San Lucas 23:5 - Zapoteco de Chichicapan

⁵ Per laꞌh raꞌ ba cun mahziru jweersirooꞌ rahbi raꞌ ba: ―Garaa raꞌ bwiinn Judea cayuuꞌyitii loh dxyiꞌdxyi dxixiꞌhw nin rluuꞌyi ndxiꞌhw riiꞌ. Guzohbaloh cagaluuꞌyi ba dxyiꞌdxyi xihn raꞌ loh guihdxyi Galilea, nee nnah laꞌba zeꞌlagaꞌh riiꞌ.

San Lucas 23:5 Iomraidhean Croise

San Mateo 11:1

Ya chin guyaꞌloh bwiiꞌyidxyiꞌdxyi Jesuhs loh raꞌ xpwiinn Ñiꞌh xa guunn raꞌ ba xtsiꞌn Ñiꞌh, chiꞌchi gunaꞌzu nehza Ñiꞌh loh guidxyi raꞌ nin rnabwaꞌ guihdxyi chi tin zee galuuꞌyi Ñiꞌh xchiꞌdxyi Dxiohs laꞌh raꞌ bwiinn,

San Mateo 2:1

Chin guulaa Jesuhs guihdxyi Belehn xteenn Judea laꞌn dxyih raꞌ chi gunabwaꞌ rrehyi Herodes, nee laꞌn dxyih chi gahcaza badzihn raꞌ rrehyi mago raꞌ nin zeꞌ raꞌ nez hasta rtahn gubihdxyi nez loh guihdxyi Jerusalehn, ya nin guhca xtsiꞌn raꞌ ba naa basiꞌdxi raꞌ ba xcweenta dxih raꞌ nin nuu llaaꞌndxibaaꞌ,

San Mateo 27:24

Ya chin bwaꞌha Pilahtu ayi nuu xa guunn ba laasii riichihpa raꞌ bwiinn chi gaca nin xclaaꞌdzi raꞌ ba, hasta chaasa ru raꞌ ba cun dxixiꞌhw, chiꞌchi gunabwaꞌ Pilahtu gwacaꞌh tuhbi xpwiinn ba ñihsa tin gudxiꞌbi naa ba nez delanta loh raꞌ bwiinn ziahan chi ya rahbi ba loh raꞌ ba: ―Ayi xi duhlda naꞌpahn pur nin gachi bwiinn zaꞌca riiꞌ; xtuhlda tun laꞌh tu.

San Mateo 4:23

Ya gucaꞌnzaa Jesuhs gaduhbi loh guihdxyi raꞌ nin rnabwaꞌ Galilea tin baluuꞌyi Ñiꞌh xchiꞌdxyi Dxiohs laꞌh raꞌ bwiinn raꞌ garaa raꞌ laꞌn guidoꞌ biꞌtiꞌhn raꞌ, cun neezaa basiaca Ñiꞌh laꞌh raꞌ bwiinn cun xi chiꞌh zi gueldxyihdxyi nin guhca raꞌ ba,

San Marcos 1:14

Yaque guyaꞌloh basieꞌw raꞌ ba laꞌh Jwahn nin ruroꞌbañihsa laꞌn latsidxiꞌba, chiꞌchi zee Jesuhs nez guihdxyi Galilea ya riꞌchi guzoꞌbaloh cagaluuꞌyi Ñiꞌh xchiꞌdxyi guelrnabwaꞌ xteenn Dxiohs,

San Lucas 11:53

Chin guyaꞌloh guñiꞌ Jesuhs dxyiꞌdxyi raꞌ riiꞌ loh raꞌ ba, bidxyiꞌchinee raꞌ mwehsu cun fariseu raꞌ chi laꞌh Ñiꞌh, chiꞌchi guzoꞌbaloh canaabadxyiꞌdxyi raꞌ ba ziahan dxyiꞌdxyi loh Ñiꞌh,

San Lucas 23:23

Per laꞌh raꞌ ba mahziru jweersirooꞌ cabwihdxyidxiah raꞌ ba tin canaaba raꞌ ba guicah Ñiꞌh loh cruhzi, ya taantu nin rbwihdxyidxiah raꞌ ba hasta que no bwiꞌhnn raꞌ ba gahn nin guclaaꞌdzi raꞌ ba,

San Lucas 23:6

Ya chin bihn Pilahtu garaa deeꞌ, chiꞌchi gunaabadxyiꞌdxyi ba rahbi ba: ―¿Ta bwiinn Galilea bwiinn riiꞌ?

