1 JOHAN 2:3 - Biahrai Tha Zyphe rei

³ A biapeh kaa nge caco, Ama kaa hni myca tah cawh kaa hni.

1 JOHAN 2:3 Iomraidhean Croise

LUKA 6:46

Ka reipaw tua tlung lytah zecawtamaw, ‘Abuipaw, Abuipaw,’ tatah naa pa y?

JOHAN 14:15

Naa pa do caco, ka biapeh heh naa nge a.

JOHAN 15:10

Paw a biapeh nge neh ka, a donah letah ka ung paria thlangpaw hratah ka biapeh naa nge caco, ka donah letah na ung paria a he ceh.

JOHAN 15:14

Bia ka ca pehpaw he khah naa tua caco, ka vesaw na cang he ceh.

JOHAN 17:3

Ma heh chaizaw hringnah cawh a cang, Khazing hmuisui pakheh, nama hni le nama tei na za tawpaw Zisu Khri hni heh a cang.

2 KORIN 4:6

Zemaw tah pawco, Khazing tah, “Khainah khah muinah chung letah khai seh,” tatah a tah. Atoheh ma khainah cawh Khazing tah kaa thinglung letah a khaisah. A rungnawnah khainah cawh Zisu Khri hme letah kaa hni khy nápawtah a cang.

HEBRU 5:9

Mataico, mehtling tah tua a cang tihtah Ama a rei a ngepaw vytei cawtah chaizaw pachahnah a hrangpui tah a va cang.

1 JOHAN 2:13

Paw sahlo, athoning taitah ahomaw a ung tahpaw naa hni thahnah cawtah naaning khatah ma ca heh ka va ciapaw a cang. Mehny sahlo, naaning tah mehchaw lypaw Setan khah naa te thahnah cawtah naaning khatah ma ca heh ka va ciapaw a cang. Dopaw sawtei sahlo, Paw khah naa hni thahnah cawtah naaning khatah ma ca heh ka va ciapaw a cang.

1 JOHAN 3:14

Thihnah taitah hringnah lang kaa pange myca tah cawh kaa hni, zecawtamaw tatah kaa uny sahlo khah kaa donah caw he tah a cang. A uny a do lypaw cawngsaw cawh thihnah letah a ungpaw a cang.

1 JOHAN 3:19

Ma cawh kaa tua tihtah biahmuisui letah kaa ung tah hnih peh ka, kaa lungthing tah sua a ma phosah tahmai tah a hmekaw letah lung khaitlawng teitah kaa ung.

1 JOHAN 3:6

Ama a chung letah a ungpaw cawngsaw cawh sua leimei bei he. Suanah a tua leimei thlangpaw cawngsaw taco Ama khah hmuh be ca ka, hnih hrah be.

1 JOHAN 4:13

Khazing a chung letah ung he peh ka, Ama zong kaa chung letah a ung hrah tah cawh kaa hni, zecawtamaw tatah a Thlawpaw a ma peh cawtah hei a cang.

1 JOHAN 4:7

Dopaw vesaw sahlo, donah cawh Khazing taitah a va chuhpaw a cangnah cawtah pakheh le pakheh a do he peh. Donah a tuapaw maikaw cawh Khazing taitah a pipaw cang he ka, Khazing khah aa hni.

1 JOHAN 5:19

Kaaning cawh Khazing sawtei ka cang he peh tah le khazaw pungpaluh cawh mehchaw lypaw Setan a nawhnuinah rai letah a ung tah cawh kaa hni.

1 JOHAN 5:2

Ma heh Khazing sawtei sahlo kaa do he tah kaa hninahpaw cawh a cang. Khazing do he peh katei, a biapeh kaa zuipaw heh.

1 JOHAN 5:3

Ma heh Khazing do cawh a cang: A biapeh nge heh. A biapeh cawh kaa cawtah hmingrih cang be,

APALYNAH 12:17

Mataico, paribui cawh canuno cung leco a thingae ngetei ka, canuno a pathlah a tangpaw sahlo, Khazing biapeh nge he katei, Zisu a dawkhuipaw sahlo he khah rae dy rua pawtah a piathlah.

APALYNAH 14:12

Khazing biapeh a ngepaw mehpathai sahlo le Zisu angepainah letei a hming thlangpaw sahlo cawh lungsy tah ingkhynah aa hnui a hy.

APALYNAH 22:14

Aa pai a suh pathaipaw sahlo cawh bonghnang aa ting a, ma pawsui co hringnah thingkung taikhei e khy he ka, hawkaw lang khei khuapui chunglang cawh a nae khy he a.