HEBRU 4:10 - Biahrai Tha Zyphe rei

¹⁰ Zecawtamaw tatah Khazing cawh a rai taitah a hiapaw hratah Khazing a hianah chung letah a naepaw he cawh aa rai taitah aa hia hrah he.

HEBRU 4:10 Iomraidhean Croise

JOHAN 19:30

Zisu tah misurhang a thobahlapaw cawh a pazo khy taitah, “A tling myca,” tatah a tah khy taitah a lu cawh alui lang a khuh ka, a thi.

HEBRU 1:3

Sawcapaw cawh Khazing rungnawnah khainah cang ka, Khazing cangnah a palangsahtu hmuisuipaw a cang. A bia thawtlungná tah zezong vytei khah a tlechui. Suanah vytei pathaisahnah a tua khy taitah vaicung letah Cungnungcai cacang lang letah a ty.

HEBRU 10:12

Canghrasala, ma tlangbui Khri taco suanah cawtah thuihlainah khah chaizaw a zaw pawtah uikheh tah tua ka, Ama cawh Khazing cacang lang letah a ty.

HEBRU 4:9

Macawtaco Khazing cawngsaw sahlo cawtah Sabat a hianah cawh aa ungning thlang.

APALYNAH 14:13

Mataico vaicung taitah, “Atoning taitei Abuipaw letei a thipaw sahlo cawh bonghnang aa ting tatah cia,” tahpaw o ka thui. Mataico Thlawpaw tah, “A cang, raisah aa hrenah taitah a hia myca he ka, aa tuasenah takhei a va zui hra he a,” tatah a tah.

APALYNAH 6:11

Mataico aaning cawh pai rangpaw zing kheh cy tah peh cang he ka, “A cawngpe heh cong thlang o, naaning hratei thaw a cangpaw he rai naa hrehruipaw sahlo le naa uny sahlo tling balang bei he,” tatah a ching he.