MARKA 6:2 - Biahrai Tha Zyphe rei

² Sabat ning cawh va chuh ka, synagog leco cawngpah he ka, a bia aa thuipaw vytei cawh aa ning a ang ngetei. Aaning taco, “Ma cawngsawpaw heh zehapaw singnah maw aa peh? Zekhatamaw ningang chuipaw hming sahlo heh a tua khy?

MARKA 6:2 Iomraidhean Croise

MATHAI 4:23

Zisu cawh Galili raang chung lekhei a khia ka, synagog sahlo lekhei a cawngpah he. Vaicung painah raang kong thawngchawbia khah ching he ka, asawnah maikaw le danglynah maikaw taikhei aa sahpaw sahlo khah a dangsah he.

MATHAI 7:28

Zisu tah ma hming sahlo heh a rei thlu tihtah mingzawpui cawh a cawngpahnah cawh aa khuarawh a haa thlang.

MARKA 1:39

Mataico Galili raang chung vytei cahrong ka, synagog sahlo letah phungrei lai ka, khachia zong a papia lai he.

MARKA 10:1

Ma khy taico Zisu cawh ma hminghmaw taico piathlah ka, Judia raang le Jordan tuivaw rae lang khah a sei. Ma leco cawngsaw hlupui cawh Ama khatah a vong hui he ka, a tua teipaw hratah aaning cawh a cawngpah he.

LUKA 2:47

A chaipaw he bia le a hnithai zia, aa thuipaw maikaw cawh aa ning a ang ngetei.

LUKA 4:15

Aa synagog sahlo letah cawngpah he ka, ming vytei tah Ama cawh aa reithai.

JOHAN 6:42

“Ma paw heh Zisu, Josef a sawcapaw khah cang bei maw, a no le a paw kaa hni thlangpaw he khah? Zecawtamaw, ‘Vaicung taitah ka za cung tatah a tah lalei?’ ” tatah aa tah.

JOHAN 7:15

Juda cawngsaw sahlo cawh aa khuarawh haa ka, “Ma cawngsawpaw tahei cawngnah hnui lytah zekhatamaw ma hrahei a hni thlang?” tatah aa tah.