San Lucas 21:8 - Zapoteco de Chichicapan

⁸ Chiꞌchi rahbi Jesuhs loh raꞌ ba: ―Gulgahca nasiin tin ayi gusaaꞌn tu gusaguiꞌhi bwiinn laꞌh tu, tin ziahan raꞌ bwiinn dxiꞌ, nnaa raꞌ ba: “Naꞌh naan Crixtu”, per ayi chechiistoꞌ tu xchiꞌdxyi raꞌ ba nee ayiza chenaꞌhla tu laꞌh raꞌ ba,

San Lucas 21:8 Iomraidhean Croise

San Mateo 24:11

neezaa ziahan raꞌ bwiinn nin dxiꞌ nnaa raꞌ ba ruluuꞌyi raꞌ ba xchiꞌdxyi Dxiohs ya ziꞌchi zusaguiꞌhi raꞌ ba ziahan raꞌ bwiinn,

San Mateo 3:2

ya rahbi Jwahn: ―Gulgasaguuꞌdzi stoꞌ tu nez loh Dxiohs laasii laꞌh xquelrnabwaꞌ Ñiꞌh badzihn gahxu.

San Mateo 4:17

Pwihsi desde laꞌn dxyih raꞌ chi guzaꞌloh cagaluuꞌyi Jesuhs rahbi Ñiꞌh: ―Gulgasaguuꞌdzi stoꞌ tu nez loh Dxiohs, laasii laꞌh xquelrnabwaꞌ Dxiohs badzihn gahxu.

San Lucas 17:23

Nee ziuuꞌza tuhbi nin guiñiꞌ loh tu: “Riiꞌ laꞌba nuu”, o “Riꞌchi laꞌba nuu”, per rñaan loh tu ayi chee tu nen ayiza chenaꞌhla tu laꞌh ba

San Lucas 21:7

Chiꞌchi gunabadxyiꞌdxyi xpwiinn raꞌ Ñiꞌh loh Ñiꞌh, rahbi raꞌ ba: ―Daada, mwehsu; ¿cuuca gaca niꞌca? ¿Xa naa sehn nin dxiꞌ chin gaca cohsa raꞌ chi?

San Lucas 21:9

nee chin dxihn tu cayahca guehrru ridxiinn lasaaꞌ bwiinn raꞌ, ayiza guidxyihbi tu laasii nahpa gaca deeꞌ per nagahdxi gadzihn dxyih nin guiñihchiloh guidxyiyuh.

San Juan 5:43

Naꞌh zeꞌldahn pur lah Xtaaꞌdahn, ya laꞌh tu ayi rucaꞌdxiahga tu xchiꞌdxyiꞌhn, per sidela dxiꞌ stuhbi bwiinn zi pur xcweenta gahca ba niꞌchisihn zucaꞌdxiahga tu xchiꞌdxyi bwiinn chi.

San Juan 8:24

Pwihsi niꞌchin nin guñiꞌn loh tu zahchi tu loh xtuhlda tu, pwihsi sidela laꞌh tu ayi riachiistoꞌ tu xchiꞌdxyiꞌhn, naan nin naan, zahchi tu loh xtuhlda tu.

San Juan 8:28

pwihsi niꞌchin rahbi Ñiꞌh: ―Chin laꞌh tu guiteesa tu laꞌh Lliiꞌn Dxiohs nin naa ndxiꞌhw, chiꞌchi gacabwaꞌ tu naꞌh naan nin naan, nee ayi ruꞌnnahn dziꞌn raꞌ rii pur xcweenta gahcahn; rñiꞌsihn loh tu nin baluuꞌyi Xtaaꞌdahn naꞌh,

1 Corintios 6:9

¿Tayi gaann tu bwiinn raꞌ nin ayi nabahan xnehza ayi chuꞌtii raꞌ ba loh xquelrnabwaꞌ Dxiohs? Ayi gusaaꞌn tu gusaguiꞌhi raꞌ ba laꞌhtu tin laasii ziga tuhbi lasaaꞌ raꞌ deeꞌ ayi gaca chuꞌtii loh xquelrnabwaꞌ Dxiohs: ziga nin ruhnn guel gubwihlli, garaa raꞌ ziga nin raann raꞌ dxaan raꞌ; garaa raꞌ ziga nin ruyihdxinee cheꞌhla stuhbi bwiinn, garaa raꞌ ndxiꞌhw raꞌ nin ruhnn gunnaꞌh, cun nin naa raꞌ biraalli;

