San Lucas 7:9 - Zapoteco de Chichicapan

⁹ Ya chin bihn Jesuhs xchiꞌdxyi capitahn chi, badxyigaaꞌ loh Ñiꞌh pur dxyiꞌdxyi raꞌ nin guñiꞌ ba, ya biahyi Ñiꞌh tin guñiꞌ Ñiꞌh loh raꞌ bwiinn nin naꞌhla laꞌh Ñiꞌh, rahbi Ñiꞌh: ―Guchiin nin rñiꞌn loh tu, nin loh raꞌ bwiinn Israel ayi badxeelaꞌhn nin tuhbi bwiinn nin riachiistoꞌ ñiꞌh xchiꞌdxyiꞌhn ziga riachiistoꞌ daada capitahn riiꞌhin.

San Lucas 7:9 Iomraidhean Croise

San Mateo 15:28

Ya chiꞌchi rahbi Jesuhs: ―Gunnaꞌh, zirooꞌ duxa riachiistoꞌ luꞌh naꞌh; zahca gaca ziga xclaaꞌdzi luꞌh. Ya hohra chi gahca biaca lliiꞌndxaꞌpa gunnaꞌh chi.

San Mateo 8:10

Ya chin bihn Jesuhs dxyiꞌdxyi raꞌ riiꞌ, badxyigaaꞌ duxa loh Ñiꞌh, chiꞌchi rahbi Ñiꞌh loh raꞌ bwiinn nin naꞌhla laꞌh Ñiꞌh: ―Guchiin nin rñiꞌn loh tu, nin loh raꞌ bwiinn Israel nagahdxi guidxeelaꞌhn nin tuhbi bwiinn nin mahzi riachii ru stoꞌ ñiꞌh xchiꞌdxyiꞌhn ziga riachiistoꞌ ndxiꞌhw riiꞌhin,

San Mateo 9:33

ya loh nin babweꞌhedxiaꞌhla Jesuhs bwiinndxaaba chi stoꞌ bwiinn goopa chi, lwehgu guzoꞌbaloh cañiꞌ ba, ya bwiinn raꞌ badxyigaaꞌ duxa loh raꞌ ba rahbi raꞌ ba: ―¡Nagahdxi chyu gwaꞌha loh guihdxyi Israel dziꞌn rooꞌ raꞌ ziga nin dxyudiaꞌha nuꞌh nnah!

San Lucas 7:10

Ya chin babiaꞌgarii raꞌ bwiinn nin guxeꞌhla capitahn chi para yihdzi ba, chiꞌchi bwaꞌha raꞌ ba laꞌxmooza ba chi biaca.

San Lucas 7:50

Per gwazahtiiꞌ guñiꞌ Jesuhs loh gunnaꞌh chi, rahbi Ñiꞌh: ―Laꞌluꞌh gulaꞌh loh xtuhlda luꞌh laasii gwachiistoꞌ luꞌh xchiꞌdxyiꞌhn. Bwaa nnah gulahchidxyiistoꞌ luꞌh.

San Lucas 7:8

laasii nuu bwiinn nin mahzi lasahca ziga lasahcaꞌhn nee rnabwaꞌ raꞌ ba naꞌh. Ziꞌchi gahcaza naꞌpahn mooza rnabwaꞌraꞌn ba. Chin raꞌpihn loh tuhbi raꞌ ba: “Gwah”, riah ba; ya chin raꞌpihn loh stuhbi raꞌ ba: “Gudaaꞌ”, riꞌ ba; ya chin raꞌpihn loh stuhbi raꞌ ba: “Guunn luꞌh deeꞌ”, ruhnn ban. Ya yuꞌbiluꞌh sidela guinabwaꞌ luꞌh laꞌh lliaꞌh riiꞌ gahbi luꞌh: “Bariaꞌh tihxi bwiinn ca”, nahpa lliaꞌh gariaꞌhan tihxi ba.