JOHAN 1:4 - Biahrai Tha Zyphe rei

⁴ Ama letaco hringnah a ung. Ma hringnah cawh cawngsaw vytei khainah a cang.

JOHAN 1:4 Iomraidhean Croise

MATHAI 4:16

a zingnah letei a ungpaw cawngsaw sahlo tah, khainah rungnawpaw aa hmuh myca, thihnah raang ningpahlipaw letah a ungpaw sahlo cung letah, khainah khua a dui myca,” tahpaw a tlingnah a cang.

LUKA 2:32

Gental cawngsaw sahlo cawtah khainah cawh palangsah pawtah le na cawngsaw Israel cawngsaw sahlo rungnawnah ruapaw cawtah,” a tah.

JOHAN 11:25

Zisu taco a hai letah, “Kama heh thokawnah le hringnah cawh ka cang. A pa zingpaw cawngsaw cawh a thih tahmai tah a hring a,

JOHAN 12:35

Mataico Zisu tah, “Cai a cawngpe chung cy khainah naa hnui a. Khainah naa hnui chung tahei a khia o, muinah tah a ca phah hlai he tahei. A muinah letah a khiapaw cawngsaw taco zelang maw a sei tahpaw hnih be.

JOHAN 12:46

Kama cawh khazaw lehei khainah hratah a vong neh ka, a pa zingpaw maikaw cawh a muinah letah ung thlang bei he.

JOHAN 14:6

Zisu taco, “Kama heh langpui le biahmuisui le hringnah cawh ka cang hi. Kama lang tah aa va sei lypaw co ahohmai Paw kung tlung khy a bei he.

JOHAN 3:19

Ma heh thaily cangnah cawh a cang. Akhaipaw cawh khazaw lehei a vong ka, canghrasala cawngsaw tah a khaipaw navy tah a muipaw aa tlechai vy, zecawtamaw tatah aa hming tuapaw sahlo khah a chahlynah cawtah a cang.

JOHAN 5:21

Zecawtamaw tatah Paw tah mehthi patho he ka, hringnah a pehpaw he hratah Sawcapaw zong tah peh a dupaw khah hringnah cawh a peh hrah he.

JOHAN 5:26

Zecawtamaw tatah Paw cawh Ama teitah hringnah a hnuipaw hratah, a Sawcapaw khah Ama teitah hringnah hnuinah naw a peh.

JOHAN 8:12

Zisu taco zawpui sahlo khakhei bia cawh a reikaw, “Kama cawh khazaw khainah ka cang. A pa zuipaw cawh a muinah letah sei by be, khainah tei a pehpaw hringnah khah a hnui hri a,” tatah a tah.

JOHAN 9:5

Kama heh khazaw letah ka ungchung tahei co, khazaw khainah ka cang,” tatah a tah.

APOSTOL 26:23

Ma hraco Khri cawh tai-ing a ka, thihnah taitah a tho tawpaw cang a ka, Ama a cawngsaw sahlo le Gental cawngsaw sahlo khatah khainah bia phychua a cang a, aa tahpaw bia khah,” a tah.

1 KORIN 15:45

Capathai letah, “Cawngsaw hmetawpaw Adam cawh mehring a va cang,” tatah cia a cang. A hning teipaw Adam Zisu Khri cawh hringnah peitu Thlawpaw a cang.

EFESA 5:14

zecawtamaw tatah zezong vytei hmuh khypaw tei a tuapaw cawh khainah heh a cang. Macawtaco ma hrahei reipaw a cang, “Vy a ihningpaw, a hrah myca la, thihnah taitah tho myca, Khri tah na cung letah a ca khaiso a,” tahpaw heh.

KOLOSA 3:4

Naa thlawpaw hringnah hmuisui a cangpaw Khri a va lang tihtah naaning zong rungnawnah chitah Ama khatah na lang hrah he ceh.

1 JOHAN 1:1

Ahrangtho ning taitah a za ung thahpaw, a kong khah ca kaa cakuapaw he a cang. Ma cawh Hringnah Bia cang ka kaa naw tah thui ka, kaa meh tah hmuh ka, ming peh ka kaa kih tah a tawng thah.

1 JOHAN 1:2

Hringnah cawh a va paly. Kaaning tah ma cawh hmuh he peh ka, a dawkhui he peh ka, Paw khatah ung katei, kaaning kha a za palypaw chaizaw hringnah cawh naaning khatah kaa y khui hi.

1 JOHAN 5:11

Mataico, ma heh a dawkhuinah bia cawh a cang: Khazing tah kaaning cawh chaizaw hringnah ma pei thah ka, ma hringnah cawh a Sawcapaw chung letah a ung tahpaw heh.

APALYNAH 22:1

Taico, vaiming taco thlalang tluá tei pasing katei hringnah a peipaw tui a laipaw tuivaw a pa hmusah. Ma tuivaw cawh Khazing le Tuu teitei buidyching taikhei khuapui langlaipui a lecingcing khei a za laipaw a cang.

APALYNAH 22:16

“Kama Zisu tah naaning khrisawbu sahlo khatah ma bia thuisah ruapaw tahei ka vaiming khah ka va taw. Kama cawh David Thahrang le a Teisaw le Duivaw esi khaipaw ka cang,” a tah.