JOHAN 17:23 - Biahrai Tha Zyphe rei

²³ Aaning aa chung letah ung neh ka, Kama ka chung letah na ung. Nama tah na pa taw tahpaw khah le na pa dopaw hratah aaning sahlo heh na do hrah he takhah khazaw hni sá pawtah aaning sahlo heh a tlangtlingpaw a pungkhehnah letah chuakhui khy hrah ruapaw he tah a cang.

JOHAN 17:23 Iomraidhean Croise

JOHAN 10:38

Canghrasala ma cawh ka tua caco, naa pa zing ly tahmai tah ningang chuipaw sahlo heh zing o. Ma tih taco kama ka chung letah Paw a ungpaw le Paw a chung letah ka ungpaw khah naa hnithai a,” tatah a chai he.

JOHAN 13:35

Pakheh le pakheh na do cy caco he ceh ma leco ming vytei tah ka hningzuitu naa cangpaw khah aa ca hni he a,” tatah a tah he.

JOHAN 14:10

Kama cawh Paw letah ung neh ka, Paw cawh Kama letah a ung tahpaw heh zing bei ceh maw? Naaning khatei bia ka reipaw heh Kama taiteipaw a cang tlung be. Paw, Kama letei a ungpaw tah ma rai heh a hre.

JOHAN 14:23

Zisu taco, “Kama a pa dopaw taco ka cawngpahnah khah a nge a. Ama cawh ka Paw tah do ka, ama khaco, a vong peh ka, ama khatah ka cinglai a peh.

JOHAN 15:9

Paw tah a pa dopaw hratah ka ca do hrah he. Ka donah chung lehei ung paria thlang my lo.

JOHAN 16:27

Paw Khazing hrahring tahei a ca do he, zecawtamaw tatah pa do he ceh ka, Khazing taitah ka vongpaw khah naa zing cawtah a cang.

JOHAN 17:11

Khazaw lehei khua sy ung khaw bei neh, canghrasala aaning sahlo cawh aa ung thlang he a. Kama cawh Nama kha ka vong a. A pathaipaw Paw, Nama le Kama pungkheh kaa cangpaw hratah pungkheh aa cang khy hrah nápawtah na ming, na pa pehpaw ming, hmingtuakhyná khei aaning sahlo heh rungvai my lo.

JOHAN 17:21

ka Paw, Nama cawh ka chung letah ung ceh ka, na chung letah ka ungpaw hratah aaning vytei pungkheh aa cang khy hrah nápaw cawtah a cang. Kama cawh Nama tah na pa taw tahpaw heh khazaw tah a zing khy nápaw cawtah le kaa chung letah aa ung khy hrah nápaw zong tah a cang.

JOHAN 17:24

Ka Paw, Nama tei na pa pehpaw sahlo he heh ka ungnah letah Kama kha ung hrah he seh la, ka rungnawnah Nama tei na pa pehpaw khah hmuh he seh tah ka du. Zecawtamaw tatah khazaw na papi hlai taitah Nama tah na pa dopaw a cang.

JOHAN 17:26

Ka caw tei na hnuipaw donah khah aa chung letah a ung khy nápawtah le kama hrahring tei aa chung letah ka ung khy nápaw tahei na kong khah hnisah he neh ka, ka hnisah vy leimei he a,” tatah thlaw a chang.

JOHAN 17:3

Ma heh chaizaw hringnah cawh a cang, Khazing hmuisui pakheh, nama hni le nama tei na za tawpaw Zisu Khri hni heh a cang.

JOHAN 17:8

Zecawtamaw tatah na pa pehpaw bia khah pei hrah he neh ka aa cyhlang. Nama taitah ka vong tahpaw khah a cang hrahring tah hnih he ka, na pa taw tahpaw khah aa zing.

JOHAN 3:17

Khazaw heh thaily cang sá pawtah Khazing tah a Sawcapaw cawh a tawpaw cang be, Ama a thongtah pachah aa cang khy nápawtah a tawpaw khah a cang hri.

JOHAN 6:56

Ka ngaisaw e katei, ka thisai a dingpaw cawh kama letah ung ka, ama letah kama zong ka ung hrah.

1 KORIN 1:30

Ma Khazing thong hei, kaa cawtah Khazing singnah a cangpaw Khri Zisu letah naa ungpaw a cang, ma cawh kaa dingnah, pathainah le tlangnah a cang.

2 KORIN 5:21

Khazing taco suanah a hnui lypaw Khri khah kaa cawtah suanah a thuihlainah tah a tua. Ma cawh Ama a thongtah Khazing hme letah mehding kaa cang khy nápaw cawtah a cang.

KALATI 3:28

Juda cawngsaw, Grik cawngsaw, sae, mehzalong, canu, capaw tah ung khawh lytah naa zongmingtei co, Khri Zisu letah pungkheh na cang myca he ceh.

FILIPI 3:15

Puitling a cangpaw kaaning vytei tahei co, ma hapaw rawhnah heh kaa hnui ruapaw a cang. Taico ahringpaw rawhnah a hnuipaw naa ung caco Khazing tah ma zong cawh a ca pase tae thlang he a.

KOLOSA 1:28

Khri kong khah ming vytei khatah ching he peh ka, singnah kaa hnuipaw vytei tah cawngpah he peh ka, chingreinah kaa peh he. Ma pawsui co, Khri khatah ming vytei khah meh puitling tah kaa chuakhui khy he a.

KOLOSA 2:2

Ka tingainah cawh aa thinglung pacy he seh la, donah letah a pakong he seh, ma pawsui co a tlangtlingpaw hnithainah taitah a chuhpaw chahnainah ningang chuipaw hnui he ka, Khazing biaparuh a cangpaw, Khri khah aa hni a.

KOLOSA 3:14

Taico, ma hming vytei cung lekhei donah khah chahchi la, donah cawh zezong maikaw tlangtling teitah a pakongtu a cang.

1 PITER 5:10

Taico, cai cuitei chung naa tai-ing khy taitah Khri letei a chaizaw rungnawnah lang a ca hruitupaw he ningdonah vytei a hnuipaw, Khazing taco tlangtlingnah le thawzaang chongnah le a cypaw thahrang a ca pae he a.

1 JOHAN 1:3

Kaa hmuhpaw le kaa thuipaw khah naaning khatah kaa y khui, ma pawsui co kaaning khatah na pakong khy hrá he ceh. Taico ka huikongnah pawhe peh cawh Paw le a Sawcapaw Zisu Khri khatei a huikongnah khah a cang.

1 JOHAN 3:1

Paw tei kaa cung letah donah a hnuipaw heh zetlua tamaw a lai! Ma rawng taco Khazing sawtei sahlo tatah y kaa cang hi. Taico ma cawh kaa cangnahpaw cawh a cang. Khazaw tei a ma hnilynah a rawng cawh Ama a za hni lynah rawng tah a cang.

1 JOHAN 4:19

Kaa dopaw cawh a ma do taw cawtah a cang.

APALYNAH 3:9

Nawthlia tua, Setan caw tei synagog letei a pungpaw he, Juda cawngsaw hmuisang cangnah hnui tlung ly tei hingbia rei tei Juda cawngsaw ka cang peh a tahpaw sahlo he cawh taw he neh ka, na hme letah aa khuh ka panaisah he a. Ka ca do hmuisui tahpaw khah ka hnisah he a.