San Lucas 3:11 - Zapoteco de Chichicapan

¹¹ Chiꞌchi rahbi Jwahn loh raꞌ ba: ―Nin nuu chiohpa nehza xahba ñiꞌh gudiꞌhi ba tuhbi nehzan laꞌh bwiinn nin ayi xi nahpatiiꞌ, tin gacu ban; neezaa bwiinn nin nuu xi rahw ñiꞌh chiꞌhzi ban cun bwiinn nin ayi xi nahpatiiꞌ gahw.

San Lucas 3:11 Iomraidhean Croise

San Mateo 25:40

Ya squiiꞌ guiñiꞌ Rehyi: “Pwihsi guchiin nin rñiꞌn loh tu, pwihsi loh garaa raꞌ nin bwiꞌhnn raꞌ tu laꞌh tuhbi raꞌ bwihtsi raꞌn riiꞌ nin gulliaaꞌha lasahca pwihsi bwiꞌhnn tun para naꞌh gahca.”

San Lucas 11:41

Yannah gulcweꞌhe garaa lligaaba gubaꞌn ca cun lligaaba dxaaba nin nuu stoꞌ tu, nee neezaa gulgahcanee laꞌh raꞌ bwiinn nin ayi xi nahpatiiꞌ tin ziꞌchi garaa raꞌ cohsa gaca nayaaraꞌn para laꞌh tu.

San Lucas 18:22

Ya chin bihn Jesuhs xchiꞌdxyi bi, chiꞌchi rahbi Ñiꞌh loh bi: ―Stuhbidxiꞌh cohsa riaꞌdxyi guunn luꞌh: batooꞌ garaa xixteenn luꞌh nee chiꞌzi gahca luꞌh mweeyi chi guicaꞌha raꞌ bwiinn prohbi nin ayi xi nahpa, chiꞌchi gaapa luꞌh guelnazaꞌca llaaꞌn dxibaaꞌ, bachiꞌh dxieꞌnaꞌhla gahca luꞌh naꞌh.

San Lucas 19:8

Chiꞌchi guzuꞌnchii Zaqueu delaanta loh Jesuhs, rahbi ba: ―Bwaꞌha Daada; gudiꞌhihn garoolda nin naꞌpahn guicaꞌha raꞌ bwiinn prohbi, ya sidela gulaꞌnaꞌhn laꞌh chyuulla cun guelrsaguiꞌhi nnah gusiaꞌgariin xmweeyi ba tahpa taantu pur nin basaguiꞌhihn laꞌh ba.

San Juan 13:29

ya coma laꞌh Judas ruꞌa xpuhxa mweeyi raꞌ ba, niꞌchin bwiꞌhnn raꞌ ba lligaaba rahbi Jesuhs siꞌ ru Judas guelwahw para dxyih lañih, o gudiꞌhi ba mweeyi guhn laꞌh raꞌ bwiinn prohbi,

Hechos 10:2

Bwiinn zaꞌca duxa naa Corneliu cun gaduhbi xfamihyi ba, neezaa ziahan rooꞌ mweeyi ruchaꞌga ba loh guihdxyi chi para bwiinn Israel, ya garaa dxyih rdxiꞌhn-rnaaba ba loh Dxiohs.

Hechos 10:31

naa ba loon: “Corneliu, laꞌh Dxiohs bihnn chin rbwihdxyi-rnaaba luꞌh laꞌh Ñiꞌh neezaa bagannaastoꞌ Ñiꞌh chin rudiꞌhi luꞌh mweeyi laꞌh raꞌ bwiinn prohbi.

Hechos 10:4

Chiꞌchi bwaꞌha Corneliu loh xaanjla Dxiohs, chiꞌchi rahbi ba: ―¿Xi daada? Chiꞌchi rahbi aanjla Dxiohs loh Corneliu: ―Laꞌh Dxiohs bwiꞌhnn cweenta yiꞌh laasii rbwihdxyi-rnaaba luꞌh laꞌh Ñiꞌh, nee neezaa cun nin rahcanee luꞌh laꞌh raꞌ bwiinn.

