FILIPI 2:19 - Biahrai Tha Zyphe rei

¹⁹ Abuipaw Zisu a dunah a cang caco, naaning khatah Timote va thlaw pating ka du. A va kaw kaw tihtah naa thongpang thui a neh ka, maco kama zong ka lung a tlang a.

FILIPI 2:19 Iomraidhean Croise

MATHAI 12:21

Mingphing vytei cawh a ming letah hnabeisuinah aa hnui a,” tahpaw tlingnah khah a cang.

APOSTOL 16:1

Mataico Paul le Sailas cawh Derbe khua lang va tlong he ka, Timote aa tahpaw zingtupaw a ungnah khua a cangpaw Listra khua lang aa sei pai. Timote a no cawh hningzuitu cang ka Juda cawngsaw a cang. Canghrasala a paw cawh Grik cawngsaw a cang.

ROM KHRISAWBU KHATEI PAUL CAKUA 15:12

Isaiah tei a rei vypaw cawh, “Jesi a teisaw taitah pakheh a vong ka, Gental cawngsaw sahlo uhtu tah tua a cang tae a. Taico ama a cung letah aa hnabei aa sui a,” a tahpaw hrakhei a cang.

ROM KHRISAWBU KHATEI PAUL CAKUA 16:21

Ka raihrehui Timote tah a dang pawtah a ca tah he. Taico ka sawny a cangpaw he Lusia, Jason le Sosipater zong tah a dang pawtah aa ca tah he.

1 KORIN 4:17

Ma rawng tahei Abuipaw letah zingchuipaw ka dopaw ka sawcapaw Timote khah naaning kha ka va thlawpaw a cang kho. Ama taco Khri Zisu letei ka zuipaw hringnah langpui, hmingting letei a ungpaw khrisawbu maikaw khatei ka chingpaw he khah a ca ching hry he a.

EFESA 1:13

Taico naaning sahlo zong naaning pachahnah thawngchawbia hmuisui thui he ceh ka, naa zing ning taikhei Khri letah na ung hrah he ceh. A zing ciapaw naaning sahlo cawh Khazing tei na cang he ceh tah hninah tah biakangpaw Thlawpaw Pathai khei Ama leco cakhai tah nang na cang he ceh.

FILIPI 1:1

Khri Zisu a sae a cangpaw Paul le Timote tah Filipi khua letah a ungpaw Khri Zisu letei mehpathai vytei le khrisawbu hotu sahlo le macang sahlo khatah ca kaa ca kua he.

FILIPI 2:18

Maco, naaning zong a lawng hrá la, kama ka lawngnah zong a pa hrong hrah my lo.

FILIPI 2:28

Macawtaco, ama va thlaw hlang taw cawh a ngete be ca neh ka, ma pawsui co, naa hmuh kaw tihtah naa lung a lawng a ka, kama zong ka lung a de vy a.

1 THESALONIKA 3:2

Angepainah letah thawzaang a ca pei ruapaw he tah le naa thaw a ca thosah ruapaw he tah Khri thawngchawbia pakaipaza sahnah letah kaa uny le Khazing rai kaa hrehruipaw a cangpaw Timote khah kaa va thlaw.

1 THESALONIKA 3:5

Ma rawng tahei ka ceh khawh ly tihtah, naa zingnah khah zemaw a lo tahpaw hni du tah Timote cawh ka va thlawpaw a cang. A rakheh lang tei ka phangpaw cawh tuhsotu tah a ca tuhso tih he tah thaw tah rai kaa hrepaw vytei khah ze lypaw tamaw cang pang le tahpaw heh a cang.

2 THESALONIKA 1:3

Uny sahlo naaning rawng tah Khazing letah a lawng paria ruapaw ka cang peh. Ma cawh tua ruapaw hrahring a cang, zecawtamaw tatah naa zingnah cawh changchy vy lo leimei ka, pakheh le pakheh na donah pawhe ceh zong a pung vy leimei cawtah a cang.

2 TIMOTE 1:12

Ma rawng tahei ma hrahei sisawnah ka ingpaw a cang hi. Canghmaisala ka ningzeh be, zecawtamaw tatah ahomaw ka zing tahpaw khah hnih neh ka, ma ning caw tei Ama ka chiasopaw khah achaw teitah a kai khy a tahpaw a sepaw tah ka hni.

JEIMS 4:15

Ma navy co, “Abuipaw tah a rai a tah caco, ma hraco ung he peh ka, ma heh a cang ly leh ma kheh kaa tua a,” naa tah hri be!

1 PITER 1:21

Ama khah thihnah taitah patho kaw ka, rungnawnah a peipaw Khazing khah Ama a thongtah zing he ceh ka, macawtaco naa hnabeisuinah le naa zingnah cawh Khazing letah a ung.