HEBRU 12:1 - Biahrai Tha Zyphe rei

¹ Macawtaco hnikhuitu ming hlupui tah aa ma cadungnah cawtah langpui a ma pakhangpaw hming maikaw le hna a ma hnawhpaw suanah khah hlawh he peh seh la, kaa hme leteipaw a saipasih a zongnah lekhei teria teitah sai he peh.

HEBRU 12:1 Iomraidhean Croise

MATHAI 10:22

Kama ka rawng tah cawngsaw vytei tah aa ca hua he a, canghrasala zingnah letah a changnah tai cyky tah a dawpaw cawngsaw cawh pachah a cang a.

MATHAI 24:13

Canghrasala, a changnah tai cyky tah a dawpaw cawngsaw cawh pachah a cang a.

MARKA 10:50

A angkilai cawh vathlang ka, a catho ka, Zisu khaco a va sei.

LUKA 12:15

Mataico aa zongmingtei hai letah, “A raering teitah ung my lo! Du hlui hnuinah a phingphing khah a raering my lo. Cawngsaw hringnah heh a hnuipaw rungnah letah a pahnia be,” a tah.

LUKA 16:28

uny papangaw hnui he neh ka, aaning cawh a raeringnah va pei he seh la, ma tai-ingnah hming lang heh aa va sei ly nápawtah,’ tatah a tah.

LUKA 21:34

A raering my lo, ma tei a cang ly caco a nawngsenah, zu ruinah le tungtuh khuasahnah lungreithuinah takhei ca nai a he ka, ma ning takhei ahui hratah rawh ly pui tah a ca o pang he a.

JOHAN 3:32

A hmuhpaw le a thuipaw khah a thuisah he, canghrasala a thui sahpaw he bia cawh ahotahmai nge bei he.

JOHAN 4:39

Saikar khuachung letei a ungpaw Samaria cawngsaw a hlupui tah canuno tei, “Ka hming tua ciapaw vytei a pa ching khy thlu,” a tahpaw rawng takhei Ama cawh aa zing.

JOHAN 4:44

Zisu tah, “Khazing khuavang cawh ama a khua le raang letaco pasung panawnah a tong be,” tahpaw bia khah a rei.

ROM KHRISAWBU KHATEI PAUL CAKUA 12:12

Naa hnabeisuinah lekhei naa thawchah seh la, hanah letah lungsy teitah ung la, thlawchangnah kong letah zingchui pawtah ung my lo.

ROM KHRISAWBU KHATEI PAUL CAKUA 2:7

Mehthaikheh tah hmingchaw khah tua lai leimei he ka, rungnawnah le reithainah le chaizaw hringnah khah aa hui. Ma sahlo cawh Khazing tah chaizaw hringnah a pae he a.

2 KORIN 7:1

Macawtaco dopaw vesaw sahlo, ma biakangnah sahlo heh a hnuipaw kaa cang cawtah pungsaw cang seh, thlawpaw cang seh, a papia a palui sahpaw maikaw taikhei a pathaisah he peh seh. Khazing cawh kaa cizaw cawtah a pathai hmuisuipaw cang a zong he peh.

KALATI 2:2

Apalynah ka hmuhpaw hratah ka seipaw cang ka, Gental cawngsaw sahlo khatah ka reipaw thawngchawbia khah ka chingpase he. Canghrasala, ma ka rei paselaipaw heh aa hotu sahlo hai letah long a cang, zecawtamaw tatah hninglang letei ka za hre ciapaw rai cang seh, atohei ka hre lepaw rai cang seh, a longpaw tah cangsah du bei neh.

KALATI 5:7

Saipasih a zongnah lekhei achaw teitah sai leimei thlang he ceh ka, ahomaw biahmuisui nge khah a ca pakhang he?

EFESA 4:25

Macawtaco dinglynah khah pahluhly la, pungkheh letei a peitlepaw kaa cang cy cawtah hei naa ingpaw cacy khah biahmuisui ching my lo.

FILIPI 1:30

Ka tai-ingpaw khah hmuh thah he ceh ka, ka ruhanah zong naa thui thlang. Ma hraco atoheh naa tai-ingpaw a cang.

FILIPI 2:16

Hringnah a peipaw bia heh cyky tah pasuh thlang my lo, ma pawsui co Khri a vong kaw tihtah thaw tah ka zawngpaw le rai ka hrepaw heh a longpaw cang be tatah ka pachaw khy a.

2 TIMOTE 2:4

Raekeh rai a hre leimeipaw taco alailang rai a cangpaw lekhei a thlah lai be, abuipaw lungtong khah a zawng hri.

2 TIMOTE 4:7

Kama cawh a chawpaw a dynah khah ka pachang thah. A saipasinah zong patlung thah neh ka, zingnah zong ka vo thah myca.

HEBRU 6:15

Mataico Abraham tah lungsy teitah heh ka, Khazing tei bia a kangpaw khah a cy.

JEIMS 1:3

zecawtamaw tatah naa zingnah hnehsahnah takhei terianah a chuakhui tah cawh naa hni thlang kho.

1 PITER 2:1

Macawtaco ziahnuinah vytei le hinghenah vytei le, cungmai raipha cangnah le, hnachuanah le conguinah vytei khah naaning taitah vathlang my lo.

1 PITER 4:2

A hringchung vytei pungsaw sua dunah cawtah cang lytah Khazing dunah hratah a hring hri tahnah a cang.

1 PITER 5:1

Naaning hrong letei khrisaw macang sahlo, naa raihre hui macang ka cangnah cawtah le Khri a tai-ingnah a hnikhuitu pakheh ka cang hlui tah a va lang lepaw rungnawnah zong a hrongpaw ka cangnah cawtah ka ca naw he.

1 PITER 5:12

Zing a chuipaw uny hratah ka rawhpaw Sailas tah a pa bawnah thongtah ma ca cuitei heh naaning khatah ca kua he neh ka, Khazing ningdonah hmuisui a cang tahpaw heh ka rei dupaw le ka ca pasy dupaw he a cang. Ma leco cyky tah a daw thlang my lo.

2 PITER 1:6

hninah lekhei ma le ma a uh khynah chahchi la, ma le ma a uh khynah lekhei mua ing khynah chahchi la, mua ing khynah lekhei Khazing tlechainah chahchi la,

APALYNAH 1:9

Kama, Johan cawh naa uny ka cang. Taithuinah le a painah raang le mua ingnah letah Zisu khatah kaa zongmingtei tah kaa hrong he peh. Khazing bia le Zisu kong ka reinah rawng tah Patmos tuiraw lang kuapaw ka cang.

APALYNAH 13:10

Thong a tlah ruapaw a cangpaw sahlo cawh thongtlah thlang ky he seh. Zyzi tei thaw ruapaw aa cangpaw sahlo cawh zyzi tah thaw cang ky he seh. Ma lehei mehpathai sahlo cawh lungsy tah ingkhynah le zingchuinah aa hnuipaw cawh aa palang a hy.

APALYNAH 22:16

“Kama Zisu tah naaning khrisawbu sahlo khatah ma bia thuisah ruapaw tahei ka vaiming khah ka va taw. Kama cawh David Thahrang le a Teisaw le Duivaw esi khaipaw ka cang,” a tah.

APALYNAH 3:10

Lungsy teitah mua ing pawtah naw ka ca pehpaw na tlethlangnah cawtah alui letei a ungpaw mehnung vytei pase rua pawtei ma khazaw letei a va tlung lepaw pasenah chung taico ka ca bingsá a.