Efesios 4:28

Bwiinn nin naa bwiinn gubaaꞌn ayiru guunn ba gubaaꞌn, mahzi guunn ba dziꞌn cun naa ba tin ziꞌchi gaapaa ba nin gacanee ba laꞌh raꞌ bwiinn raꞌ nin ayi xi nahpa.

1 Timoteo 6:17

Ya garaa raꞌ bwiinn nin naa rricu loh guidxyiyuh riiꞌ guñiꞌ loh raꞌ ba ayi guunn nayachi raꞌ ba, nee ayiza gucaꞌhstoꞌ raꞌ ba guelrricu chi laasii ayi dxiaꞌhan dziꞌtsi niꞌchi. Mas chaꞌyi chechiistoꞌ raꞌ ba xchiꞌdxyi Dxiohs laasii laꞌh Ñiꞌh nuu nabahan dziꞌtsi Ñiꞌh ya laꞌh Ñiꞌh ruluuꞌyi Ñiꞌh garaatii xixteenn nuꞌh nee nin rchiꞌhn nuꞌh tin dxiahxi lastoꞌ nuꞌh.

1 Timoteo 6:18

Guñiꞌnee laꞌh raꞌ ba tin gaca raꞌ ba tuhbi rricu loh dziꞌn zaꞌca pur xchiꞌdxyi Dxiohs, nee ayi dxiaa za raꞌ ba xixteenn raꞌ ba tin chiꞌzi raꞌ ban,

Hebreos 6:10

laasii Dxiohs naa nin ruhnn guelguxchisi zaꞌca, nee ayi xclaaꞌdzi Ñiꞌh dxiaꞌlda nin ruhnn tu nee guelrucaꞌhstoꞌ nin nahpa tu laꞌh Ñiꞌh chin rahcanee tu laꞌh bwihtsi raꞌ nuꞌh loh guelriachiistoꞌ xteenn Dxiohs, cun gallee raꞌ dziꞌn zaꞌca nin zeezah cayuhnn tu,

Santiago 1:27

Dxyiꞌdxyi nin ayi xi dxiimma nuutiiꞌ, nin naa nayaa nez loh Dxiohs nin naa Xtaada nuꞌh naa deeꞌ: Gulgahcanee laꞌh raꞌ bizahbi raꞌ cun laꞌh raꞌ gunnaꞌh nin guhchi cheꞌhla raꞌ ñiꞌh chin rchiꞌhn raꞌ ba xiilla cohsa, nee gulguiaꞌha tin ayi chuu dxiimma tu cun cohsa dxaaba xteenn guidxyiyuh.

Santiago 2:14

Bwiitsi raꞌ, ¿xi galluꞌyi sibweelaa tuhbi tu guiñiꞌ nuu guelriachii stoꞌ xteenn Dxiohs stoꞌ tu nee ayi xi dziꞌn zaꞌca cayuhnn tu? Sidela ziꞌchi naa xmohda tu, ¿ta zuhnn chiꞌh guelriachii stoꞌ chi gahn taꞌh tu loh duhlda?

1 Juan 3:17

Pwihsi sidela tuhbi nuꞌh nahpa ziahan xica cohsa para xcaaxtu nuꞌh, nee guidiaꞌha nuꞌh laꞌh bwihtsi nuꞌh ayi nahpa ba para xcaaxtu ba, nee ayi galahsa stoꞌ nuꞌh laꞌh ba, ¿xaalla gapa chiꞌh nuꞌh guelnadziiꞌhi laꞌh Dxiohs stoꞌ nuꞌh sidela guidiꞌhnn nuꞌh ziꞌchi?

1 Juan 4:20

per sidela chyulla nnaa: “Naꞌh rucaꞌh stoꞌn laꞌh Dxiohs”, gaduhbi nin rdxyiꞌchinee ba laꞌh bwihtsi ba, bwiinn chi naa ba bwiinn nin ayi naa xchiꞌdxyi ñiꞌh guchii. Pwihsi sidela tuhbi chyulla ayi nuu gantsiiꞌhi ba laꞌh bwihtsi ba nin rwaꞌhaloh ba, pwihsi ayi za nuu gucaꞌh stoꞌ ba laꞌh Dxiohs nin ayi rwaꞌhaloh ba.