1 JOHAN 2:8 - Biahrai Tha Zyphe rei

⁸ Ma duitei cawh naaning khatah phungbia athapaw hratah va cia neh ka, a hmuisuipaw cawh Khri letah le naaning letah hmuh khy a cang, zecawtamaw tatah muinah cawh khung myca ka, khainah hmuisuipaw cawh a khai thahnah cawtah hei a cang.

1 JOHAN 2:8 Iomraidhean Croise

MATHAI 4:16

a zingnah letei a ungpaw cawngsaw sahlo tah, khainah rungnawpaw aa hmuh myca, thihnah raang ningpahlipaw letah a ungpaw sahlo cung letah, khainah khua a dui myca,” tahpaw a tlingnah a cang.

LUKA 1:79

thihnah ningpahli le muinah chung letah a ungpaw sahlo cung letah khai sá pawtah le kaaning khah denah langpui lang chuithlah rua pawtah a cang,” tatah a tah.

JOHAN 1:9

Akhaipaw hmuisuipaw, ming vytei a khai sahpaw cawh a ung, khazaw lehei a vong leimei.

JOHAN 12:35

Mataico Zisu tah, “Cai a cawngpe chung cy khainah naa hnui a. Khainah naa hnui chung tahei a khia o, muinah tah a ca phah hlai he tahei. A muinah letah a khiapaw cawngsaw taco zelang maw a sei tahpaw hnih be.

JOHAN 12:46

Kama cawh khazaw lehei khainah hratah a vong neh ka, a pa zingpaw maikaw cawh a muinah letah ung thlang bei he.

JOHAN 13:34

Biapeh thapaw ka ca peh he: Pakheh le pakheh a do cy my lo. Ka ca dopaw he hrakhei pakheh le pakheh a do cy my lo.

JOHAN 8:12

Zisu taco zawpui sahlo khakhei bia cawh a reikaw, “Kama cawh khazaw khainah ka cang. A pa zuipaw cawh a muinah letah sei by be, khainah tei a pehpaw hringnah khah a hnui hri a,” tatah a tah.

APOSTOL 17:30

Hninglang cai leco cawngsaw tah aa za hni lypaw khah Khazing tah a ngethai thlang he, canghrasala atoheh cawh hmingting letei a ungpaw cawngsaw vytei khah a ngepachih rua pawtah bia a peh myca he.

APOSTOL 26:18

aaning sahlo cawh aa meh dui sá he ceh ka, muinah taitah khainah lang, Setan hmingtuakhynah taitah Khazing lang na paleh sá he a. Ma pawsui co, sua ngethainah hmuh a he ka, kama a pa zing cawtah pathaisah aa cangpaw cawngsaw sahlo hrong letah hminghmaw aa hnui a,’ tatah a pa palei.

ROM KHRISAWBU KHATEI PAUL CAKUA 13:12

Zai cawh a chang daimang myca, khua a dui daimang. Macawtaco muinah letei tuasanah khah bang myca he peh seh la, khainah rae dynah chaichi khah a hrei hri he peh.

2 KORIN 8:9

Zecawtamaw tatah kaa Buipaw Zisu Khri a ningdonah khah naa hni thlang, Ama cawh a rung naná teitah naaning naa cawtah mehsisah tah a tua ka, ma a sisawnah cawh a ca rungsah khy nápaw he cawtah a cang.

EFESA 5:8

Khuahlai taco muinah letah ung he ceh ka, canghrasala atoheh cawh Abuipaw letah khainah letah na ung myca he ceh. Macawtaco khainah letei a ungpaw sahlo hratah hring hri my lo.

2 TIMOTE 1:10

Canghrasala atoheh cawh a ma Pachahtu Khri Zisu a za langnah thong khei a langsah myca, Ama taco thihnah cawh hlyde ka, hringnah leh thih khylynah khah thawngchawbia tah khainah letah a palang thah myca.

1 PITER 1:21

Ama khah thihnah taitah patho kaw ka, rungnawnah a peipaw Khazing khah Ama a thongtah zing he ceh ka, macawtaco naa hnabeisuinah le naa zingnah cawh Khazing letah a ung.

1 JOHAN 3:23

Taico, ma heh a bia pehpaw cawh a cang. A Sawcapaw Zisu Khri a ming zing le Ama tei bia a ma pehpaw hratah pakheh le pakheh a do khah a cang.

1 JOHAN 4:11

Dopaw vesaw sahlo, Khazing tei a ma dopaw hrahei kaaning zong pakheh le pakheh ka do ruapaw he peh a cang.

1 JOHAN 4:21

Taico kaaning cawh ma biapeh heh a ma peh thah. Khazing a dopaw cawngsaw taco a uny zong a do hrahring a tahpaw heh.