JOHAN 3:28 - Biahrai Tha Zyphe rei

²⁸ Kama cawh, ‘Khri cang bei neh, zua a ky ruapaw tei a hmelang a seilai ruapaw tah tawpaw ka cang,’ ka tahpaw khah naaning sahlo ceingei tah naa hni.

JOHAN 3:28 Iomraidhean Croise

MATHAI 3:3

Ama heh Khazing khuavang Isaiah hmokaw hmang tei reipaw, “Raangcaa letei a y leimeipaw o taco, ‘Abuipaw cawtah langpui parai la, a cawtah langpui pading pah my lo,’ a tah,” tahpaw khah a cang.

LUKA 1:76

Ka sawtei, nama cawh Cungnungcai Khazing khuavang tatah y na cang a; zecawtamaw tatah Abuipaw langpui parai pawtah a hme letah na sei lai a.

JOHAN 1:20

Ma sahlo hai letaco a paphah ly teitah, “Kama cawh Khri cang bei neh,” tatah a palei he.

JOHAN 1:23

Mataico Johan taco Khazing khuavang Isaiah a bia khah hmang ka, “Kama cawh, ‘Abuipaw cawtah langpui pading pah my lo,’ tatei raangcaa letei a y leimeipaw o cawh ka cang,” tatah a tah he.

JOHAN 1:25

“Zecawtamaw Khri na cang tlung lypaw le Elija maw, Khazing khuavang maw na cang tlung lypaw tah baptisma na cangsah he?” tatah aa tah.

JOHAN 1:27

Ama cawh ka hninglang tah a va chua a, kama cawh a phepakong rui a thlangpah tlangpaw hmai cang bei neh,” a tah he.