San Lucas 8:21 - Zapoteco de Chichicapan

²¹ Chiꞌchi rahbi Jesuhs loh raꞌ bwiinn chi: ―Ayi laꞌsi dxiꞌh raꞌ ba naa bwiinn lasaaꞌhahn, sino que nee garaa raꞌ bwiinn nin riuuꞌ riaꞌzi xchiꞌdxyiꞌhn nee guzoꞌbadxiahga raꞌ ban bwiinn chi naa xmaaꞌn cun bwiitsiraꞌn.

San Lucas 8:21 Iomraidhean Croise

San Mateo 17:5

Ya gaduhbi nin cañiꞌ Pehdru ziꞌchi, guzaꞌbi tuhbi xcahyi nin biduꞌbi laꞌh raꞌ ba ya laꞌn xcahyi chi bihn raꞌ ba guñiꞌ tuhbi rsiaaꞌha nin rahbi: ―Deeꞌ naa Lliiꞌnahn nin nadziiꞌhihn, riahxineꞌhn bi; gulgazoꞌbadxiahga xchiꞌdxyi bi.

San Mateo 25:40

Ya squiiꞌ guiñiꞌ Rehyi: “Pwihsi guchiin nin rñiꞌn loh tu, pwihsi loh garaa raꞌ nin bwiꞌhnn raꞌ tu laꞌh tuhbi raꞌ bwihtsi raꞌn riiꞌ nin gulliaaꞌha lasahca pwihsi bwiꞌhnn tun para naꞌh gahca.”

San Mateo 25:45

Ya chiꞌchi guiñiꞌ Rehyi loh raꞌ ba: “Guchiin nin rñiꞌn loh tu, pur garaa raꞌ nin ayi ñahcanee tu laꞌh tuhbi raꞌ bwiinn rii nin riachiistoꞌ xchiꞌdxyiꞌhn nin gulliaaꞌha ru lasahca, pwihsi niꞌchin nin para naꞌh ayi bwiꞌhnn tun.”

San Mateo 28:10

chiꞌchi rahbi Ñiꞌh loh raꞌ ba: ―Ayi guidxyihbi tu; gulcheguihtsi loh raꞌ bwiitsi raꞌn guzee raꞌ ba nez Galilea ya riꞌchi zwaꞌha raꞌ ba loon.

San Lucas 8:15

Ya biñih nin biaaba loh yuh zaꞌca niꞌchi naa ziga bwiinn nin bacaꞌdxiahga xchiꞌdxyi Dxiohs ya bwiinn chi rcaꞌha ban gaduhbi stoꞌ ba. Ayi chuu dxyih gusaaꞌn raꞌ ban. Cun paseensi zezah raꞌ ba xneziuh Dxiohs. Bwiinn raꞌ chi naa ziga tuhbi yahga ninahxi nin rcah tuhbi cwaꞌh ninahxi zaꞌca loh ñiꞌh. Rahbiza Jesuhs:

San Lucas 8:20

Chiꞌchi gwaguihtsi bwiinn loh Jesuhs, rahbi raꞌ ba: ―Xmah luꞌh cun bwihtsi raꞌ luꞌh rii raꞌ dihtsi yuuꞌ, xclaaꞌdzi raꞌ ba gwaꞌha raꞌ ba yiꞌh tin guiñiꞌ raꞌ ba loh luꞌh.

San Juan 13:17

Sidela laꞌh tu naann tu dxyiꞌdxyi raꞌ riiꞌ nee guunn tun, dichohsa tu.

San Juan 20:17

Chiꞌchi rahbi Jesuhs: ―Ayi guinaꞌzu luꞌh naꞌh, laasii nagahdxi guziaaꞌhahn nez hasta nuu Xpaaꞌn, per bwaa tin guhdzi loh raꞌ bwiꞌtsihn laꞌn gueꞌdu zuziaaꞌha nez hasta nuu Xpaaꞌn nin naa za Xpaah tu; nee Dxiohs xteꞌnnahn, cun nin naa za Xchiohs tu.

2 Corintios 5:16

Niꞌchin laꞌhnu ayi chyu gwaꞌha loh raꞌ bwiinn ziga naa raꞌ ba loh guidxyiyuh riiꞌ. Nicala galoh biuꞌnbwaꞌ nu Jesucristu ziga nin guhca Ñiꞌh chin gubahan Ñiꞌh loh guidxyiyuh riiꞌ, per nnah ayiru chyu ruhnn lligaaba ziꞌchi pur laꞌh Ñiꞌh nnah.

2 Corintios 6:18

Ya chiꞌchi zahcaꞌhn tuhbi Daada loh tu, ya laꞌhtu gaca tu lliiꞌngaꞌn raꞌn cun lliiꞌn dxaꞌpa raꞌn, rñiꞌ Yuꞌbi Dxiohs nin nahpa garaa tiiꞌ guelrnabwaꞌ.

Santiago 1:22

Per gulguiꞌhnn ziga rñiꞌ loh xchiꞌdxyi Dxiohs; ayi guunn tu ziga zi nin gucaꞌdxiahga sin, laasii sidela ziꞌchi guunn tu zusaguiꞌhi tu laꞌhgahca tu.

1 Juan 2:29

yaque laꞌhtu naann tu nazaꞌca naa Dxiohs, pwihsi ziꞌchi za gulgahcabwaꞌ garaa raꞌ nin guunn ganaalla dziꞌn zaꞌca naa raꞌ bwiinn raꞌ chi lliiꞌn Dxiohs.

3 Juan 1:11

Bwiitsi lasaaꞌ raꞌn nin nadziiꞌhihn, ayi guunn tu dziꞌn dxaaba, laasii nin ruhnn dziꞌn dxaaba nagahdxi dxiuꞌnbwaꞌ ba laꞌh Dxiohs; per nin ruhnn dziꞌn zaꞌca bwiinn chi naa ba xpwiinn Ñiꞌh.