1 JOHAN 2:13 - Biahrai Tha Zyphe rei

¹³ Paw sahlo, athoning taitah ahomaw a ung tahpaw naa hni thahnah cawtah naaning khatah ma ca heh ka va ciapaw a cang. Mehny sahlo, naaning tah mehchaw lypaw Setan khah naa te thahnah cawtah naaning khatah ma ca heh ka va ciapaw a cang. Dopaw sawtei sahlo, Paw khah naa hni thahnah cawtah naaning khatah ma ca heh ka va ciapaw a cang.

1 JOHAN 2:13 Iomraidhean Croise

MATHAI 11:27

Hming vytei heh ka Paw tah a pa peh thlu thah he. Paw tah ly co Sawcapaw heh ahotahmai hnih bei he. Paw cawh Sawcapaw le Sawcapaw tei hnisah ruapaw tei a thingpaw he tah ly co ahotahmai hnih bei he.

MATHAI 13:19

Pakheh kheh tah vaicung painah raang kong thawngchaw khah thui ka, canghrasala a lunghaa be, mehchaw lypaw a vong ka, a lungchung letei vapaw thleci cawh a lah pah hly thlu. Ma heh langkae letei a tlahpaw thleci silang cawh a cang.

MATHAI 13:38

Ly cawh khazaw heh cang ka, thleci chaw tahpaw cawh vaicung painah raang sawtei sahlo khah a cang he. Lybei tahpaw cawh mehchaw lypaw sawtei sahlo khah cang he ka,

MATHAI 5:37

A cang caco, ‘A cang,’ tah la, a cang ly caco, ‘Cang be,’ tah my lo. Ma a khunglang tei hming cawh mehchaw lypaw taitah a va chuhpaw a cang.

LUKA 10:22

Zisu cawh ma hratei thlaw a chang khy taico zawpui sahlo lang cawh ma hrahei bia rei ka, “Hming vytei heh ka Paw tah a pa peh thlu thah he. Paw tah ly co Sawcapaw heh ahomaw a cang tahpaw ahotahmai hnih bei he. Taico, Sawcapaw le Sawcapaw tei hnisah rua pawtah a thingpaw he tah ly co Paw cawh ahomaw a cang tahpaw ahotahmai hnih bei he,” a tah.

JOHAN 14:7

Naa pa hni hmuisui caco ka Paw naa hni hra a. Atoning taihei Ama cawh hnih he ceh ka, naa hmuh thah myca,” tatah a chai.

JOHAN 14:9

Zisu taco, “Filip, ma vytei naaning khatah ka ung khy tai lehei hmai pa hnih ting bei ceh maw? Kama a pa hmuhpaw taco Paw khah a hmuh myca, zecawtamaw, ‘Paw cawh ma hmuhsah tua,’ na tah thlang?

JOHAN 16:3

Aaning sahlo taco ma hapaw hming cawh aa tua a, zecawtamaw tatah Paw zong Kama zong ma hnih bei he.

JOHAN 16:33

Kama letah thlawlungnah naa hnui khy nápawtah ma hming sahlo heh ka ca chingpaw he a cang. Ma khazaw lehei co, lung reithuinah naa hnui thlang a. Canghrasala, naa lung pacy my seh lo! Khazaw heh ka te thah hi,” tatah a tah he.

JOHAN 17:21

ka Paw, Nama cawh ka chung letah ung ceh ka, na chung letah ka ungpaw hratah aaning vytei pungkheh aa cang khy hrah nápaw cawtah a cang. Kama cawh Nama tah na pa taw tahpaw heh khazaw tah a zing khy nápaw cawtah le kaa chung letah aa ung khy hrah nápaw zong tah a cang.

JOHAN 17:3

Ma heh chaizaw hringnah cawh a cang, Khazing hmuisui pakheh, nama hni le nama tei na za tawpaw Zisu Khri hni heh a cang.

JOHAN 8:19

Mataico Zisu cawh, “Na paw cawh zeletamaw a ung?” tatah aa hae. Zisu taco, “Naaning cawh kama zong pa hnih bei ceh, ka Paw zong hnih bei ceh. Kama naa pa hni caco, ka Paw zong naa hni thlang hrá a,” tatah a palei he.