Efesios 5:6

Gulguiaꞌha tin ayi chyu gusaguiꞌhi laꞌhtu cun dxyiꞌdxyi nin ayi galluꞌyi raꞌ, laasii pur xcweenta raꞌ deeꞌ ziaaba xquelnah xteenn Dxiohs yihca bwiinn raꞌ nin ayi guzoꞌbadxiahga xchiꞌdxyi Ñiꞌh.

2 Tesalonicenses 2:3

Ayi gusaaꞌn tu gusaguiꞌhi bwiinn laꞌh tu pur dxyiꞌdxyi raꞌ, laasii chin nagahdxi gadzihn dxyih ca, ziuuꞌ ziahan roo raꞌ bwiinn nin cweꞌhestoꞌ raꞌ ñiꞌh xchiꞌdxyi Dxiohs tin gucaꞌnee raꞌ ba laꞌh Ñiꞌh, chiꞌchi zuluuꞌyiloh bwiinn duhlda duxa, bwiinn nin ziñichiloh par tuꞌpazi.

2 Timoteo 3:13

per laꞌh raꞌ nin ayi ruzoꞌbadxiahga xchiꞌdxyi Dxiohs nee cun bwiinn nin rusaguiꞌhi raꞌ mahzi ru zeezaꞌbi raꞌ ba loh duhlda, laasii rusaguiꞌhi raꞌ ba per nee raꞌ ba casaguiꞌhi raꞌ za ba.

1 Juan 4:1

Yuꞌbitu, bwiitsi lasaaꞌ raꞌn; ayi chechii stoꞌ tu xchiꞌdxyi cuun chiꞌh zi bwiinn nin guiñiꞌ loh tu: “Naꞌh ruluꞌyiꞌhn xchiꞌdxyi Dxiohs.” Galoh gacabwaꞌ tu xcweenta ba sidela laꞌh ba guchii ba rñiꞌ ba xcweenta Dxiohs o aaca, laasii loh guidxyiyuh riiꞌ, rii ziahan raꞌ bwiinn nin rñiꞌ raꞌ dxyiꞌdxyi raꞌ nin ayi naa guchii raꞌ.

2 Juan 1:7

Pwihsi loh guidxyiyuh caꞌnzaa raꞌ ziahan raꞌ bwiinn raꞌ nin ruluuꞌyi guriinca dxyiꞌdxyi nin ayi naa guchii; cañiꞌ raꞌ ba ayi naa Jesucristu nin guulaa loh guidxyiyuh chin biꞌ Ñiꞌh loh guidxyiyuh. Lasaaꞌ raꞌ bwiinn raꞌ riiꞌ naa raꞌ bwiinn nin rusaguiꞌhi, nee lasaaꞌ raꞌ bwiinn squiiꞌ naa raꞌ nin rdxyiꞌchinee laꞌh Jesucristu Lliiꞌn Dxiohs.

Apocalipsis 1:3

Dichohsa raꞌ bwiinn raꞌ nin rusiꞌdxi xchiꞌdxyi Dxiohs nin caa loh dxihtsi riiꞌ nee ruzoꞌbadxiahga raꞌ ban, laasii zeꞌgadzihn gahxu dxyih nin chaꞌloh ziga rñiꞌ loh dxihtsi riiꞌ.

Apocalipsis 12:9

Ya chiꞌchi biriaꞌh gunaꞌhla raꞌ xaanjla Dxiohs laꞌh maan duxa rooꞌ chi cun garaa raꞌ xaanjla ma nez loh guidxyiyuh; laꞌh ma nin naa bweꞌlda chiempa duxa nin naa za bwiinndxaaba, nin laa za Satanahs, nin rusaguiꞌhi laꞌh gaduhbi guidxyiyuh bwiinn raꞌ.