San Lucas 9:7 - Zapoteco de Chichicapan

⁷ Chin gudiiꞌdxidxiahga gobernador Herodes garaa nin cayuhnn Jesuhs, bicheꞌh ba ayi guhcabwaꞌ ba xa ñuhnn ba lligaaba laasii riiñiꞌ nuhn bwiinn rahbi laꞌguehtu Jwahn nin baroꞌbañihsa babahn.

San Lucas 9:7 Iomraidhean Croise

San Mateo 11:2

ya gaduhbi nin nuu Jwahn nin ruroꞌbañihsa laꞌn lahtsi dxiꞌba, bihn ba xcweenta dziꞌn raꞌ nin cayuhnn Jesuhs, niꞌchin nin guxeꞌhla Jwahn paaldaa raꞌ xpwiinn ba

San Marcos 8:28

Chiꞌchi rahbi raꞌ ba loh Ñiꞌh: ―Nuhn raꞌ bwiinn rahbi yiꞌh naa luꞌh Jwahn nin baroꞌbañihsa, ya snuhn raꞌ ba rahbi yiꞌh naa luꞌh Elías, ya snuhn raꞌ ba rahbi yiꞌh naa luꞌh stuhbi raꞌ guehtu profeta raꞌ nin guñiꞌ xchiꞌdxyi Dxiohs.

San Lucas 13:31

Dxyih chi gahca rahbi raꞌ nuhn fariseu loh Jesuhs: ―Bariaꞌh riiꞌ, bwaa; tin Herodes xclaaꞌdzi gadxiinn yiꞌh.

San Lucas 21:25

Rahbiza Ñiꞌh: ―Chiꞌchi gaca raꞌ sehn loh gubihdxyi cun loh bweꞌhw neezaa dxih nin nuu llaaꞌndxibaaꞌ; ya loh guidxyiyuh garaa raꞌ bwiinn guidxyihbi raꞌ ba laasii nin ayi gacabwaꞌ raꞌ ba xa guunn raꞌ ba chin dxihn raꞌ ba cayuuꞌbwih taaꞌha ñihsadoꞌ nee taantu jweersi nin rzihdzi cwidxyidxiah ñihsadoꞌ.

San Lucas 23:7

Chiꞌchi rahbi raꞌ ba: ―Uhn, bwiinn Galilea ba. Ya chin bihn Pilahtu bwiinn Galilea Ñiꞌh, chiꞌchi guxeꞌhla Pilahtu laꞌh Jesuhs loh Herodes tin guunn ba guelguxchisi xcweenta Jesuhs, laasii Herodes naa gobernador guihdxyi Galilea, nee laꞌn dxyih raꞌ chi gahca badzihn Herodes guihdxyi Jerusalehn.

San Lucas 3:1

Laꞌn dxyih raꞌ chin guhca tsiꞌñu yihza naa Tiberio César rrehyi, Ponciu Pilahtu naa gobernador xteenn Judea; Herodes naa gobernador guihdxyi Galilea; Felipe, bwihtsi Herodes, naa gobernador guihdxyi Iturea cun guihdxyi Traconite; nee neezaa Lisanias naa gobernador guihdxyi Abilinia.

San Lucas 9:19

Chiꞌchi rahbi raꞌ ba loh Ñiꞌh: ―Nuhn raꞌ bwiinn rahbi yiꞌh naa luꞌh Jwahn nin ruroꞌbañihsa laꞌh raꞌ bwiinn, ya snuhn raꞌ ba rahbi yiꞌh naa luꞌh guehtu Elías nin guñiꞌ xchiꞌdxyi Dxiohs cachieemparooꞌ, ya snuhn raꞌ ba rahbi yiꞌh naa luꞌh stuhbi guehtu daada nin guñiꞌ xchiꞌdxyi Dxiohs cachieempa.