2 KORIN 4:6

Zemaw tah pawco, Khazing tah, “Khainah khah muinah chung letah khai seh,” tatah a tah. Atoheh ma khainah cawh Khazing tah kaa thinglung letah a khaisah. A rungnawnah khainah cawh Zisu Khri hme letah kaa hni khy nápawtah a cang.

1 TIMOTE 5:1

Capaw macang sahlo khah a tangpui tah raw khe lo, canghrasala na paw hratah rawh he la, pasy hri my lo. Capaw mehny vy sahlo khah uny hratah le

TITAS 2:6

Ma hraco capaw mehny sahlo khah ma leh ma a tlepakhih khypaw aa cang nápawtah pasy my lo.

1 JOHAN 1:1

Ahrangtho ning taitah a za ung thahpaw, a kong khah ca kaa cakuapaw he a cang. Ma cawh Hringnah Bia cang ka kaa naw tah thui ka, kaa meh tah hmuh ka, ming peh ka kaa kih tah a tawng thah.

1 JOHAN 2:1

Ka dopaw sawtei sahlo, naa sua ly nápaw cawtah ma ca heh ka ca kua he hi! Canghrasala pakheh kheh tah suanah a tua caco, Paw khatah a dawcakainah bia a ma reikaipaw Zisu Khri a dingpaw pakheh cawh kaa hnui thlang.

1 JOHAN 2:12

Dopaw sawtei sahlo, Zisu a ming thongtah naa suanah vytei ngethai a cang thah cawtah hei naaning khatah ma ca heh ka va ciapaw a cang.

1 JOHAN 2:14

Paw sahlo, Ama cawh athoning taitah a ungpaw a cangpaw khah naa hni thah cawtah naaning khatah ma ca heh ka va ciapaw a cang. Mehny sahlo, chong he ceh ka, Khazing bia naa chung letah a ungnah cawtah le mehchaw lypaw Setan khah naa te thahnah cawtah naaning khatah ma ca heh ka va ciapaw a cang.

1 JOHAN 3:12

Mehchaw lypaw Setan a tei cang katei, a uny a thehpaw Kain hratah cang khe lo. Taico zecawtamaw ama cawh a thaw? Zecawtamaw tatah ama a tuasanah cawh a suapaw cang ka, a unypaw a tuasanah cawh a dingpaw a cangnah cawtah a cang.

1 JOHAN 4:4

Dopaw sawtei sahlo, naaning sahlo cawh Khazing taiteipaw cang he ceh ka, a pakheipaw thlawpaw sahlo cawh naa te thah he, zecawtamaw tatah naaning letah a ungpaw cawh khazaw letei a ungpaw navy tah a thaw a tlung vy rong tah a cang.

1 JOHAN 5:18

Khazing sawtei cawh sua canei leimei thlang be tah kaa hni; Khazing Sawcapaw takhei a bingsah ka, mehchaw lypaw Setan takhei hanah pei khy be.

1 JOHAN 5:20

Khazing Sawcapaw cawh a vong ka, ahmuisuipaw Khazing kha kaa hni khy ná pawtah hnithainah a ma peh tah cawh kaa hni. Kaaning cawh ahmuisuipaw Khazing le a Sawcapaw Zisu Khri chung letah kaa ung. Ama cawh Khazing hmuisui le chaizaw hringnah a cang.

APALYNAH 12:11

Tuu teitei thihnah thisai thongtah le a dawkhuinah pawhe bia thongtah aaning sahlo taco, ama cawh aa te myca. Aa hringnah peh zong sai he ka, thih zong aa ngang.

APALYNAH 2:7

Thlawpaw tei khrisawbu sahlo hai letei bia a reipaw heh thuinah nawkho a hnuipaw maikaw taco thui he seh. A tetupaw maikaw cawh Khazing Paradis letei hringnah thingkung taiteipaw cawh ka e sá he a,” tatah a tah.