FILIPI 2:6 - Biahrai Tha Zyphe rei

⁶ Ama cawh Khazing cangnah hmuisui a hnui thlang naná teitah Khazing khatei a khingpaw tei cangnah khah tlechai be.

FILIPI 2:6 Iomraidhean Croise

MATHAI 1:23

“Laisaw pathai tah sawtei pho ka, sawcapaw a sá a, Ama cawh Immanuel tatah aa y a,” tatah a tah. Immanuel a silang cawh, “Khazing kaaning khatah a ung,” tahnah a cang.

JOHAN 1:18

Ahotahmai tah Khazing cawh hmuh bang bei he. Canghrasala Sawcapaw hnuitlakangpaw, Paw khatei a ungpaw taco Khazing cawh a palang.

JOHAN 10:30

Kama le Paw cawh pungkheh kaa cang peh,” tatah a tah.

JOHAN 10:33

Juda cawngsaw sahlo taco, “Ma sahlo rawng takhei alung tah va kaa ca zapaw cang be, cawngsaw na cang thlang naná teitah Khazing ka cang tatei na tahpaw, Khazing na reipachia navai takhei a cang,” tatah aa palei.

JOHAN 10:38

Canghrasala ma cawh ka tua caco, naa pa zing ly tahmai tah ningang chuipaw sahlo heh zing o. Ma tih taco kama ka chung letah Paw a ungpaw le Paw a chung letah ka ungpaw khah naa hnithai a,” tatah a chai he.

JOHAN 14:28

‘Sei neh ka, naaning kha ka vong kaw a,’ ka tahpaw naa thui thlang kho. Naa pa do caco, Paw kha ka sei a ka tahpaw heh naa thaw a cha a, zecawtamaw tatah, Paw cawh Kama navy tah a rungnaw vy.

JOHAN 14:9

Zisu taco, “Filip, ma vytei naaning khatah ka ung khy tai lehei hmai pa hnih ting bei ceh maw? Kama a pa hmuhpaw taco Paw khah a hmuh myca, zecawtamaw, ‘Paw cawh ma hmuhsah tua,’ na tah thlang?

JOHAN 17:5

Taico ka Paw, khazaw pi hlai tei nama khatah ka za hnuipaw rungnawnah khakhei na hmekaw letah atoheh pa parungnaw tua.

JOHAN 20:28

Thomas taco a hai letah, “Ka Buipaw le ka Khazing!” tatah a tah.

JOHAN 5:18

Ma rawng tahei Juda cawngsaw sahlo taco thaw rua pawtah khei a zawng tima he; Sabat ning a ronah caw tahei long cang lytah Khazing khah Ama a Paw tatah a y cawtah le Khazing kha a khing pawtah a tuanah cawtah a cang.

JOHAN 5:23

ma cawh Paw aa cizawpaw hratah Sawcapaw aa cizaw khy nápaw cawtah a cang. Sawcapaw a cizaw lypaw taco ama a za tawpaw Paw khah cizaw hrah be.

ROM KHRISAWBU KHATEI PAUL CAKUA 9:5

Aaning sahlo cawh pathlahtu mehpuimaw sahlo pathlah a cang he. Taico Khri zong khah mehnung lang co aa mingphing a cang. Ama cawh zezong vytei a uhtu, chaizaw tah reithai tlang Khazing a cang! Amen.

2 KORIN 4:4

Khazing hmuisang a cangpaw Khri a rungnawnah kong thawngchawbia a khainah hmuh khy ly rua pawtah zingtu a cang lypaw sahlo aa thinglung meh khah ma khazaw chahlynah khazing tahei a cosah he.

2 KORIN 8:9

Zecawtamaw tatah kaa Buipaw Zisu Khri a ningdonah khah naa hni thlang, Ama cawh a rung naná teitah naaning naa cawtah mehsisah tah a tua ka, ma a sisawnah cawh a ca rungsah khy nápaw he cawtah a cang.

1 TIMOTE 1:17

Chaizaw Siangpahrang, a hming paria thlangpaw, hmuh khy lypaw, Ama suipaw Khazing a cangpaw khatah rungnawnah le upahnah vytei cawh chaizaw tah chaizaw tai ung ky seh. Amen.

1 TIMOTE 3:16

Zekhatahmai ei khy a cang lypaw Khazing kaa behnah letei a lemari biaparuh a cangpaw cawh a rungnaw, Ama cawh pungsaw tah a lang ka, Thlawpaw tah mehding a cang tahpaw a palang. Vaiming sahlo tah aa hmuh, phingting hrong letah a kong rei a cang, khazaw cawngsaw mehnung tah aa zing, rungnaw pawtah avai lang lahchy a cang.

TITAS 2:13

Alaisuipaw kaa Khazing le Pachahtu a cangpaw Zisu Khri rungnaw pawtah a paly nápaw khah hnabeisuinah alaisuipaw kaa haw thlang chung lehei ma hraco kaa ung ruapaw a cang.

HEBRU 1:3

Sawcapaw cawh Khazing rungnawnah khainah cang ka, Khazing cangnah a palangsahtu hmuisuipaw a cang. A bia thawtlungná tah zezong vytei khah a tlechui. Suanah vytei pathaisahnah a tua khy taitah vaicung letah Cungnungcai cacang lang letah a ty.

HEBRU 1:6

Mataico, Khazing tah a sa-uthui khah khazaw letah a za thlaw ning tah, “Khazing vaiming vytei tah beh he seh,” a tah.

HEBRU 1:8

Canghrasala, Sawcapaw kong leco, “Vy Khazing, na buidyching cawh chaizaw tah chaizaw tai a hming a, dingnah cawh na painah cungcahrei a cang a.

HEBRU 13:8

Zisu Khri cawh a ziachaning le atoning le chaizaw tah a naning bang be.

APALYNAH 21:6

Ama taco ka hai letah, “Zezongpui paling a cang myca. Kama cawh Alfa le Omeka, Ahrangthonah le Achangnah ka cang. A tui a hraepaw cawh hringnah a peipaw tuihnaw taitei tui khah a mai lytah ding pawtah ka pae a.