JOHAN 6:5 - Biahrai Tha Zyphe rei

⁵ Zisu cawh a hui ka, Ama lang cawngsaw rungpui a vongpaw he khah a hmuh tihtah Filip hai leco, “Ma cawngsaw sahlo aa e rua tahei zeletamaw very kaa va caw a?” tatah a tah.

JOHAN 6:5 Iomraidhean Croise

MATHAI 15:33

A hningzuitu sahlo taco, “Ma raang kingdang lehei ma vytei mehnung dang ruapaw lawh heh zeletamaw kaa la a?” tatah aa chai.

MARKA 6:32

Macawtaco aaning longtei tah tuilawng tah a kingdangnah lang cawh aa sei.

LUKA 9:10

Apostol sahlo cawh aa va tlung kaw tihtah aa tuapaw hming kong khah Zisu cawh aa ching. Taico aaning sahlo cawh a chui he ka, Bethsaida aa tahpaw khua lang cawh aaning teitah aa sei.

JOHAN 1:43

A ningthlamongpaw letaco Zisu cawh Galili raang lang sei pawtah a pachia. Taico Filip cawh hmuh ka, “Va pa zui,” tatah a tah.

JOHAN 1:44

Filip cawh Andru le Piter sahlo khatei khuakheh letah a ung hruipaw a cang. Ma cawh Bethsaida khua a cang.

JOHAN 1:45

Filip tah Nathaniel cawh hmuh ka, a hai letah, “Moses tei phungbia letei a konglang a ciapaw, Khazing khuavang sahlo zong tei a kong aa reipaw, Nazaret Zisu, Josef a sawcapaw cawh kaa hmuh myca,” tatah a tah.

JOHAN 1:46

Nathaniel taco, “Nazaret taitah hmingchaw a piathai thlang maw?” a tah. Filip taco, “A vong la, mingtua,” tatah a tah.

JOHAN 1:48

Nathaniel taco, “Zekhatamaw na pa hni?” a tah. Zisu tah a hai letah, “Filip tei a ca y hlai letei thuiku kung rai letah na ung thlangning takhei, ka ca hmuh,” tatah a tah.

JOHAN 4:35

‘Thlah pali khy taico saze hre a cang a,’ tah tei bei he ceh maw? Ka ca ching he hi, naa meh duichy la, saze ly khah mingtua o! Hre rua pawtah a zaw thlu myca he khi.