HEBRU 2:14 - Biahrai Tha Zyphe rei

¹⁴ Mataico, sawtei sahlo cawh thi le saw tei a hringpaw mehnung aa cangnah cawtah Zisu zong cawh cawngsaw cangnah khah a hrong hrah. Ma hraco a cangnah cawh thihnah cung letei, naw a hnuitu Setan khah Ama a thihnah thongtah a hlyde khy nápawtah le,

HEBRU 2:14 Iomraidhean Croise

MATHAI 16:17

Zisu taco, “Jonah a sawcapaw Simon, nama cawh bonghnang a tingpaw na cang, zecawtamaw tatah ma heh cawngsaw tah nama aa ca hnisahpaw cang be, ka Paw vaicung leteipaw tah a ca hnisahpaw a cang hri hi.

MATHAI 25:41

Mataico a cavui lang teipaw sahlo khah, ‘Naaning chiasahpaw sahlo, Setan le a vaiming sahlo cawtah pachia ciapaw chaizaw me chunglang khah seihly o.

JOHAN 1:14

Bia cawh pungsaw tah a va lang ka, kaa hrong letah a cing lai. Paw tei a hnuitlakangpaw Sawcapaw hratah a rungnawnah zia kaa hmuh; ningdonah le biahmuisui tah a chih.

JOHAN 12:24

Biahmuisui ka ca ching he, alui letah a tlahpaw sacaang hmu cawh a thih lypaw co sangkheh teitah a cang paria thlang. Canghrasala, a thih taikhei longlong sacaang hmu a hlupui a chuasah.

ROM KHRISAWBU KHATEI PAUL CAKUA 14:9

Zecawtamaw tatah Khri thi katei a thokawpaw cawh a thipaw le a hringpaw aa Bui cang rua pawtah a cang.

ROM KHRISAWBU KHATEI PAUL CAKUA 8:3

Sua a thaipaw kaa ngaisaw phung tah a thaw a diasah cawtah phungbia tah ma cawh tua khy be. Canghrasala suanah cawtah thuihlainah tua pawtah Khazing tah Ama a Sawcapaw cawh sua a thaipaw cawngsaw pungsaw hratah a za thlaw. Macawtaco cawngsaw letei a ungpaw suanah cawh thaily a cangsah.

1 KORIN 1:28

Khazing taco khazaw tei biapui tah a rawhpaw hming sahlo cawh zehmai cang bei he tahnah takhei khazaw letei a nai caipaw le zetah sah lypaw hming sahlo, biapui tei rawh lypaw hming sahlo khah a thing he.

1 KORIN 15:50

Uny sahlo, naaning khatei ka rei dupaw cawh ma heh a cang hi. Thi le saw taco Khazing painah raang ry cawh cy khy be ca ka, a thumang thaipaw taco a thumang thai lypaw cangnah cawh cy khy be.

KALATI 4:4

Canghrasala, a cai a zaw tih taco, Khazing tah Ama a Sawcapaw phungbia rai letei a ungpaw, canu tei sahpaw cawh,

KOLOSA 2:15

Ma hraco thlawpaw lang hmingtuakhynah vytei le nawhnuinah sahlo khah lawhly ka, khraws khei te he ka, khazaw hmuh letah zehmai a cang ly zia khah a palang he.

1 TIMOTE 3:16

Zekhatahmai ei khy a cang lypaw Khazing kaa behnah letei a lemari biaparuh a cangpaw cawh a rungnaw, Ama cawh pungsaw tah a lang ka, Thlawpaw tah mehding a cang tahpaw a palang. Vaiming sahlo tah aa hmuh, phingting hrong letah a kong rei a cang, khazaw cawngsaw mehnung tah aa zing, rungnaw pawtah avai lang lahchy a cang.

2 TIMOTE 1:10

Canghrasala atoheh cawh a ma Pachahtu Khri Zisu a za langnah thong khei a langsah myca, Ama taco thihnah cawh hlyde ka, hringnah leh thih khylynah khah thawngchawbia tah khainah letah a palang thah myca.

HEBRU 10:10

Zisu Khri tah Khazing dunah hratah chaizaw cawtah uikheh thuihlainah cawh a pung tah a tuanah thongtah kaaning cawh pathaisah ka cang he peh.

HEBRU 10:5

Macawtaco Khri tah khazaw letah a vongning takhei a reipaw cawh, “Thuihlainah le pehlainah cawh na dupaw hming cang bei he, canghrasala kama ka cawtah pungsaw khah na pa pachia pah.

HEBRU 2:17

Ma rawng tahei, Ama cawh a uny sahlo hratah kawngting letah tua a hypaw cang ka, Khazing raihrenah letah zingchuipaw le zawngepaw tlangbui alaicaipaw a cang khy nápawtah le cawngsaw cawtah sua ngethainah a tuapah ruapaw tah a cang.

HEBRU 2:18

Ama hrahring takhei tuhsonah khah a ing thahnah cawtah tuhsonah aa ingpaw sahlo he khah a bong khy he.

HEBRU 4:15

Zecawtamaw tatah tlangbui alaicaipaw kaa hnuipaw heh kaa sangtlelynah letah kong pacangnah a hnuipaw tlangbui cang ka, kaaning hratah tuhsonah a phingphing tah a ing ciapaw a cang, canghrasala suanah zehmai hnui be.

HEBRU 9:15

Taico, ma cawtah hei Khri cawh Khazing le cawngsaw kaa letah biahrai a thapaw aly lang a seipaw cawh a cang, biahrai tawpaw rai letei aa suanah vytei tlang rua pawtah Ama cawh a thi. Ma rawng taco ypaw sahlo taco, chaizaw rycynah biakang cawh aa ting a.

1 PITER 1:20

Ama cawh khazaw tua a cang hlai tah thing ciapaw cang ka, canghrasala ma caichangnah lehei naa cawtah palang a cang.

APALYNAH 1:18

Mehring cawh ka cang, thi neh ka, canghrasala naw thlia tua, chaizaw cawtah ka hring kaw thah! Thihnah le Mehthi khua ingkaw cabi cawh ka hnui,” tatah a pa tah.

APALYNAH 12:9

Paribui alaipaw pui cawh heihly a cang. Ma paribui cawh khuahlai paribui, khachia a cang ly leh Setan tahpaw khah cang ka, khazaw pungpaluh lang a pavesah paw khah a cang. Ama le a vaiming sahlo cawh alui lang khah heihly a cang he.

APALYNAH 2:10

Na ing lepaw sahlo cawh ci kheh. Nawthlia tua, Setan taco naa hrong letei thaikhehpaw cawh naaning pase rua pawtah thong letah a ca thla he a, ninghraw chung hanah naa ing a. Thihnah tai zingchui pawtah ung la, hringnah bui lukhu ka ca pae he a.

APALYNAH 20:2

Ama taco paribui cawh tle ka, ma cawh khachia, khuahlai paribui Setan khah cang ka, kung thongkheh chung a hrai thlang.