HEBRU 6:11 - Biahrai Tha Zyphe rei

¹¹ Naa hnabeisuinah a tling nápawtah chahnai naa ngepaw khah a changnah tai palang my lo, tatah kaa ca dukhui he.

HEBRU 6:11 Iomraidhean Croise

MATHAI 24:13

Canghrasala, a changnah tai cyky tah a dawpaw cawngsaw cawh pachah a cang a.

LUKA 1:1

Mehchaw cai a cangpaw Theofila, mehlupui tah kaa hrawng letei hming a va tlung ciapaw kong khah cia a pachia cy he ka,

ROM KHRISAWBU KHATEI PAUL CAKUA 12:8

Male thawzaang peh rua a cang caco, thawzaang pei he peh. Kaa hnuipaw hming khah male a hrawng hrápaw a cang caco, hechia lytah a hrawngsah hrápaw he a cang. Hruitu cangnah a cang caco, teria teitah hre ruapaw a cang, male ningdo khah a cang caco, lunglawng teitah ning kaa do ruapaw he a cang.

ROM KHRISAWBU KHATEI PAUL CAKUA 15:13

Hnabeisuinah Khazing taco, Ama letah zingnah naa hnuipaw hratah naaning khatah alawngnah vytei le dená tah ca chisah ky he seh. Ma pawco, Thlawpaw Pathai hmingtuakhynah thongtah hnabeisuiná tah na chihlui he ceh.

1 KORIN 13:13

Taico, ma sangthung heh a hming paria ruapaw a cang he, zingnah, hnabeisuinah le donah tahpaw heh. Canghrasala, ma sangthung lehei alaicaipaw cawh donah heh a cang.

1 KORIN 15:58

Macawtaco, ka dopaw uny sahlo cyky tah a daw thlang my lo. Zetahmai tah ca cahneh ca cahnang kheh he seh. Abuipaw rai lekhei naa pungpui tah a pei paria thlang my lo, zecawtamaw tatah Abuipaw letei naa raihrepaw cawh a longpaw cang be takhah naa hni thlang kho.

KALATI 5:5

Canghrasala, kaaning cawh Thlawpaw thongtah zingná tah kaa hnabeisuipaw dingnah khah a ngete lytah kaa haw thlang.

KALATI 6:9

Hmingchaw tuanah letah kaa thaw bang kheh seh, zecawtamaw tatah kaa tai lypaw tei a cang caco, a cai a zaw tihtah a thuipa cawh kaa hria tae thlang a.

FILIPI 3:15

Puitling a cangpaw kaaning vytei tahei co, ma hapaw rawhnah heh kaa hnui ruapaw a cang. Taico ahringpaw rawhnah a hnuipaw naa ung caco Khazing tah ma zong cawh a ca pase tae thlang he a.

KOLOSA 1:23

Ma hrahei naa cang khy ná pawtah zingnah naa hnuipaw lekhei a peitle teitah a ngepai la, cyky tah a daw my lo. Thawngchawbia taitei hmuhpaw hnabeisuinah khah thlaw khe lo. Naa thuipaw thawngchawbia cawh ma heh cang ka, avai rai letei a ungpaw ming maikaw khatah y khui a cang. Kama Paul zong, ma thawngchawbia a sae cawh ka cang hi.

KOLOSA 1:5

Ma zingnah le donah cawh hnabeisuinah thongtah naa hnui. Ma hnabeisuinah cawh vaicung letah naa cawtah a bing teitah chiapahpaw na cang he ceh. Ma hnabeisuinah kong cawh biahmuisui thawngchawbia aa ca chingpaw he naa thuipaw taikhei a cang.

KOLOSA 2:2

Ka tingainah cawh aa thinglung pacy he seh la, donah letah a pakong he seh, ma pawsui co a tlangtlingpaw hnithainah taitah a chuhpaw chahnainah ningang chuipaw hnui he ka, Khazing biaparuh a cangpaw, Khri khah aa hni a.

1 THESALONIKA 1:5

Zecawtamaw tatah kaa thawngchawbia cawh naaning khatah a va tlung tihtah bia longtei tah cang lytah hmingtuakhynah le Thlawpaw Pathai le hmuisui teitah a hnichuanah khatei a cangpaw khah naa hni. Naa cawtah naa hrong letah zehratamaw khua kaa sah tei tahpaw khah naa hni thlang kho.

1 THESALONIKA 4:10

A ngetei tahpaw co Masidonia raang letei uny vytei a dopaw na cang he ceh. A cang naná tah ma hming cawh tua vy lo leimei thlang pawtah kaa ca sia he.

2 THESALONIKA 3:13

Taico uny sahlo, naaning cawh a dingpaw hming tua tah ca ning kheh he seh.

HEBRU 10:22

kaa lungthing chiachaw thluidangnah achaw lypaw cawh thisai theiná tah pathaisah cang ka, kaa pung zong khah tuipasing tah sipathai cang peh ka, zingnah le hnipasenah tlingpaw hnuinah chitah lungthing hmuisui tah Khazing khah a ne he peh.

HEBRU 3:14

Zecawtamaw tatah a hmasaw tei, kaa hnuipaw zingnah khah a changnah tai cyky tah ka tle thlang caco peh Khri letah tingvy kaa hnui cy hra a.

HEBRU 3:6

Canghrasala Khri cawh Khazing ingchungkho letah naw a hnuipaw Sawcapaw zingchuipaw a cang. Kaa palaikhuipaw peh hnabeisuinah le kaa raechahnah khah kaa tle thlang caco, a ingchungkho kaa cang he peh.

1 PITER 1:21

Ama khah thihnah taitah patho kaw ka, rungnawnah a peipaw Khazing khah Ama a thongtah zing he ceh ka, macawtaco naa hnabeisuinah le naa zingnah cawh Khazing letah a ung.

2 PITER 1:10

Macawtaco ka uny sahlo, Khazing tah a ca y thah pawhe le a cathing hrahringpaw he khah pase pawtah naa tuapaw maikaw khah temah teitah tua my lo. Zecawtamaw tatah ma hming sahlo cawh naa tua caco, zening tahmai pohly bei ceh.

2 PITER 3:14

Macawtaco dopaw vesaw sahlo, ma a hehpaw heh naa cangnah cawtah suise a kawh lypaw le mochia a tong lypaw le Ama khatah arai teitah a ungpaw cang pawtah a thaw tah a zawng my lo.

1 JOHAN 3:14

Thihnah taitah hringnah lang kaa pange myca tah cawh kaa hni, zecawtamaw tatah kaa uny sahlo khah kaa donah caw he tah a cang. A uny a do lypaw cawngsaw cawh thihnah letah a ungpaw a cang.

1 JOHAN 3:19

Ma cawh kaa tua tihtah biahmuisui letah kaa ung tah hnih peh ka, kaa lungthing tah sua a ma phosah tahmai tah a hmekaw letah lung khaitlawng teitah kaa ung.

APALYNAH 2:26

Taico, a tetupaw maikaw le a changnah tai ka rei a ngepaw maikaw he cawh ka Paw taitei ka hmuhpaw hratah mingphing sahlo cung letah nawhnuinah ka pae he a.