San Lucas 22:61 - Zapoteco de Chichicapan

⁶¹ chiꞌchi basiaꞌgarii loh Jesuhs bwaꞌha Ñiꞌh loh Pehdru, chiꞌchi bagannastoꞌ Pehdru dxyiꞌdxyi nin guñiꞌ Jesuhs loh ba: “Galoh nin gucaꞌyahnn dxiidxinguhla nnadxyih, guiñiꞌ luꞌh loh raꞌ bwiinn chohnna bweelta gahbi luꞌh ayi nuꞌnbwaꞌtiiꞌ luꞌh naꞌh”,

San Lucas 22:61 Iomraidhean Croise

San Mateo 26:34

Chiꞌchi rahbi Jesuhs: ―Guchiin nin rñiꞌn loh luꞌh nnahgueꞌla gahca guiñiꞌ luꞌh, galoh gucaꞌyahnn dxiidxinguhla, guiñiꞌ luꞌh chohnna bwelta ayi nuꞌnbwaꞌtiiꞌ luꞌh naꞌh.

San Mateo 26:75

ya chiꞌchi bagannastoꞌ Pehdru dxyiꞌdxyi raꞌ nin guñiꞌ Jesuhs loh ba rahbi Ñiꞌh: “Galoh nin gucaꞌyahnn dxiidxinguhla mas chohnna ziñiꞌ luꞌh ayi nuꞌnbwaꞌtiiꞌ luꞌh naꞌh”, ya hohra chi gahca bariaꞌh Pehdru riꞌchi guzoꞌbaloh cayuꞌn ba nalasa duxa.

San Marcos 5:30

ya neezaa guhcabwaꞌ Jesuhs basiaca xquelrnabwaꞌ Ñiꞌh laꞌh tuhbi bwiinn, niꞌchin basiaꞌgariiloh Ñiꞌh nezloh raꞌ bwiinn nin naꞌhla laꞌh Ñiꞌh, tin gunaabadxyiꞌdxyi Ñiꞌh, rahbi Ñiꞌh: ―¿Chyu niꞌca bidxiꞌ naꞌh?

San Lucas 10:41

Chiꞌchi rahbi Jesuhs loh bi: ―¡Ai Marta, Marta; xtsiꞌndxiꞌhsi luꞌh caastoꞌ luꞌh pur ruhnn luꞌh ziahanan!

San Lucas 22:34

Chiꞌchi rahbi Jesuhs loh ba: ―Pehdru, nnah gahca ñaan loh luꞌh galoh gucaꞌyahnn dxiidxinguhla, guiñiꞌ luꞌh mas chohnna bweelta ayi nuꞌmbwaꞌtiiꞌ luꞌh naꞌh.

San Lucas 22:60

Chiꞌchi rahbi Pehdru loh ba: ―Per daada, ¡ayi rahcabwaꞌn xiniꞌca nugazeꞌta luꞌh! Ya hohra gahca nin cañiꞌ Pehdru bacaꞌyahnn tuhbi dxiidxinguhla,

San Lucas 22:62

chiꞌchi bariaꞌh Pehdru guzaꞌloh cayuꞌn bi nalaasa duxa.

San Lucas 7:13

Ya chin bwaꞌha Jesuhs niꞌchi, chiꞌchi balahsastoꞌ Ñiꞌh laꞌh gunnaꞌhviuhda chi, rahbi Ñiꞌh: ―Ayiru guꞌn luꞌh.

San Lucas 7:19

Chiꞌchi gudihdxyi Jwahn chiohpa xpwiinn ba, tin guxeꞌhla Jwahn laꞌh raꞌ ba gwaganaabadxyiꞌdxyi raꞌ ba loh Jesuhs: ―¿Ta yiꞌh naa luꞌh Crixtu nin dxyubweꞌza nu, o zachibweꞌza nu stuhbi bwiinn?

San Juan 13:38

Chiꞌchi rahbi Jesuhs: ―¿Ta guchii luꞌh zudiꞌhi xquelnabahan luꞌh pur naꞌh? Pwihsi rñiꞌn loh luꞌh galoh nin gucaꞌhyahn dxiidxinguhla, ziñiꞌ luꞌh chohnna bweelta ayi nuꞌnbwaꞌtiiꞌ luꞌh naꞌh.

Hechos 5:31

Nnah laꞌh Ñiꞌh bazuh xlahdu derehchu Xtaada Dxiohs Ñiꞌh nin rnabwaꞌ llaaꞌndxibaaꞌ tin gucaꞌha Ñiꞌh guelrnabwaꞌ laasii guinabwaꞌza Ñiꞌh nee cun neezaa xclaaꞌdzi Ñiꞌh guibiaꞌcaa xtuhlda garaa raꞌ bwiinn Israel cun xclaaꞌdziza Ñiꞌh gusaguꞌdzi lastoꞌ raꞌ ba.

Efesios 2:11

Pwihsi gulgazaꞌstoꞌ tu, laꞌhtu nin ayi naa raꞌ bwiinn Israel, nin rñiꞌ raꞌ ba loh raꞌ ñiꞌh “bwiinn ziitu” laasii ayi tu bwaꞌ nin riuuꞌ raꞌ bwiinn Israel, ya cun naa raꞌzi bwiinn guidxyiyuh riuuꞌ bwaꞌ chi tihxi bwiinn,

Apocalipsis 2:5

Pwihsi niꞌchin gulgazaꞌstoꞌ tu caa loh guzaꞌbi tu, gulgachaꞌh ziga nabahan tu tin gulgabiaꞌgarii gulguiꞌhnn ziga gubahan tu des galohtiiꞌyi; sinolan lwehgu gahca gadxiꞌhyihn laꞌh tu nee gusiaꞌpitiin xgandayehru tu xnehzan sidela ayi guchaꞌh tu lligaaba guelruhnn chiohpa stoꞌ nin nuu stoꞌ tu.