1 JOHAN 2:21 - Biahrai Tha Zyphe rei

²¹ Biahmuisui naa hnilynah cawtah naaning khatah ca ka va ciapaw cang lytah biahmuisui cawh hnih he ceh ka, biahmuisui taitah hinghenah a chua lynah cawtah a cang hri

1 JOHAN 2:21 Iomraidhean Croise

JOHAN 18:37

A cang caco, “Siangpahrang na cang maw?” tatah Pilat taco a tah. Zisu taco, “Na reipaw cawh ahmang, siangpahrang ka cang. A ngetei tahpaw co, ma khazaw letei ka pinah chang le ka va chuanah chang cawh biahmuisui palang rua pawtah a cang. Biahmuisuipaw letei a ungpaw maikaw taco ka rei aa nge,” tatah a chai.

JOHAN 8:44

Naaning cawh Setan khah naa paw cang ka, naa paw a dupaw khah tua lai naa du. Ama cawh athoning taitah lenongpaw cang ka, biahmuisui khah a tle be, zecawtamaw tatah ama letah biahmuisui a ung lynah cawtah a cang. A hing tihtah ama a chuakhuipaw khah a reipaw a cang thlang, zecawtamaw tatah ama cawh mehing le hingnah paw a cang.

JEIMS 1:19

Ka dopaw uny sahlo, ma heh a ngia thlang my lo: Ahohmai thuinah lang leco a catleipaw cang la, biarei le thingae leco a hawngsang my lo,

2 PITER 1:12

Macawtaco, ma hming sahlo heh naa hni thlang naná teitah le ato letei naa hnuipaw biahmuisui khah cyky tah naa tle thlang naná tei he ceh tah ka ca thuisah kaw paria thlang he a.

1 JOHAN 3:19

Ma cawh kaa tua tihtah biahmuisui letah kaa ung tah hnih peh ka, kaa lungthing tah sua a ma phosah tahmai tah a hmekaw letah lung khaitlawng teitah kaa ung.

JUDAH 1:5

Ma vytei heh naa hni thah ciapaw a cang thlang naná teitah ching hry ka ca dupaw he cawh Abuipaw tah a cawngsaw sahlo khah Izipt raang taitah pachah he ka, canghrasala, a hning taco, a zing lypaw sahlo cawh a hlyde thlang he tahpaw khah a cang.