JOHAN 20:16 - Biahrai Tha Zyphe rei

¹⁶ Zisu taco ma cawngsawno cawh, “Mari,” tatah a tah. Ama lang cawh a paleh ka, Aramaik rei tah, “Raboni,” (ma a silang cawh cawngpahtu tahnah a cang) tatah a chai.

JOHAN 20:16 Iomraidhean Croise

MATHAI 14:27

Canghrasala ma cangkawleh cawh Zisu tah, “Naa thlawzawng kheh seh. Kama ka cang hi. Ci khe o,” a tah he.

MARKA 10:51

Zisu taco, “Na cawtah ze tuapah maw na du?” tatah a hae. Mehcopaw taco, “Cawngpahtu, khuahmuh khy ka du,” tatah a palei.

LUKA 10:41

Abuipaw taco, “Martha, Martha, hming hlupui cawtah lung reithui tah na ung,

JOHAN 1:38

Taico a hninglang a hui ka, Zisu tah aa hai leco, “Zemaw naa hui?” tatah a tah he. Aaning taco, “Rabbi, (Cawngpahtu tahnah a cang) zeletamaw na ung?” tatah aa tah.

JOHAN 1:49

Nathaniel taco, “Rabbi, nama cawh Khazing Sawcapaw, Israel Siangpahrang na cang,” tatah a tah.

JOHAN 10:3

A kingtu cawngsaw takhei a kha cawh hong pah a ka, tuu sahlo taco a o khah aa nge a. A tuu sahlo khah aa ming tah y he ka, khungthing lang a piakhui he a.

JOHAN 11:28

Taico Martha cawh ma bia a rei khy taico va sei kaw ka, a chuahruino Mari khah aparuh teitah a va y, “Cawngpahtu ma lehei ung ka, a ca ding leimei kho!” tatah a tah.

JOHAN 13:13

Naaning taco, “ ‘Cawngpahtu,’ le ‘Abuipaw,’ tatah pa y he ceh ka, a hmang ngetei, zecawtamaw tatah ma cawh ka cang hmuisui.

JOHAN 20:28

Thomas taco a hai letah, “Ka Buipaw le ka Khazing!” tatah a tah.

JOHAN 3:2

Zaicing tah Zisu khaco a vong ka, a hai leco, “Rabbi, nama cawh Khazing taitei a va chuhpaw cawngpahtu na cang tahpaw kaa hni. Khazing tah a ungkhui ly caco he na tuapaw hming hapaw ningang chuipaw paching pakhanah heh ahotahmai tah tua khy bei he,” a tah.

JOHAN 5:2

Jerusalem khuapui letei Tuu Hawkaw aa tahpaw kae letaco, tuiching, Aramaik rei tah Bethesda aa tahpaw ung ka, dungkalung sangpangaw a hnui.

JOHAN 6:25

Tuiping raechai lang lekhei aa va hmuh tihtah a hai leco, “Cawngpahtu, zening tamaw ma lang heh na va sei?” tatah aa hae.

APOSTOL 10:3

Ningkheh cawh zailang suimehlang pathung hrawng lekhei apalynah hmuh ka, a hmuhpaw leco ama khatah a vong katei, “Kornelia,” tatah a ypaw Khazing a vaiming khah a se ngetei pawtah a hmuh.

APOSTOL 9:4

Alui leco pohly ka, “Saul, Saul, zecawtamaw na pa hreh?” tatei a tahpaw o khah a thui.