cawh Khazing rungnawnah le reithainah cawtah a cang.

FILIPI 4:17

Naa lahsong hmuh khah ka du cawtah cang lytah pehlainah taitah a chuhpaw lahsong naa hmuh a paw khah ka du cawtah a cang.

KOLOSA 1:10

Taico Abuipaw khatei a tlahpaw hringná tah naa hring khy nápawtah le zezongpui letah a lung naa lawngsah khy nápaw he ceh tah raichaw maikaw letah thuipa hnui tah Khazing hninah letah naa changchy nápawtah thlaw kaa ca chang pahpaw he a cang.

KOLOSA 1:6

Ma thawngchawbia thui he ceh katei, Khazing ningdonah biahmuisui khah naa hnithai ning taitei, naa hrong letah rai a hrepaw hrakhei khazaw hmingting letah cy lai ka, a thui a thuilai leimei.

1 THESALONIKA 4:1

Uny sahlo, a changnah letaco Khazing a lawngsah rua pawtah zehratamaw naa ung a hia tahpaw khah ca ching thah he peh ka, atotei naa hringzia heh a cang. Atoheh ma cawh a hlu vy tah na tua vy leimei nápawtah kaa Buipaw Zisu letah a ca hy he peh ka, ca sia he peh ka, kaa ca ching vypaw he a cang.

2 THESALONIKA 2:10

A lyde leimeipaw sahlo cawh chahlynah phingting takhei a dungkhei he a. Aa lydepaw cawh pachah aa cang nápaw biahmuisui khah aa dulynah cawtah a cang.

HEBRU 4:2

Aaning hratah thawngchawbia cawh cawngpah kaa cang hrah peh, a cang naná teitah aa thuipaw bia cawh mai hnui ly a cang. Zecawtamaw tatah mehnung pahning tah cy ly co, a thuipaw vytei tah zingnah khatah aa cyhlang lynah cawtah a cang.

HEBRU 6:7

Khuatui a caipaw alui, raihretu sahlo aa caw tei e le ba a chuasah teipaw alui cawh Khazing tah bonghnang a songpaw a cang.

HEBRU 8:10

Ma heh hmelang letah Israel mingphing khatei ka tua lepaw biahrai cawh a cang a, tatah Abuipaw tah a tah. Ka phungbia cawh aa thinglung chung letah chia neh ka, aa lungchung letah ka cia a. Kama cawh aa Khazing cang neh ka, aaning cawh ka cawngsaw a cang he a.

2 PITER 3:18

Canghrasala kaa Buipaw le Pachahtu Zisu Khri ningdonah le hninah lekhei changchy hri my lo. Ama leco rungnawnah cawh atoheh le chaizaw tah ung ky seh! Amen.

1 JOHAN 5:20

Khazing Sawcapaw cawh a vong ka, ahmuisuipaw Khazing kha kaa hni khy ná pawtah hnithainah a ma peh tah cawh kaa hni. Kaaning cawh ahmuisuipaw Khazing le a Sawcapaw Zisu Khri chung letah kaa ung. Ama cawh Khazing hmuisui le chaizaw hringnah a cang.