San Lucas 8:10 - Zapoteco de Chichicapan

¹⁰ Chiꞌchi rahbi Ñiꞌh loh raꞌ ba: ―Dxiohs gahca rñiꞌ loh tu tin gacabwaꞌ tu cohsa raꞌ xteenn xquelrnabwaꞌ Ñiꞌh. Ya cohsa raꞌ chi ayi guiñiꞌnayaa Ñiꞌhn loh raꞌ bwiinn. Niꞌchin cweenta raꞌ si rñiꞌn loh raꞌ bwiinn tin gwaꞌha raꞌ ba per ayi gacabwaꞌ raꞌ ba; dxihn raꞌ ba per ayi gaann raꞌ ba xiñin. Rahbiza Jesuhs:

San Lucas 8:10 Iomraidhean Croise

San Mateo 11:25

Ya laꞌn dxyih raꞌ chi rahbi Jesuhs: ―Zuxchiilli luꞌh Xtaaꞌdahn nin rnabwaꞌ dxibaaꞌ cun loh guidxyiyuh, laasii cagaluuꞌyi luꞌh laꞌh raꞌ bwiinn nadoꞌlaadzi nin naa ziga bweezu raꞌ cohsa raꞌ nin guluuꞌlaꞌn luꞌh loh raꞌ bwiinn naann raꞌ, cun loh nin rahcabwaꞌ, ya baluuꞌyi luꞌhn nez loh raꞌ bwiinn raꞌ nin ayi xi dxiuu.

San Mateo 16:17

Ya chiꞌchi rahbi Jesuhs loh Pehdru: ―Dichohsa luꞌh, Simohn lliiꞌn Jonahs, laasii ayi guhca bwiinn zi nin basiaꞌñih loh xigaaba luꞌh cuun ziga guñiꞌ luꞌh, sino que naan Xtaaꞌdahn nin nuu dxibaaꞌ.

San Marcos 4:11

chiꞌchi rahbi Jesuhs loh raꞌ ba: ―Laꞌh tu Dxiohs rñiꞌ loh tu tin gacabwaꞌ tu cohsa raꞌ xteenn xquelrnabwaꞌ Ñiꞌh; per laꞌh raꞌ bwiinn nin ayi xclaaꞌdzi dxieꞌnaꞌhla naꞌh niꞌchin nin rñiꞌn cweenta raꞌ si loh raꞌ bwiinn,

San Marcos 4:12

laasii nicala dxihn raꞌ ba nin rñiꞌn nee gwaꞌha raꞌ ba per ayi gacabwaꞌ raꞌ ba nee nin ayi gusiaꞌpitii Dxiohs xtuhlda raꞌ bwiinn chi.

San Juan 12:40

Dxiohs bwiꞌhnn dxieꞌpa laꞌh tu, nee cun bwiꞌhnn dxiipa za Ñiꞌh stoꞌ tu tin ayi dxiinn loh tu nee nin ayi za gacabwaꞌ stoꞌ tu, nee nin ayi za guibiaꞌgarii tu loon tin gusiaꞌcahn laꞌh tu.

Romanos 16:25

Gulguiñiꞌzaꞌca loh Dxiohs nin guunn nadxipa-guunn naguihdzi laꞌh tu loh xchiꞌdxyi Jesucristu, laasii laꞌhÑiꞌh nin naa dxyiꞌdxyi nagaꞌtsi nin nuu desde galohtiiꞌ loh garaa raꞌ nin nuu nnah,

1 Corintios 12:11

Ya garaa raꞌ dziꞌn raꞌ riiꞌ ruhnn tuhsi Spíritu, Spíritu nin rahcanee ruhn tuhbigah raꞌ nuꞌh xtsiꞌn Ñiꞌh ziga chiꞌh zi nin xclaaꞌdzi Ñiꞌh.

Colosenses 2:2

Ziꞌchi ruꞌnnahn tin mahziru cwaachixpwih tu cun gaduhbistoꞌ tu pur nin bidxaꞌgastoꞌ tu ziga nadziiꞌhi lasaaꞌ tu, nee tin gaapa za tu garaa raꞌ guelnazaꞌca nin rahpa raꞌ bwiinn chin rahcabwaꞌ zaꞌca raꞌ ba xchiꞌdxyi Dxiohs, tin ziꞌchi gacabwaꞌ zaꞌca tu dxyiꞌdxyi ralaꞌn chi xteenn Dxiohs nin naa laꞌJesucristu,

1 Timoteo 3:16

Ya garaatiiꞌ bwiinn radxyigaaꞌ duxa pur dxyiꞌdxyi nin riachiistoꞌ nuꞌh, nicala nagahn gacabwaꞌ raꞌ ba nin zeeꞌ lohon: Dxiohs biꞌ loh guidxyiyuh ziga tuhbi bwiinn, ya guñiꞌ Spíritu Saantu Dxiohs ayi xi xtuhlda Jesucristu guyuuꞌ loh Dxiohs, nee bwaꞌha za xaanjla Dxiohs loh Ñiꞌh, nee bidiꞌchi xchiꞌdxyi Ñiꞌh loh guidxyiyuh, nee garaa za lahta guidxyiyuh gwachiistoꞌ raꞌ bwiinn xchiꞌdxyi Ñiꞌh ya gubiaꞌgarii Ñiꞌh loh guelñaꞌñih xteenn Dxiohs nez llaaꞌndxibaaꞌ.