JOHAN 15:19 - Biahrai Tha Zyphe rei

¹⁹ Khazaw a tei naa cang caco, a tei hratah a ca do he a. Canghrasala naaning cawh khazaw a tei cang bei ceh, kama tah khazaw taihei ka ca thing thah myca he. Ma rawng tahei khazaw tah a ca hua he hi.

JOHAN 15:19 Iomraidhean Croise

MATHAI 10:22

Kama ka rawng tah cawngsaw vytei tah aa ca hua he a, canghrasala zingnah letah a changnah tai cyky tah a dawpaw cawngsaw cawh pachah a cang a.

MATHAI 24:9

Mataico, naaning sahlo cawh hreh ruapaw tah male kih letah peh cang he ceh ka, thaw na cang he ceh, taico kama ka rawng tahei mingphing maikaw tah aa ca hua he a.

LUKA 6:32

Naaning a ca dopaw suipaw naa do caco he zemaw amia naa hmuh a? Mehsua zong tah ma hapaw cawh aa tua thlang hrah.

JOHAN 13:18

Naa zongmingtei khei ka ca tahpaw he cang be; ka thingpaw sahlo cawh ka bi thlang he. Canghrasala ma heh Capathai letei, ‘Ka very a e hrahpaw takhei a phengavang hmo a pa paleh so,’ tahpaw tlingnah khah a cang.

JOHAN 15:16

Naaning tah pa thing bei ceh, va sei tah a thui thui pawtah le a paruipaw thui thui rua pawtah kama tah ka ca thing he. Mataico ka ming tei naa haepaw maikaw khah Paw tah a ca pae he a.

JOHAN 6:70

Mataico Zisu tah, “Naaning hluihningpaw heh kama tah ka ca thingpaw cang bei he ceh maw? Canghrasala naaning hrong lehei pakheh cawh khachia a cang!” tatah a palei.

JEIMS 4:4

Naaning a phei a hmangpaw cawngsaw sahlo, khazaw khatei a huikongnah cawh Khazing a huapaw a cang tahpaw hnih thlang bei he ceh maw? Khazaw khatei a huikongnah a thingpaw cawngsaw cawh Khazing a carae a cang kho.

1 PITER 4:3

Lawki cawngsaw sahlo tei tua pawtah aa thingpaw he ziaza a chiahrupaw hohenah, zuruinah, zucheinah hming letah a nawngsenah, langsianah, pasihpadawh a chuipaw nono behnah sahlo lekhei cai sypui naa za hmang thah hrah kho.

1 JOHAN 3:12

Mehchaw lypaw Setan a tei cang katei, a uny a thehpaw Kain hratah cang khe lo. Taico zecawtamaw ama cawh a thaw? Zecawtamaw tatah ama a tuasanah cawh a suapaw cang ka, a unypaw a tuasanah cawh a dingpaw a cangnah cawtah a cang.

APALYNAH 12:17

Mataico, paribui cawh canuno cung leco a thingae ngetei ka, canuno a pathlah a tangpaw sahlo, Khazing biapeh nge he katei, Zisu a dawkhuipaw sahlo he khah rae dy rua pawtah a piathlah.

APALYNAH 12:9

Paribui alaipaw pui cawh heihly a cang. Ma paribui cawh khuahlai paribui, khachia a cang ly leh Setan tahpaw khah cang ka, khazaw pungpaluh lang a pavesah paw khah a cang. Ama le a vaiming sahlo cawh alui lang khah heihly a cang he.