JOHAN 13:5 - Biahrai Tha Zyphe rei

⁵ Ma khy taico cawtaw letah tui cawh tlai ka, a hningzuitu sahlo cawh aa phe khah si he ka, a te letei a pangiapaw pavuapai co a hrupah he.

JOHAN 13:5 Iomraidhean Croise

LUKA 7:38

Taico a hninglang tah a phe hrang leco a daw ka, cah ka, a phe cawh a mehthli tah pacingsah thlu ka, ma khy taico a sang tah hruh ka, a phepazaw cawh hnang ka, ringthopaw cawh a bia.

LUKA 7:44

Mataico Zisu cawh cawngsawno lang cawh a hui ka, Simon hai leco, “Ma no heh na hmuh maw? Na ing chunglang ka za naening tah phe sinah ruapaw tui pa pei bei ceh. Canghrasala ma cawngsawno tahei co ka phe heh a mehthli tah si ka, a sang tah a hru.

JOHAN 13:10

Zisu taco, “A ngai a si thahpaw cawngsaw cawh a phe suipaw heh si a hia. A pungpaluh cawh a pathai thlang. Taico naaning cawh na pathai thlang he ceh, canghrasala naa zongmingtei co cang bei he ceh,” tatah a chai.

JOHAN 13:6

Simon Piter kha a vaw ka, Piter taco a hai letah, “Abuipaw, nama pui tamaw ka phe na pa si a?” tatah a tah.

JOHAN 13:8

Piter taco, “Cang be, ka phe cawh pa si by bei ceh,” tatah a tah. Zisu taco, “Ka ca si ly caco, kama a pa zuitu cang khy khaw bei ceh,” tatah a chai.

JOHAN 19:34

Raekeh chung taikhei pakhehpaw tah Zisu a kang lekhei khawsui tah dong ka, thi le tui cawh a ka pia palang he.

APOSTOL 22:16

Macawtaco atoheh zemaw na hawpaw a ung? Tho la, Abuipaw ming khah y la, baptisma cang la, na suanah cawh si hly tua,’ a pa tah.

1 KORIN 6:11

Taico, ma cawh naaning thaikhehpaw naa cangning a cang. A cang naná tah Abuipaw Zisu Khri ming tah le kaa Khazing Thlawpaw tah sipathai ciapaw le pathaisah ciapaw le thaicangsah ciapaw na cang he ceh.

EFESA 5:26

Khrisawbu cawh pathai sá pawtah bia khah hmang tah tui tah a pathaisah.

1 TIMOTE 5:10

hmingchaw tuanah kong letei hnithuipaw a cangpaw, a sawtei leh achaw teitah a mingkaipaw, khuachai a dopaw, a pany tei mehpathai sahlo phe a sipaw, a ruhapaw sahlo he a bawkhangpaw, hmingchaw a cangpaw maikaw tuanah kong letah a peipaw a cang caco lahme cazing letah khung thlang my lo.

HEBRU 10:22

kaa lungthing chiachaw thluidangnah achaw lypaw cawh thisai theiná tah pathaisah cang ka, kaa pung zong khah tuipasing tah sipathai cang peh ka, zingnah le hnipasenah tlingpaw hnuinah chitah lungthing hmuisui tah Khazing khah a ne he peh.

1 JOHAN 1:7

Canghrasala Ama cawh khainah chung letah a ungpaw hratah kaaning zong khainah chung letah kaa cinglai caco, pakheh le pakheh a huikongnah hnui he peh ka, a Sawcapaw Zisu thihnah thisai tah kaaning cawh suanah vytei taitah a ma pathaisá a.

1 JOHAN 5:6

Tui le thisai khatei a vongpaw cawh Zisu Khri heh a cang. Ama cawh tui longtei khatah a vong be, tui le thisai khatah a vong hri. Taico, ma a dawkhuipaw cawh Thlawpaw heh a cang; zecawtamaw tatah Thlawpaw cawh biahmuisui a cang cawtah.

APALYNAH 1:5

biahnihtu zingchuipaw, thih kaw khawh ly pawtah a tho kaw taw caipaw, aluicung siangpahrang vytei sahlo cung letei naw a hnuipaw Zisu Khri taitah ningdonah le thlawlungnah cawh naa cung letah ung ky seh. A ma dopaw le kaa suanah taitah a thisai tah khaitlawngnah a ma peitu,

APALYNAH 7:14

“Ka pu, nama tah pui na hni kata,” tatah ka chai. Mataico ama taco, “Ma tlaw heh cawh taithuinah alaipaw pui ingnah taitei a ka piachuapaw cang he ka, Tuu teitei thisai letah aa pai khah suh he ka, aa pai cawh a raangsah myca he.