San Lucas 5:5 - Zapoteco de Chichicapan

⁵ Chiꞌchi rahbi Simohn loh Jesuhs: ―Mwehsu, gaduhbi gueꞌla dxudiꞌhnn nu dziꞌn per nin tuhbi bwehlda ayi chyu gunaꞌzu. Per sidela ziꞌchi rnabwaꞌ yuꞌbiluꞌh, laꞌnu chogalaꞌha dxihxi stuhbweelta.

San Lucas 5:5 Iomraidhean Croise

San Lucas 17:13

chiꞌchi guñiꞌ raꞌ ba jweersi, rahbi raꞌ ba: ―¡Jesuhs, mwehsu! ¡Balahsastoꞌ luꞌh laꞌh nu!

San Lucas 8:24

Ya chiꞌchi gwah xpwiinn Jesuhs hasta naꞌllgahsi Ñiꞌh, ya bacwaꞌhn raꞌ ba laꞌh Ñiꞌh, rahbi raꞌ ba: ―¡Mwehsu, Mwehsu, babahn! ¡Amweer laꞌnuꞌh saꞌbigueeꞌla ñihsa! Chiꞌchi lwehgu gwastii Jesuhs, guñiꞌ Ñiꞌh loh bwih chi cun loh ñihsa tin cweezan. Ya lwehgu gahca guridxyii raꞌn.

San Lucas 8:45

Chiꞌchi gunaabadxyiꞌdxyi Jesuhs, rahbi Ñiꞌh: ―¿Chyuniꞌca bidxiꞌ naꞌh? Ya garaa raꞌ ba rahbi raꞌ ba: ―Nin tuhbi nu. Chiꞌchi rahbi Pehdru loh Jesuhs: ―Mwehsu, bwiinn raꞌ rgoꞌbañuh xahba luꞌh, rcaꞌnaa gahca raꞌ ba yiꞌh; ¿xi para guinaabadxyiꞌdxyi luꞌh: “Chyuniꞌca bidxiꞌ naꞌh”?

San Lucas 9:33

ya chin guhlda hohra nin laꞌh daada raꞌ chi dxiuꞌnehza, chiꞌchi rahbi Pehdru: ―Mwehsu, bwen duxa dxuu nuꞌh riiꞌ. Basaaꞌn guidiꞌnnchaꞌyi nu chohnna yuuꞌ biꞌtuꞌhn: tuhbin gaca xteenn yuꞌbiluꞌh, stuhbin gaca xteenn Moisehs, ya stuhbin gaca xteenn Elías. Ziꞌchi guñiꞌ Pehdru laasii ayi gaann ba xiñin guñiꞌ ba.

San Lucas 9:49

Chiꞌchi rahbi Jwahn loh Ñiꞌh: ―Mwehsu, bidiaꞌha nu loh tuhbi bwiinn nin rabweꞌhe bwiinndxaaba stoꞌ raꞌ bwiinn cun xquelrnabwaꞌ lah luꞌh, ya bachidiꞌtsi nu loh ba ayiru guunn ba ziꞌchi laasii ayi needxiꞌh ba caꞌnzaa ba loh nuꞌh.

San Juan 15:14

Laꞌh tu naa tu xamihgu raꞌn sidela guunn tu nin rnabwaꞌn guunn tu.

San Juan 2:5

Chiꞌchi rahbi xmah Jesuhs loh raꞌ bwiinn raꞌ nin guzuh gutiꞌdxi nin guichiꞌhn raꞌ bwiinn raꞌ nin rii raꞌ loh mweella: ―Gulguiꞌhnn garaa nin nnaa Jesuhs loh tu.

San Juan 21:3

Simohn Pehdru guñiꞌ loh raꞌ ba, rahbi ba: ―Laꞌn cheteꞌhe bwehlda. Chiꞌchi rahbi snuhn raꞌ ba: ―Neezaa laꞌhnu chonee nu yiꞌh. Ya zee raꞌ ba, seguihdu gucah raꞌ ba laꞌn tuhbi laancha; per gueꞌla chi ayi chyu bwehlda guleꞌhe raꞌ ba.