HEBRU 6:12 - Biahrai Tha Zyphe rei

¹² Mehthawthi naa cangpaw khah du bei peh, canghrasala zingnah le lungsynah thongtah Khazing tah bia a kangpaw he a cypaw sahlo khah a mingpai la tahpaw kaa du.

HEBRU 6:12 Iomraidhean Croise

MATHAI 22:32

‘Kama cawh Abraham Khazing, Isak Khazing le Jakob Khazing ka cang,’ a tahpaw khah rei bang bei he ceh maw? Ama cawh mehthi aa Khazing cang be, canghrasala mehring aa Khazing a cang hri,” tatah a palei he.

MATHAI 25:26

A buipaw taco, ‘Nama mehchawly, sae thawthi! Thleci ka va lynah hming letah ka hrepaw le ka vapaw a cang lypaw saze ka pahmo laipaw cawh na hni tah law?

LUKA 16:22

Kih dopaw cawh a thihnah cai a va phah tihtah vaiming tah ama cawh Abraham kae letah aa seikhui. Mehrungpaw zong cawh thi hrah ka, aa phung.

LUKA 8:15

Canghrasala, alui a chahnah letei a tlahpaw sahlo cawh lung hmuisui teitah Khazing bia cawh thui he ka, a tle he ka, a thuisu a tuanah tai teria teitah aa zuipaw cawngsaw sahlo khah a cang he,” a tah.

ROM KHRISAWBU KHATEI PAUL CAKUA 12:11

Raihrenah kong letah naa thaw thi kheh seh la, Thlawpaw lang kong letah chahnai nge la, Abuipaw rai cawh hre my lo.

ROM KHRISAWBU KHATEI PAUL CAKUA 2:7

Mehthaikheh tah hmingchaw khah tua lai leimei he ka, rungnawnah le reithainah le chaizaw hringnah khah aa hui. Ma sahlo cawh Khazing tah chaizaw hringnah a pae he a.

ROM KHRISAWBU KHATEI PAUL CAKUA 4:12

Taico Ama cawh, aa mapaw Abraham tah cingpa a tai hlai tah zingnah tah a hringpaw hratah zingnah tah a hringpaw cingpataipaw vytei aa paw zong a cang hrah.

1 THESALONIKA 1:3

Naa raihrenah tah naa zingnah a langsah zia le donah naa hnuipaw tah rai teria tah a ca hresah zia he le kaa Buipaw Zisu Khri letei hnabeisuinah naa hnuipaw takhei naa lung a ca pacysah zia he khah kaa Paw le kaa Khazing hmekaw letah ka thui paria thlang he peh.

2 THESALONIKA 1:4

Macawtaco hrehnah le hnehsahnah naa ing thlang naná teitah temahnah le zingnah naa hnuipaw kong khah Khazing khrisawbu sahlo letah kaa pachaw peh.

HEBRU 1:14

Canghrasala vaiming sahlo cawh Khazing a raihretu longlong a cang he. Pachahnah a tingpaw cawngsaw sahlo bawkhang pawtah Khazing taitah tawpaw thlary a cang he.

HEBRU 10:36

Khazing dunah naa tua khy nápaw le bia a ca kangpaw he naa cy khy nápawtah lung pasua tah ung my lo.

HEBRU 11:33

Zingnah thongtah painah raang sahlo khah tuh he ka, aa te he. Ahmangpaw hming khah tua he ka, Khazing tei bia a kangpaw he khah aa hmuh. Cakebarung kaw khah pamai he ka,

HEBRU 12:1

Macawtaco hnikhuitu ming hlupui tah aa ma cadungnah cawtah langpui a ma pakhangpaw hming maikaw le hna a ma hnawhpaw suanah khah hlawh he peh seh la, kaa hme leteipaw a saipasih a zongnah lekhei teria teitah sai he peh.

HEBRU 13:7

Khazing bia a ca chingpaw he naa hruitu sahlo khah monghly khe lo. Aa hringzia taitah a chuhpaw khah pacang la, aa zingnah khah cawng my lo.

HEBRU 5:11

Ma kong lehei rei ruapaw a hlupui kaa hnui thlang, canghrasala achaw teitah naa thuithai lynah cawtah naaning chingpase cawh a ru ky.

HEBRU 6:15

Mataico Abraham tah lungsy teitah heh ka, Khazing tei bia a kangpaw khah a cy.

JEIMS 1:3

zecawtamaw tatah naa zingnah hnehsahnah takhei terianah a chuakhui tah cawh naa hni thlang kho.

2 PITER 1:10

Macawtaco ka uny sahlo, Khazing tah a ca y thah pawhe le a cathing hrahringpaw he khah pase pawtah naa tuapaw maikaw khah temah teitah tua my lo. Zecawtamaw tatah ma hming sahlo cawh naa tua caco, zening tahmai pohly bei ceh.

1 JOHAN 2:25

Taico ma heh Ama tei bia a ma kangpaw cawh a cang, chaizaw hringnah heh.

APALYNAH 13:10

Thong a tlah ruapaw a cangpaw sahlo cawh thongtlah thlang ky he seh. Zyzi tei thaw ruapaw aa cangpaw sahlo cawh zyzi tah thaw cang ky he seh. Ma lehei mehpathai sahlo cawh lungsy tah ingkhynah le zingchuinah aa hnuipaw cawh aa palang a hy.