JOHAN 3:6 - Biahrai Tha Zyphe rei

⁶ Ngaisaw taco ngaisaw a sah kaw, Thlawpaw taco thlawpaw a sah hrah.

JOHAN 3:6 Iomraidhean Croise

JOHAN 1:13

Ma sahlo cawh cawngsaw phunglang tah sahpaw cang bei he. Taico cawngsaw biachawnah le pasaepaw dunah hratah sahpaw zong cang lytah Khazing taitah sahpaw a cang he.

JOHAN 3:7

‘Na pitha ruapaw a cang,’ tatei ka ca tahpaw heh na ningang kheh seh.

ROM KHRISAWBU KHATEI PAUL CAKUA 7:18

Sua a thaipaw ka ngaisaw phung lehei, chahnah ung be takhah ka hni. Zecawtamaw tatah chahnah tua dunah khah ka chung letah ung hmai seh la, chahnah tuakhynah hnui bei neh.

ROM KHRISAWBU KHATEI PAUL CAKUA 7:25

Kaa Buipaw Zisu Khri thongtah pachah ka cang cawtah Khazing khatah lawngbia a hlai he peh! Macawtaco ka thinglung chung leco Khazing phungbia sae ka cang. Canghrasala sua a thaipaw ngaisaw phung tu leco suanah sae ka cang.

ROM KHRISAWBU KHATEI PAUL CAKUA 7:5

Sua a thaipaw kaa ngaisaw phung tah a za ma uh ning takhei co phungbia tei a thosahpaw sua dunah tah kaa pung chung letah rai hre ka, ma suanah hming sahlo takhei thihnah aa chuasah.

ROM KHRISAWBU KHATEI PAUL CAKUA 8:13

Naa cawngsaw cangná tah naa hring caco, na thi he ceh, canghrasala ngaisaw phung suanah khah Thlawpaw bawkhangná tah naa thaw caco na hring he ceh.

1 KORIN 6:17

Canghrasala, Abuipaw khatei a pakongpaw cawngsaw cawh Ama khaco Thlawpaw letah pungkheh a cang he.

2 KORIN 5:17

Macawtaco ahohmai Khri tei a cang caco, ama cawh tua thapaw mehnung a cang, ahlungpaw cangnah khah ly ka, a thapaw cangnah khah a va chuh myca.

KALATI 5:24

Khri Zisu a tei a cangpaw taco, a ngaisawpaw sua dunah phung khah a tlechainah le a dunah khakhei khraws letah a khaipai thah myca.

EFESA 2:3

Kaaning vytei zong heh khuahlai taco, aaning sahlo hratah kaa za hring hrah. Kaa pikhuipaw ngaisaw phung dunah tei a thokhuipaw chahlynah khah tua he peh ka, suadunah le a pacangnah khah kaa zui lai. Ming hringpaw sahlo hratah Khazing thingaenah aa ing tlang hrahring ka cang he peh.

KOLOSA 2:11

Khri leco naaning zong ngaisaw phung pahluhly ná tah cingpatai cang hrah he ceh ka, mehnung kia tah cingpatainah cang lytah Khri tah a tuapaw cingpatainah a cang hri.

1 JOHAN 3:9

Khazing chung taitah a chuhpaw cawngsaw taco suanah khah tua paria thlang be, zecawtamaw tatah a chung lekhei Khazing thleci a ung; suanah letah sei leimei khy be, zecawtamaw tatah Khazing taitah a chuhpaw a cangnah cawtah a cang.