IsiLilo 3:32 - IBHAYIBHELI ELINGCWELE

³² Ngokuba noma edabukisile, uyakuhawukela nokho ngokobukhulu bomusa wakhe.

IsiZulu 2020

³² Noma ikudabukisile, iyokuhawukela ngobukhulu bobubele bayo.

Contemporary Zulu Bible 2024

³² Kepha noma ebanga usizi, nokho uyakuba nesihawu ngokobukhulu bobubele bakhe.

IsiLilo 3:32 Iomraidhean Croise

2 AmaKhosi 13:23

Kodwa uJehova wayenomusa kubo, wayenesihe kubo, wabanakekela ngenxa yesivumelwano sakhe no-Abrahama no-Isaka noJakobe, akathandanga ukubachitha, futhi wayengakabalahli ebusweni bakhe.

AmaHubo 103:11

Ngokuba njengokuphakama kwezulu phezu komhlaba unjalo umusa wakhe phezu kwabamesabayo.

AmaHubo 30:5

Ngokuba ukuthukuthela kwakhe kuba ngokomzuzwana nje, umusa wakhe uba ngowokuphila konke; kusihlwa kungena ukukhala, ekuseni ukujabula.

AmaHubo 78:38

Kepha yena enesihawu wathethelela ububi babo, akabhubhisanga; yebo, wabamba kaningi intukuthelo yakhe, akavusanga lonke ulaka lwakhe.

UEksodusi 2:23

Kwathi sekudlulile izinsuku eziningi, inkosi yaseGibithe yafa; abakwa-Israyeli babubula ngenxa yobugqila, bakhala; ukukhala kwabo kwenyukela kuNkulunkulu ngobugqila babo.

UEksodusi 3:7

Wayesethi uJehova: “Ngibonile nokubona ukuhlupheka kwabantu bami abaseGibithe; ngizwile ukukhala kwabo ngenxa yabacindezeli babo, ngokuba ngiyazazi izinsizi zabo;

U-Isaya 27:8

Ngokubamukisa nangokubaxosha uyabajezisa; wabasusa ngomoya wakhe olukhuni ngosuku lomoya wasempumalanga.

U-Isaya 54:7

“Umzuzwana omncane ngakushiya, kepha ngobumnene obukhulu ngiyakukubutha.

UJeremiya 31:20

U-Efrayimi uyindodana yami yini eyigugu kimi, ungumntwana othandekayo na? Ngokuba njalo lapho ngikhuluma okubi ngaye, ngisamkhumbula nokumkhumbula; ngalokho izibilini zami ziyamhawukela; ngiyakuba nesihe impela kuye,” usho uJehova.

IsiLilo 3:22

ngumusa kaJehova ukuthi asiqediwe, ngokuba ububele bakhe abupheli.

Hoseya 11:8

“Ngingakunikela kanjani, Efrayimi, ngikukhaphele, Israyeli, na? Ngingakwenza kanjani ube njenge-Adima, ngikubeke ufane neSeboyimi, na? Inhliziyo iyaphenduka phakathi kwami, sonke isihawu sami sivusiwe.

UNahume 1:12

Usho kanje uJehova, uthi: “Noma benamandla, futhi bebaningi, nokho bayakuqedwa, banyamalale; noma ngikuhluphile, angisayikukuhlupha.

NgokukaLuka 15:20

Yayisisuka, yafika kuyise; kepha kuthe isekude, uyise wayibona, waba nesihe, wagijima, wayisingatha entanyeni, wayanga.

AbAhluleli 10:16

Base besusa onkulunkulu babezizwe phakathi kwabo, bamkhonza uJehova; umphefumulo wakhe wakhathazeka ngokuhlupheka kwabakwa-Israyeli.