HEBRU 5:11 - Biahrai Tha Zyphe rei

¹¹ Ma kong lehei rei ruapaw a hlupui kaa hnui thlang, canghrasala achaw teitah naa thuithai lynah cawtah naaning chingpase cawh a ru ky.

HEBRU 5:11 Iomraidhean Croise

MATHAI 13:15

Zecawtamaw tatah ma cawngsaw sahlo aa lungthing cawh a ku a chaw. Aa naw papang he ka, aa meh a paco he. Ma taco cang lytah ung my he seh la caw, aa me tah hmuh a he ka, aa naw tah thui ka, aa lungthing tah hnih a he ka, kama lang a va paleh he ka, ka dangsah thá he,’ tatah a tah.

MARKA 8:21

Zisu taco, “Ma naná co hmai hnih thai ting bei he ceh maw?” tatah a tah he.

LUKA 24:25

Zisu taco aaning cawh, “Na hruh caimang he ceh, Khazing khuavang sahlo tei aa za rei ciapaw vytei zing nápawtah naa lungthing a ku a chaw caimang!

JOHAN 16:12

Naaning kha rei ruapaw a hlupui ka hnui thlang naná teitah ato lehei co a cingkai khy bei ceh.

JOHAN 6:6

Ama hnehsah nápawtah ma bia heh a haepaw a cang, zecawtamaw tatah zemaw ka tua a tahpaw khah a lung letah a hni pacia thah.

APOSTOL 28:27

Zecawtamaw tatah ma mingphing aa thinglung heh cawh aa ku a chaw. Nawkho cawh aa hnui naná teitah thuithai be ca he ka, hmuh pang le peh tah he ka, aa meh aa pasing thlang. Ma hraco cang ly ung my he seh la, aa mé tah hmuh a he ka, aa naw tah thui he ka, aa lungthing tah hnih a he ka, a va paleh he ka, ka dangsah thá he,’ tatah Thlawpaw Pathai tah a tah.

HEBRU 5:10

Melkhizedek cawh tlangbui alaicaipaw a cangpaw hratah Khazing tah tlangbui alaicaipaw rua pawtah a tua.

HEBRU 5:12

Ato lehei co cawngpahtu hmai aa cangpaw naa cang thah naná teitah Khazing biadih a hrangtho tah cawngpah khah naa hianing thly thlang. Batui hmuisui e khah naa zaw myca he ceh, canghrasala hnabaetui thly thly naa ringning thlang he ceh.

2 PITER 3:16

A cakua vytei letah ma hrahei a ciapaw cang ka, ma kong heh a reipaw a cang. A cakua sahlo leco thui thai a rupaw a tae pai tei ka, a hruhpaw le lungthing a rehre lypaw sahlo taco ahringpaw Capathai sahlo aa tuateipaw hrakhei paleh pahnaw he ka, aaning a rorangnah khah aaning lilaw tah aa chuasah.