1 JOHAN 4:16 - Biahrai Tha Zyphe rei

¹⁶ Macawtaco kaa caw a cang cápaw Khazing donah cawh hnih he peh ka, ma leco ka pahnia he peh. Khazing cawh donah a cang. Donah letei a ungpaw maikaw cawh Khazing chung letah ung he ka, aa chung letah Khazing a ung hrah.

1 JOHAN 4:16 Iomraidhean Croise

JOHAN 6:69

Nama cawh Khazing a Mehpathai na cang tahpaw hnih peh ka, kaa zing myca,” tatah a chai.

JOHAN 9:3

Zisu taco, “Ama a suanah rawng tah cang be, a no le paw aa suanah rawng tah zong cang be, ma hratei a cangpaw heh a hringnah letah Khazing rai a langsah nápaw cawtah a cang hri.

1 KORIN 2:9

Ma duitei cawh Capathai letei, “Meh tei a hmuh bang lypaw, naw tei a thui bang lypaw, thinglung tei a rawh bang lypaw khah Khazing taco Ama a dopaw sahlo cawtah a pachia,” a tahpaw hrakhei a cang hmuisui.

1 JOHAN 3:1

Paw tei kaa cung letah donah a hnuipaw heh zetlua tamaw a lai! Ma rawng taco Khazing sawtei sahlo tatah y kaa cang hi. Taico ma cawh kaa cangnahpaw cawh a cang. Khazaw tei a ma hnilynah a rawng cawh Ama a za hni lynah rawng tah a cang.

1 JOHAN 3:16

Khri tah kaa cawtah a hringnah a peh cawtah donah hmuisui cawh zemaw a cang tah cawh kaa hni. Ma hraco kaa uny sahlo cawtah kaaning zong kaa hringnah kaa peh hrápaw a cang.

1 JOHAN 3:24

A biapeh a ngepaw sahlo cawh a chung letah ung he ka, Ama zong aa chung letah a ung hrah. Taico ma heh kaa chung letah a hring tah kaa hninahpaw cawh a cang. Ama tei a ma pehpaw Thlawpaw thongtah kaa hnipaw a cang.

1 JOHAN 4:7

Dopaw vesaw sahlo, donah cawh Khazing taitah a va chuhpaw a cangnah cawtah pakheh le pakheh a do he peh. Donah a tuapaw maikaw cawh Khazing taitah a pipaw cang he ka, Khazing khah aa hni.