HEBRU 3:12 - Biahrai Tha Zyphe rei

¹² Ka uny sahlo a singkang my lo. Ma lypaw co Khazing hring cawh bangsai pawtah naa hrong letah aho chung letah maw zing lynah lungthing sua a ung pang a.

HEBRU 3:12 Iomraidhean Croise

MATHAI 16:16

Simon Piter taco, “Nama cawh Khazing hring Sawcapaw Khri na cang,” tatah a chai.

MATHAI 24:4

Zisu taco, “Ahotahmai aa ca dungkhei ly nápaw he tah a raering my lo.

MARKA 13:23

Macawtaco a raering my lo, a cai a phah hlai tah zezong ka ca ching pacia he.

MARKA 13:33

A raering my lo. A mai pacia my lo! Ma cai cawh zening tamaw a cang a tahpaw hnih tlung bei he ceh.

MARKA 13:9

Achaw teitah a raering my lo. Ca tle a he ka, biacenah letah aa ca chuakhui tae he a. Synagog letah zong aa ca chei he a. Uhtu bui sahlo le siangpahrang sahlo hme letah bia hnihtu cang pawtah kama ka rawng tah na daw tae a he ceh.

LUKA 21:8

Zisu taco, “Aho tahmai aa ca dungkhei ly nápaw he tah a raering my lo. Ka ming tah cawngsaw hlupui va chua he ka, ‘Kama heh Ama cawh ka cang, cai a ne myca,’ aa tah tae a. Ma sahlo cawh zui khe lo.

ROM KHRISAWBU KHATEI PAUL CAKUA 11:21

Thingcai hmuisui a cangpaw he Juda mingphing sahlo hmai Khazing tah a hua ly caco he, naaning zong ca hua hrá bei he.

1 KORIN 10:12

Macawtaco zingnah letah cyky tah ka daw thlang tatah a rawhpaw taco, suanah letah a po sua ly nápawtah khei a raering seh.

KOLOSA 2:8

A raering my lo, Khri taitah a chuhpaw cang lytah mehnung phungphe le khazaw biahnuinah phung letei a pahniapaw dungkhei a hmangpaw khazaw singthainah le silang a hnui lypaw bia khei ahohmai a dungsahkhei tah sae tah a tuasah khe lo.

1 THESALONIKA 1:9

Zecawtamaw tatah naaning sahlo tah zehratamaw naa ma hluihlang tahpaw khah aa rei thlang. Nono behnah taitah Khazing hring lang khah zehratamaw na paleh he ceh tahpaw le Khazing hring le a hmuisuipaw a cangpaw a rai hre ruapaw tah le,

HEBRU 10:31

Khazing hring kih chung letah tlah cawh ci a chui ngeteipaw a cang.

HEBRU 10:38

Canghrasala, ka mehding sahlo cawh zingná tah hring he ka, mataico ahohmai a hninglang a saipaw cawh, a cung letah ka lungtling be,” tatah Capathai tah a tah.

HEBRU 12:15

Khazing ningdonah khah pakheh tahmai naa hly sua ly nápawtah a raering la, a huanah khah naa lungthing letah thahrang thlahsah khe la, ming hlupui hanah le pialuinah a peipaw cang sua le ka.

HEBRU 12:22

Canghrasala naaning cawh Zion tlaang, Khazing hring khuapui a cangpaw vaicung Jerusalem khah naa va phah thah. A vaiming a thongthong tei lunglawng thawchá tah a pahmonah pawhe khah va phah he ceh ka,

HEBRU 12:25

Khazing tah bia a rei tihtah a raering teitah nge my lo. Alui letah raeringnah a peitupaw bia khah nge du lytah a ungpaw tah hrehnah khah a khungkhang khy ly caco, zekhatamaw vaicung taitah pehpaw raering bia cawh hningchai peh seh la, hrehnah cawh khungkhang khy lytah kaa ung chichi a.

HEBRU 3:1

Macawtaco uny pathaipaw sahlo Khazing tah a mehpathai cang pawtah ca tlawng myca he ka, macawtaco apostol le tlangbui alaicaipaw kaa tahpaw Zisu kong khah rawh tua my lo.

HEBRU 3:10

Ma rawng tahei ma pathlah sahlo cung leco ka thingae ka, ‘Aa lungthing cawh lang pave leimei thlang ka, ka langpui khah hnih bei he,’ tatah ka tah.

HEBRU 3:19

Macawtaco, aa zing lynah cawtah a za nae khy bei he, takhah kaa hni.

HEBRU 9:14

chaizaw Thlawpaw thongtah Ama teitah Khazing letah a hlaipaw, a pathaipaw Khri thisai taco, Khazing hring a rai hre pawtah thihnah langhme a chuipaw tuasanah taikhei kaa chiachaw thluidangnah thinglung khah zetlua tamaw a pathaisah vy chichi a.