San Juan 1:43

Ya chin barah gueꞌla, bwiꞌhnn Jesuhs lligaaba chee Ñiꞌh para guihdxyi Galilea; dxyih chi badxiꞌloh Ñiꞌh laꞌh Felipe ya rahbi Ñiꞌh loh ba: ―Gudaꞌnaꞌhla naꞌh.

San Juan 19:15

Chiꞌchi rahbi raꞌ ba jweersirooꞌ: ―¡Gachi ba! ¡Gachi ba! ¡Bacaꞌh ba loh cruhzi! Chiꞌchi rahbi Pilahtu loh raꞌ ba: ―¿Ta naꞌh gucaꞌhn laꞌh xrrehyi tu loh cruhzi? Ya chiꞌchi rahbi raꞌ bixohza raꞌ nin rnabwaꞌ raꞌ laꞌh raꞌ bixohza loh Pilahtu: ―¡Laꞌhnu ayiru chyu nahpa rrehyi, sola tuhbidxiꞌh laꞌh emperador!

San Juan 2:11

Mwer dziꞌn rooꞌ riiꞌ naa nin bwiꞌhnn Jesuhs loh guihdxyi Canah xteenn Galilea, tin baluuꞌyi Ñiꞌh xa naa guelrnabwaꞌ xteenn Ñiꞌh; pwihsi neezaa raꞌ xpwiinn Ñiꞌh gwachiistoꞌ raꞌ ba laꞌh Ñiꞌh.

San Juan 7:41

Ya snuhn raꞌ ba rahbi: ―Bwiinn ca naa Crixtu nin dxuleꞌza nuꞌh. Per spaaldaa raꞌ ba rahbi: ―¿Xa gaca tuhbi bwiinn guihdxyi Galilea Crixtu?

San Juan 7:52

Ya chiꞌchi rahbi raꞌ ba loh Nicodemu: ―¿Ta nee luꞌh naa luꞌh tuhbi bwiinn guihdxyi Galilea? Basiꞌdxi loh Xchihtsi Dxiohs tin gwaꞌha luꞌh xa rñiꞌ lohon: nin tuhbi daada nin rñiꞌ xchiꞌdxyi Dxiohs ayi naa bwiinn guihdxyi Galilea.

Hechos 10:37

Laꞌhtu naann tu xi guhca cun bwiinn Israel raꞌ, guzaꞌlohon nez guihdxyi Galilea, ya que guyaꞌloh baluuꞌyi Jwahn nahpaa chioobaañihsa raꞌ bwiinn tin cwihsiinn raꞌ ba chin gadzihn Crixtu.

Hechos 23:10

Ya zeezah yahyi rooꞌ chi, ya bidxyihbi comandante ñidxiinn raꞌ bwiinn ziahan chi laꞌh Pahblu niꞌchin gunabwaꞌ ba gwah raꞌ suldahdu bagabweꞌhecaa laꞌh Pahblu lahda raꞌ bwiinn ziahan chi tin ziaganee raꞌ ba laꞌh Pahblu laꞌn cwartel stuhbi.

Hechos 5:33

Chin bihn raꞌ guxchiisi dxyiꞌdxyi raꞌ chi, bidxyiꞌchi duxa raꞌ ba laasii badiꞌhi raꞌ ba cweenta duhlda roo nahpaa raꞌ ba, ya xclaaꞌdzi raꞌ ba ñidxiinn raꞌ ba pooxtla raꞌ.

Hechos 7:54

Chin bihn raꞌ ba dxyiꞌdxyi nin cañiꞌ Esteban pur nin ayi bazoꞌbadxiahga raꞌ ba xchiꞌdxyi Dxiohs, bidxyiꞌchi duxa raꞌ ba hasta loh lahyi raꞌ ba badahwllahn taantu bidxyiꞌchi duxa raꞌ ba pur nin guñiꞌ Esteban ayi bazoꞌbadxiahga raꞌ ba xchiꞌdxyi Dxiohs.

Hechos 7:57

Per laꞌh raꞌ ba cun basieꞌwdxiahga raꞌ ba ya cun gudidxaaꞌyoꞌba duxa raꞌ ba, chiꞌchi balluꞌn raꞌ ba billaꞌta raꞌ ba yihca Esteban,