HEBRU 7:18 - Biahrai Tha Zyphe rei

¹⁸ Phung paringpaw cawh a thaw a dianah cawtah le sang a tle lynah cawtah hneihly a cang myca.

HEBRU 7:18 Iomraidhean Croise

APOSTOL 13:39

Ama a thongtah, a zingpaw maikaw cawh thaicangsah he ka, Moses phungbia tei a luasah khy ly pawhe suanah taikhei aa lua khy thlu.

ROM KHRISAWBU KHATEI PAUL CAKUA 3:31

Ma hratei kaa tah tihtah hei, phungbia khah zingná tah kaa hlawh tahnah a cang maw? Cang hrahring be, phungbia tukhah kaa pacysah lui.

ROM KHRISAWBU KHATEI PAUL CAKUA 8:3

Sua a thaipaw kaa ngaisaw phung tah a thaw a diasah cawtah phungbia tah ma cawh tua khy be. Canghrasala suanah cawtah thuihlainah tua pawtah Khazing tah Ama a Sawcapaw cawh sua a thaipaw cawngsaw pungsaw hratah a za thlaw. Macawtaco cawngsaw letei a ungpaw suanah cawh thaily a cangsah.

KALATI 3:15

Uny sahlo, ningting kaa hringnah leteipaw taihei tawchingnah bia sangkheh tah law tua neh. Cawngsaw tei biatainah a tuapaw, pacysah ciapaw khah ahotahmai tah rorang tah chahchi khy bei he, ma hraco Khazing biatainah letah a cang hrah.

KALATI 3:17

Ka rei dupaw cawh kung 430 khy taiteipaw phungbia takhei Khazing tah a hmasaw tei, Abraham khatah a za tuapaw biataipaw khah rawh khy be ca ka, biakangnah khah sangtle lytah tua khy be.

KALATI 3:21

A cang caco, phungbia cawh Khazing biakangpaw khatah a cakhae he maw? A cakhae hrahring bei he! Phungbia tahei male hringnah a peh khy a cang caco, ma phungbia thong co, dingnah cawh hmuh khy a cang hrahring a.

KALATI 4:21

Naaning phungbia rai letei ung a dupaw sahlo, ma heh pa ching tua o. Phungbia tah zemaw a rei takhah hnih bei he ceh maw?

KALATI 4:9

Canghrasala, atoheh cawh Khazing naa hni, a cang ly leh Khazing tei a hnipaw na cang hri he ceh. Zecawtamaw a chahnai khawh lypaw le a padia a padapaw khazaw biahnuinah phung lang na paleh kaw zia he ceh? Ma sahlo sae letei ung kaw camaw naa du?

1 TIMOTE 4:8

Zecawtamaw tatah pungsaw a zongnah cawh mai a hnui bang thlang hrah, canghrasala Khazing tlechainah cawh zezongpui cawtah mai hnui ka, ato hring chung le a va chuh lepaw cai cawpaw tah a chahnaipaw a cang.

HEBRU 13:9

Cawngpahnah ningang chuipaw a phingphing rawng takhei apingpaly lang sei khe lo. Khazing ningdonah tah kaa lungthing khah a pacysah caco a chah, e le ba kong phunglang zuinah taco zehmai chahnainah chuakhui beh. Ma hapaw phunglang a zuipaw he cawh aa zuipaw phunglang takhei zehmai chahnai khy bei he.

HEBRU 7:19

Zecawtamaw tatah Moses phungbia taco zehming hmai khah a tlingsah khylynah cawtah cang ka, hnabeisuinah achaw vypaw cawh va chuh myca ka, ma thong co Khazing khah ka ne khy he peh.