MARKA 1:19 - Biahrai Tha Zyphe rei

¹⁹ A cawngpe va sei he ka, aa so sahlo khah a thei leimeipaw he Zebedi sawcapaw Jeims le a unypaw Johan khah tuilawng chung letah a hmuh he.

MARKA 1:19 Iomraidhean Croise

MATHAI 4:21

Mataico va sei vy ka, ahringpaw uny pahning Zebedi a sawcapaw Jeims le a unypaw Johan khah a hmuh he. Aaning cawh aa paw Zebedi khakhei tuilawng chung letah ung thlang he ka, aa so sahlo khah aa thei leimei. Zisu taco y he ka,

MARKA 1:18

Ma cangkaw leco aa so sahlo cawh seisai he ka, Zisu cawh aa zui.

MARKA 1:20

A hmuh cangkaw he leh aaning cawh y he ka, aa paw Zebedi cawh a hlofapaw sahlo khakhei tuilawng letah seisai he ka, Zisu cawh aa zui.

MARKA 10:35

Taico, Zebedi sawcapaw leh Jeims le Johan cawh Zisu khatah a vong he. A hai leco, “Cawngpahtu, kaa ca haepaw maikaw ma tuapah law tah kaa du,” tatah aa tah.

MARKA 14:33

Piter le Jeims le Johan cawh Ama khatah a chui he ka, lung reithui le vaisang tah a ung.

MARKA 3:17

Zebedi sawcapaw Jeims le Johan (Boanazi a tah he, a silang cawh khalung sawtei sahlo tahnah a cang),

MARKA 5:37

Piter le Jeims le Jeims a unypaw Johan tah cy ly co ahohmai a zuisah bei he.

MARKA 9:2

Taico, ningruh khy tah Piter le Jeims le Johan cawh Zisu tah tlaang sangpaw lang a kekhui he. Ma leco aaning teitah aa ungning tah Zisu cawh aa hmekaw leco a hmuisang cawh a thlai.

JOHAN 21:2

Simon Piter, Thomas (Didama aa tahpaw), Galili raang Kana khuapaw Nathaniel, Zebedi a sawcapaw leh le ahringpaw hningzuitu pahning sahlo cawh hmokheh letah a ung he.

APOSTOL 1:13

Aa va tlung kaw taico aa ungnah ing a cung khang lang cawh aa ke. Ma letei a ungpaw sahlo cawh Piter, Johan, Jeims le Andru, Filip le Thomas, Barthalomeo le Mathai, Alfas a sawcapaw Jeims le ci le phing a dawkhuipaw Simon le Jeims a sawtei Judas a cang he.

APOSTOL 12:2

Ama taco Johan a uteipaw Jeims khah zyzi tah a thawsah he.