1 JOHAN 3:11 - Biahrai Tha Zyphe rei

¹¹ Ma heh a hrangthoning taitei naa za thuipaw bia khah a cang: Pakheh le pakheh ka do he peh tahpaw heh.

1 JOHAN 3:11 Iomraidhean Croise

JOHAN 13:4

Taico batui cadungnah taico tho ka, a angki a cung lang teipaw khah pahlu ka, a te letah pavuapai a pangia.

JOHAN 15:12

Ka biapeh cawh, ‘Ka ca dopaw he hratah pakheh le pakheh a do cy my lo,’ tahpaw heh a cang.

KALATI 6:2

Naa hmingrih khah a chang la, ma naa tuanah thong khei, Khri phungbia khah naa patling a.

EFESA 5:2

Khri tah ma do katei kaa cawtah a hringnah khah ringthopaw pehlainah le athuihlainah tah Khazing kha a pehpaw hratah donah hringzia khei hring my lo.

1 THESALONIKA 4:9

Atoheh cawh uny sahlo hratah a donah kong cawh ciapah hia khawh bei he ceh. Naaning ceingei khah Khazing tah pakheh le pakheh a donah kong khah a ca cawngpah thah he.

1 TIMOTE 1:5

Ma biapehnah heh lungthing pathaipaw le chiachaw thluidangnah chawpaw le zingnah hmuisui taitei a chuhpaw donah khah aa hnui khy nápawtah ka tingpaw a cang.

1 PITER 1:22

Atoheh cawh biahmuisui reingenah thongtah naaning le naaning cawh a pathaisah thah he ceh ka, macawtaco naa uny a cangpaw he khatah donah hmuisui naa hnuipaw a cang. Pakheh le pakheh naa lungthing hmuisui tah a do my lo.

1 PITER 3:8

A changnah letah ka ca ching dupaw he cawh, naa dawngkasawny tah lungthing hmokheh teitah ung la, naa zawng a rawh la, uny hratah pakheh le pakheh a do la, zawngrawhnah le rai a dawnah khatah ung my lo.

1 PITER 4:8

Zezong navy tah pakheh le pakheh lung hmuisui tah a do la, zecawtamaw tatah donah taco suanah a hlupui khah a ngethai sah.

1 JOHAN 1:5

Ma bia heh a Sawcapaw taitah thui he peh katei, naaning kaa ca chingpaw he cawh a cang. Khazing cawh khainah cang ka, Ama a chung leco muinah zehmai ung be.

1 JOHAN 4:11

Dopaw vesaw sahlo, Khazing tei a ma dopaw hrahei kaaning zong pakheh le pakheh ka do ruapaw he peh a cang.

1 JOHAN 4:21

Taico kaaning cawh ma biapeh heh a ma peh thah. Khazing a dopaw cawngsaw taco a uny zong a do hrahring a tahpaw heh.

1 JOHAN 4:7

Dopaw vesaw sahlo, donah cawh Khazing taitah a va chuhpaw a cangnah cawtah pakheh le pakheh a do he peh. Donah a tuapaw maikaw cawh Khazing taitah a pipaw cang he ka, Khazing khah aa hni.

2 JOHAN 1:5

Taico dopaw canuno, atoheh nama khatah biapeh a thapaw ka ciapaw cang lytah a thoning taitah kaa hnui thahpaw biapeh khah a cang. Pakheh le pakheh a do he peh takhah ka ca sia he.