HEBRU 7:6 - Biahrai Tha Zyphe rei

⁶ Ma cawngsaw heh Levi pathlah a cang ly naná teitah chyhraw chykheh khah Abraham taitah hmai law ka, Khazing biakangnah a hnuipaw Abraham khah bonghnang a song.

HEBRU 7:6 Iomraidhean Croise

APOSTOL 3:25

Naaning cawh Khazing tei naa mapaw sahlo khatah a tuapaw biataipaw ry cytu le Khazing khuavang sahlo pathlah cawh na cang he ceh. Khazing tah Abraham hai letah, ‘Na chungchuh ci le phing thongtah aluicung cawngsaw vytei heh bonghnang song a cang tae he a,’ tatah a tah.

ROM KHRISAWBU KHATEI PAUL CAKUA 4:13

Khazing tah Abraham le a pathlah sahlo cawh khazaw heh aa tei a cang a, tatah bia a kang he. Ma hratei bia a kangpaw he cawh Abraham takhei phungbia khah a zuinah cawtah cang be; canghrasala Khazing khah zing ka, Khazing tah mehding tah a cyhlang rawng tah a cang hri.

ROM KHRISAWBU KHATEI PAUL CAKUA 9:4

Aaning cawh Israel mingphing Khazing thingpaw sawteileh khah cang he ka, Khazing rungnawnah khah a hmuhsah he. Aaning khatah biahrainah sahlo khah tua ka, phungbia khah a peh he. Behnah hmuisui cawh aaning takhei aa hnui. Khazing biakangnah khah aa hmuh.

KALATI 3:16

Biakangnah sahlo cawh Abraham le a pathlah khatah pehpaw a cang. Capathai taco, “Pathlah sahlo,” a silang cawh cawngsaw a hlupui, tatah tah be. A cang naná tah, “Na pathlah,” tah ka, a silang cawh cawngsaw pakheh Khri kong khah a reipaw a cang.

HEBRU 11:13

Aaning cawh zingnah hnuinah cung tah thi he ka, Khazing biakangpaw hming sahlo cawh hmuh bei he, canghrasala langhlaw pui taitah hmuh he ka, lungui teitah aa cyhlang. Mataico aluicung lehei khuachai le khuatlongpaw kaa cang peh takhah aa hni.

HEBRU 11:17

Abraham cawh Khazing tah a pase ning takhei zingnah thongtah a sawcapaw Isak khah thuihlainah cawtah a peh. Khazing tah a hai letah, “Teisaw na hnui lepaw cawh Isak chungchuh a cang he a,” tahpaw,

HEBRU 7:1

Melkhizedek cawh Salem khuapui buipaw le Cungnungcai Khazing tlangbui a cang. Abui sahlo dy he katei, tenah chitah a va sei kawpaw Abraham khah a tong ka, bonghnang a song.

HEBRU 7:7

Canghrasala a chia vypaw cawh alai vypaw tah bonghnang song phung a cang tahpaw heh ei ruapaw zehmai ung beh.