1 JOHAN 3:6 - Biahrai Tha Zyphe rei

⁶ Ama a chung letah a ungpaw cawngsaw cawh sua leimei bei he. Suanah a tua leimei thlangpaw cawngsaw taco Ama khah hmuh be ca ka, hnih hrah be.

1 JOHAN 3:6 Iomraidhean Croise

2 KORIN 3:18

Macawtaco, kaaning vytei cawh hme bakhu kaa cang ly cawtah thlalang letah kaa hmui a langpaw hratah Abuipaw a rungnawnah cawh a langsah peh ka, rungnaw vy lo leimei tah Ama lonah lang khah thlai vy lo leimei cang peh ka, ma cawh Thlawpaw a cangpaw Abuipaw raihrenah a cang.

2 KORIN 4:6

Zemaw tah pawco, Khazing tah, “Khainah khah muinah chung letah khai seh,” tatah a tah. Atoheh ma khainah cawh Khazing tah kaa thinglung letah a khaisah. A rungnawnah khainah cawh Zisu Khri hme letah kaa hni khy nápawtah a cang.

1 JOHAN 2:28

Taico dopaw sawtei sahlo, Ama a chung leco ung thlang my lo, ma pawsui co, Ama a va lang kaw tihtah a hme letah kaa raechá ka, ningzaw lytah kaa ung khy hi.

1 JOHAN 2:3

A biapeh kaa nge caco, Ama kaa hni myca tah cawh kaa hni.

1 JOHAN 2:4

Ama cawh ka hni thlang tah katei, a reipaw a tua tlung lypaw cawngsaw cawh mehing cang ka, biahmuisui cawh a chung letah ung be.

1 JOHAN 3:2

Dopaw vesaw sahlo, atoheh kaaning sahlo cawh Khazing sawtei cang he peh ka, zemaw kaa va lo tae a tah duitei cawh a hnih balang be. Canghrasala Khri a lang tihtah Ama hratah ka cang tae peh tah cawh kaa hni, zecawtamaw tatah Ama cawh a cangnah ningtei hratah kaa hmuh a cawtah.

1 JOHAN 3:9

Khazing chung taitah a chuhpaw cawngsaw taco suanah khah tua paria thlang be, zecawtamaw tatah a chung lekhei Khazing thleci a ung; suanah letah sei leimei khy be, zecawtamaw tatah Khazing taitah a chuhpaw a cangnah cawtah a cang.

1 JOHAN 4:8

Donah a tua lypaw maikaw taco Khazing khah hnih bei he, zecawtamaw tatah Khazing cawh donah a cangnah cawtah.

1 JOHAN 5:18

Khazing sawtei cawh sua canei leimei thlang be tah kaa hni; Khazing Sawcapaw takhei a bingsah ka, mehchaw lypaw Setan takhei hanah pei khy be.

3 JOHAN 1:11

Dopaw vesaw, achaw lypaw haa cawh a lápaw cang beh, achawpaw duitei a lápaw a cang. Hmingchaw a tuapaw cawngsaw cawh Khazing taitei a vongpaw a cang he. Hming chah ly a tuapaw taco Khazing khah hmuh bei heh.