Esteri 4:1 - IsiZulu 2020

¹ Kwathi ukuba uMoridekhayi ezwe ngakho konke okwakwenzekile, waklebhula izingubo zakhe, wagqoka isaka, wazithela ngomlotha ekhanda, wazulazula emzini ekhala kakhulu nakalusizi.

IBHAYIBHELI ELINGCWELE

¹ UMoridekayi esekwazi konke okwenziweyo, uMoridekayi waziklebhula izingubo zakhe, wembatha indwangu yamasaka nomlotha, waphumela phakathi komuzi, wakhala ngokukhala okukhulu okumunyu;

Contemporary Zulu Bible 2024

¹ Kwathi uMoridegayi ebona konke okwenzekileyo, uMoridegayi waklebhula izingubo zakhe, wembatha izingubo zokulila nomlotha, waphuma waya phakathi nomuzi, wakhala ngokukhala okukhulu nokubabayo;

Esteri 4:1 Iomraidhean Croise

UGenesise 27:34

Lapho u-Esawu ezwa lawo mazwi kayise wadazuluka wakhala kalusizi, wathi kuyise: “Ngibusise nami baba!”

UGenesise 37:34

UJakobe wayeseklebhula izingubo zakhe, wembatha isaka okhalo lwakhe, walilela indodana yakhe izinsuku eziningi.

2 Samuweli 1:11

UDavide wabamba izingubo zakhe waziklebhula, enza kanjalo namadoda wonke ayenaye.

2 Samuweli 13:19

UThamari wayesezithela ngomlotha ekhanda, wayiklebhula ingubo yakhe enemibala ayeyigqokile, wathwala izandla ekhanda, wahamba elokhu ekhala.

Esteri 4:2

Wahamba waya esangweni lesigodlo senkosi, ngokuba akekho owayevunyelwe ukungena ngalo egqoke indwangu eyisaka.

Esteri 4:3

Kuzo zonke izifundazwe lapho kwafinyelela khona izwi lenkosi nomthetho wayo, kwaba nomsindo wokulila okukhulu kubaJuda; bazila ukudla, bakhala, balila, iningi labo lalala phansi ligqoke indwangu eyisaka, lazithela ngomlotha.

UJobe 1:20

UJobe wayesesukuma, waklebhula isembatho sakhe, waphuca ikhanda lakhe, wawela emhlabathini, wakhuleka,

UJobe 2:8

UJobe wathatha udengezi ukuba azenwaye ngalo; wayehleli emlotheni.

UJobe 42:6

ngakho-ke ngiyazenyanya, ngiyazisola, ngibhuquza othulini nasemlotheni.”

U-Isaya 15:4

IHeshibhoni ne-Elehale kuyakhala; izwi labo lizwakala naseJahazi; amabutho akwaMowabi ayamemeza, umphefumulo wawo uyathuthumela.

U-Isaya 22:4

Ngalokho ngithi: “Ningangibuki mina, ngizonikhombisa umunyu ngokulila kalusizi; ningazami ukungiduduza ngenxa yokubhujiswa kwendodakazi yabantu bami.”

U-Isaya 37:1

Kwathi ukuba inkosi uHezekiya ikuzwe lokho, yaklebhula izingubo zayo, yagqoka indwangu eyisaka, yangena endlini kaSimakade.

U-Isaya 37:2

Yathumela u-Eliyakimi owayengamele isigodlo, noShebhina unobhala, namalunga abaphristi, bembethe izindwangu ezingamasaka, baya ku-Izaya umphrofethi, indodana ka-Amozi.

U-Isaya 58:5

Ngabe yikhona kuzila lokhu engikukhethileyo na? Ngabe wusuku lokuba umuntu athobise umphefumulo na? Ngabe kungukuba agebise ikhanda lakhe njengomhlanga, alale endwangwini eyisaka nasemlotheni na? Ngabe yikho lokhu yini enikubiza ngokuzila, nosuku olwemukelekileyo kuSimakade na?

UHezekeli 21:11

“ ‘ “Inkemba inikelwe ukuba imenyezeliswe, ukuze ibanjwe ngesandla. Yebo, inkemba isiloliwe, isimenyezelisiwe ukuba inikelwe esandleni sombulali.

UHezekeli 21:6

“Kepha wena ndodana yomuntu, bubula, ububule ngomunyu bekubuka, ngenxa yokhalo lwakho olwaphukileyo.

UDaniyeli 9:3

Ngase ngibhekisa ubuso bami kuyo iNkosi uNkulunkulu ngakhuleka, nganxusa ngokuzila ukudla, nangendwangu eyisaka, nangomlotha.

UMikha 1:8

Ngenxa yalokhu ngiyakukhala, ngikhihle isililo, ngihambe ngingafake zimbadada, ngihamba ze, ngiklewule njengempungushe, ngilile kube sengathi ngamazinyane entshe.

UZefaniya 1:14

“Usuku olukhulu lukaSimakade seluseduze, lusondele futhi luyashesha kakhulu. Umsindo wosuku lukaSimakade uwusizi, neqhawe liyakuqanduqandula lapho.

Mathewu 11:21

“Maye, kuwe Khorazini! Maye, kuwe Bhethsayida! Ngokuba ukuba le misebenzi yamandla eyenziwe kini, yayenziwe eThire naseSidoni, ngabe kudala yambatha isaka, yazithela ngomlotha, yaphenduka.

IzEnzo 14:14

Kepha bathi ukuba abaphostoli, uBharnabha noPawula, bezwe ngalokhu, baklebhula izingubo zabo, baphuthuma esixukwini, bamemeza,

UJoshuwa 7:6

UJoshuwa wayeseklebhula izingubo zakhe, wathi mbo ngobuso emhlabathini phambi komphongolo kaSimakade kwaze kwaba kusihlwa, yena namalunga akwa-Israyeli bazithela ngothuli emakhanda.

IsAmbulo 11:3

Ngiyakubanika igunya ofakazi bami ababili ukuba baphrofethe izinsuku eziyi-1 260, bembathiswe indwangu eyisaka.”